- بسم الله الرحمن الرحيمالرياض باريس واشنطن
- ورحت لويزيانا ويوم وصلت
بسم الله الرحمن الرحيمالرياض باريس واشنطن
السلام عليكم ورحمة الله وبركاته .... بسافر للولايات المتحدة الامريكية .
رحت للمطار وصعدت الطيارة وكل شي تمام ,واو وبعد على الاسطول الجديد هالمرة لاجنبي بنات ولا شي المهم قروي اول ماركبت باشغل التلفزيون الشخصي جانا مضيف قال شوي لو سمحت قلت طيب المهم طارت الطيارة وشوي و تطفى الانوار في حركة نذاله وش القصة قالوا عادي لين ترتفع الطيارة باشغل التلفزيون ما اشتغل قالوا عادي لين ترتفع الطيارة صار كل اللي في الطيارة يدعون ان ترتفع الطيارة وبعد شوي بدى الكل يتكلم عن التلفزيون اللي ما اشتغل يعني مو انا بروحي شوي واعلن الخبر السعيد ان كمبيوتر الطائرة قد تعطل الله ياحلوه من خبر يعني لاراح يكون فيه تلفزيون ولا العاب ولا حتى انوار شي حلوالمهم المهم في هالاثناء في واحد اشتغل لا لا تظنونه بزر هالمرة المكيف يقولون ان الكمبيوتر سكر كل شي وشغل المكيفات على اخرها وقلبنا في الاسكيمو المهم بدوا بتوزيع البطانيات بمعدل بطانيتيي الى 3 لكل راكب وجنبي طفل ميت من البرد عطيتة البطانية وكل ما مرت المضيفة شافتني بدون اقصد بدون بطانية عطتني بطانية وشفنا نور ربنا وجابوا الفطور ووصلت الطيارة نيويورك وينزلون 34 ارباع الركاب وساعتها يشتغل عمنا الكمبيوتر وكل شي يصير حلو بس ياحسافة نص ساعه بس الى واشنطن ووصلت هناك على خبري مطار دولي توقعته كبير واثاريه خرطي صغير مرة المهم خلصت كل اوراقي عالم غريب ناس زحمة كل شي مختلف بيني وبينكم اول شي خفت وبعدين قلت وش بيصير بعد ما خلص الجمارك يوم خلصت شفت قدامي؟؟؟؟ايش تتوقعون
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ويوم خلصت طلعت ولقيت الملحقية قدامي رحت انا وياهم الى فندق ونمت يوم قمت الصباح ورحت المطار
ورحت لويزيانا ويوم وصلت
خذيت تا**ي ورحت على بيت العايلة اللي مفروض اسكن عندها على فكرة قبل ما اطلع للمطار وانا في الرياض دقيت على عايلتي وقلت لهم اني باجيكم الخميس لاني كنت حاسبها بتوقيتنا والاساس اني وصلت لهم الاربعاء بتوقييتهم .
وصلت للبيت وفتحت لي الباب البيت عجوز عمرها 79 سنة وزةجها 80 سنة يابلاش المهم استقبلتني استقبال حار صرت اشيل شنطي بيد واسندها باليد الاخرى وودتني الى غرفتي صرت انا واياها في غرفتي بروحنا ياشين تفكيركم لا لا ولاصار اللي في بالكم اصلا ابليس طلع بادبه حامت كبده منها المهم في 5 دقايق مع**تي قامت تشرح عاد كني فاهم شي علمتني زر زر من لمبة مروحه من جاي من الصحراء وتقول اون لايك ذيش واوف لايك ذيس والمرووحة وتقول اون لايك ذيك اند ذيس اوف حتى الحنفيات لايك ذيس اوبن اند لايك ذيس كلوس يعني وشلون افهما اني اعرف كل هذا المهم طلعت بي للصالة عندما يئست من ابليس بتوريني كيف يشتغل التلفزيون قمت سبقتها وخذيت الريموت كونترول قلت لها لايك ذيس اوبن اند لايك ذيس كلوس وش رايك فيني احرجتها بهالحركة ياحلوي المهم جلسنا ننتظر راعي البيت وحامي حماه زوجها وكذلك الياباني اللي ساكن معي .
المهم صحيت بعد اول ليلة في امريكا قمت زي أي شاب نشيط ورياضي ورحت اجري لي ساعة قبل ما اروح للمعهد وانا اجري الا والجو غيوم وشبه بارد وانخميت فيه (جزا اللي ينسى دروس الجغرافيا ونسيم البر والبحر المهم لبست ملابسي بروح مع ابوي الامريكي اقصد صاحب البيت ووداني للمعهد طبعا على شوفة الغيوم والبرد لبست ذاك القميص الصوف واحد من اثنين ثقال جبتهم معي ولبست كاب وخذيت مظلة للمطر ورحنا للمعهد الغريب واحنا في السيارة كل الناس كانوا لابسين اشياء خفيفة يعني معقولة كذا ياربي الناس اللي ماتصحى بكير تبتلش يعني تاخذ مقلب في الجو المهم وصلنا للمعهد وكل من شافني يتمقل فيني زين ويستغرب حتى انا كان وجهي مغسول بمرق واستغرب بعد ليه هم لابسين كذا المهم اجروا لي اختبار مستوى وحددوا مستواي طبعا على كيفهم جايهم متاخر اسبوعين وتوني رايح لصفي ومسمي بالله الا وتقول مدرسة الصف اليوم بنروح استديوهات سوني نسيت اقول لكم ان نص المعهد سعوديين واماراتيين ومعي في نفس الصف 7 خليجيين وماسمعوا هالخبر الا نطوا علي ياحظ يابو الحظ ياوجه الخير اول مرة يودوننا لرحلة ما امداك تجي ايه هين على الحظ قلت لهم اوه ماشفتوا شي لو لاحقين علي في الرياض ان تنحاشون عني من زود الحظ اصلا قصة حصولي على الفيزا حظ ,المهم عزمني شاب اماراتي على الغدا واعتذرت له قلت له اصلا متعود ما اتغدى قال اخاف تجوع واحنا في الاستديوهات قلت لالا لايهمك ...المهم رحنا هناك وحضرنا تسجيل برنامج عجلة الحظ حلقة مدتها نص ساعة تسجيلها ساعتين جات الساعة 3 العصر وخلصوا تسجيل الجزء الاول قالوا في راحة للجميع مدتها نص ساعه بيني وبينكم وقتها طقني الجوع من قلب ماصرت اقدر استحمل بعد نو واي وكلمت واحد من اللي ينظمون الاستديو (بليز وير از ذا ريستورنت)يعني بالعربي وين المطعم قام يوصف لي وياليته ماوصف لي طلعت من الاستديو وتحت الشمس والحر والجوع المهم لقيت الناس واقفة في طابورين واحد قصير والثاني طويل قلت بس هذا هو وصلنا ولاني احب السرعه رحت صفيت مع القصير الغريب اني ما شفت احد طالع باكل قمت وتعديت الصفوف ودخلت داخل الكشك لاحظت على يساري رجال وعلى يميني نساء وكل منهم يدخل مع باب قلت لنفسي اطل واشوف وش القصة طبعا ياشطار ياحلوين اشربوا الحليب قصدي عارفين انا من وين باطل طليت مع الباب اللي يروحون منه النساء وتوني باناظر ويصارخون علي السيدات كل ابوهم وات وات وات دو يو وانت واللي تشتم يعني صار موال رفعت راسي قريت اللوحة اثاري مكتوبrestroom يعني دورات المياه ساعتها عرفت اني رحت وطي والا اطلع بسرعه وارجع للاستديو واشوف اللي دلني على المكان قلت له وير دو يو سنت مي يعني وين ارسلتني بغيت توديني وطي ..المهم خلصنا ذاك اليوم من الرحلة وربي سترها معي ورجعنا للمدرسة الساعه 7 مساءا اخوكم هاوي سينما دخلت سينما ناظرت فيلم وانبسطت يوم جيت بارجع لبيتنا هناك المشكلة والمصيبه طلعت على الساعه 10 خذيت باص وبارجع للبيت وقفت عن اقرب مكان لبيت عايلتي وماكنت ادري ان شوارعهم ظلمة وفاضيه عادي عادي قمت اغني بالصوت الجهوري ولاعلى بالي وشوي والتفت والا وراي ذاك الكويحه العجوز الطويل الاسود ولامورغن فري مان وحاط قبعه ويمشي وراي ساعتها تعالوا دوروني عرقت وكلاي طاحوا بالارض وبديت ابي اسرع واكتشفت انه يسرع معي وش الحل اخاف اركض يركض مريت على كنيسة بغيت ادخل لها الا هي مقفله طيب وش السواة صرت كل ما وصلت لشارع باعديه قمت اركض بس ماش الحبيب خطواته كبيره لين كتب ربي الفرج ههه وش صار؟؟؟ لف في حارة ثانية اثاري الجبان ابن الجبان خاف مني صدق ناس اخر زمن ورجعت اغني وولاعلى بالي .... اول ويك اند هناك رحت الى six flags مكان لطيف مرة والعابه حلوة وبريئة ولاتخوف ابدا اخطر قطار لعب هنا مايجي شي عندهم كنت مع المعهد وطلاب المعهد وصفينا في طوابير اول قطارات الموت كل واحد م**ن عمره الاانا لاني جديد هنا ماصار لي الا يومين وشباب جدة اللي معه بنت واللي اثنين مع بعض المهم اللي مصبرني قدامي بنت امريكية يعني موت معها عيد العيد مادريت ان حتى الامريكيين عندهم تقليد ركبت هي في عربة لوحدا وانا انا انا ركبت في عربة بروحي احلى شي قفلت العربه علي وبدى القطار في الرقص ايه قبل لاانسى من زين الحظ كنت انا اول عربة يعني فل سكرين المهم وراي بنتين م**يكيتين واول مابدى القطار الكل قام يصيح الى ان اعلن أحمد عن اطلاقه لاذاعة نزلوني هو تحرك ولاماتحرك واسمعوا الصراخ نزلوني الله يلعنكم لالالالالالالالالالالالالا وهلم جرا والبلية نحيف ومعصقل يعني اتقلب من الطرف الى الطرف اللي اذكره ان كل القطار هجد الاانا والبنتين اللي وراي قاموا يضحكون واحد يصارخ والبلا يصرخ بالعربي وفيما انا اتدربى انحشرت بين الحديدة وطرف العربة علقت يعني كملت وماصدقت اني نزلت مدري وش القصة على فكرة قطار الموت اللي ركبته هو اصغر واقصر واسهل واحد من الباقين يعني اللعب احلو خلاص قمت اقول رجعوني للرياض يازين ملاهي الحكير والناس تضحك اللي قاهرني في ناس كانت تحسبني امثل ورحت للعبة سوبر مان هذي العربة واحدة يعني الموت واحد وكل صف اربع كراسي وبعد ماكنت اصلا ضعت ولا صرت اشوف أي واحد معي في المعهد وانا انتظر دوري شفت عائلة امريكية مكونة من ام في الثلاثينات وولد عمره تقريبا 16 سنة وبنت عمرها 8 يكلموني يقولون ممكن تركب معنا ونسوي صف بروحنا قلت والله واحلوت الدنيا لك يابو ناصر وصار لك شعبيه تعالي يمه اسمعي وانتي بعد ياللي في بالي اسمعي صار علي طلبيات بيني وبينكم حسبتهم يعرفون وش صار لي في قطار الموت فقالوا خله يوسع صدورنا ابد طلعوا مقلب قالوا لي انت والولد على الاطراف واحنا الام والبنت في النص عادي ركبنا وانطلقت العربه في 4 ثواني احنا على ارتفاع 100 متر وفجاة كل شي توقف ووز......رجعت العربة على ورى ولحظي الحلو انا في الصف الاخير عادي عادي المهم ماصار شي لظهري كثر ماصار لحلقي وخذيت صورة لنفسي في العربة الغريب يوم وريتها اهلي ماعرفوا يطلعوني قلت من في اللي جالسين فاتح حلقة على الاخر قالوا هذا قلت بس وصلوتوا هذا انا.واستمر الوضع كذا ايام حلوة وايام مرة تعلمت هناك الانترنت وحبيتها الى ان مروا اسبوعين وصار حفل تخريج للشهر اخوكم من ذكرياته عن هالمناسبات جاي مرتكز اول واحد لان هذي مناسبات ماتنتفوت كلها ينادون الواحد ياخذ شهادته ويمشي ولا احضان ولايحزنون ونتيجة للصدمة قررت اسافر في الويك اند لسان فرانسسيكو.
في فجر يوم السبت خذيت تا**ي ورحت للمطار علشان بروح لسان فرانسسيكو وصلت المطار كل شي حلو ركبت الطيارة على خطوط continintal خطوط رخيصة وصلت سان فرانسسيكو ولاني زي ماقلت لكم الواحد يتعلم من اخطائه فما صار ينخدع بنسيم البر ونسيم البحر لابس صيفي خفيف واسمك قميص معي شفاف وصلت سان فرانسسيكو الجو غيم وشوية مطر ضحكت قلت زي كل يوم صبح في لويزيانا يعني ساعتين وتنقشع الغيوم جلست في المطار ادور فندق لقيت دعاية فندق ايطالي حلو شكله من برا جنان وموقعه زين واسعاره رخيصة خذيت عنوانهم وركبت تا**ي ووصلنا وياليت ماوصلنا فتحت عيني الا وانا بالداون تاون عبيد في كل جهة ومجاري يطلع منها دخان وشباب يتطاقون وقف التا**ي قال وصلنا قلت نعم قال وصلنا بغيت اقول له رجعني للمطار قال هذا الفندق قلت لا وين مايصير شكله مو هو غير اللي في الصورة قال ابدا هذا هو نزلت وعظامي تنافض وش جابني للداون تاون دخلت لقيت موظف الاستقبال وابن صاحب الفندق واللي يشيل الشنط هو شخص واحد وطلع فلبيني طبعا بعد دقيقتين هدت اعصابي وقام هو يطمني ان المنطقة امان وانهم اذا ماتحرشت بهم مايتحرشون فيك هين اتحرش بهم مال من عمري انشالله حطيت شنطي وطلعت ابي اتمشى في سان فرانسسيكو الساعه الان 11 ص والجيو زي ماهو غيوم والبرد زاد على فكرة سان فرانسسيكو ديرة صغيره تقدر تقطعها مشي ووصلت للبحر ابي اروح سجن الكتراز ازوره التذاكر حقته كلها بيعت طيب وش الحل مافي الا السوق السودا ايه ناس تبيع التذاكر بسعر اعلى رحت لواحد قلت له بكم (التذكرة سعرها اصلا15 دولار)قال لي ابيعك بخمسين قلت نعم قال خمسين قلت طيب لانه حرام ازور سان فرانسسيكو ولا ازور الكتراز طلعت له خمسين قال لي لا تروح هناك تشتري لي تذكرتين كبار وتذكرتين اطفال لما بعد اسبوعين وزي الاهبل رحت وشريتها له وجلس يحط يده على كتفي ويقول لي شاطر جود جوود شفتوا الذل على اصوله ..المهم الساعه 1 والغيوم تزيد والبرد فوق العادة واسمع صراخ بنات سن سن ذير از ذا سن يعني طلعت الشمس هناك عرفت ان في شي عم بيصير وان سان فرانسسيكو غير باقي مدن كاليفورنيا جوها بارد في الصيف بس وش عقبه الواحد لفحه البرد وطيره تطيير ورحت الكتراز ورجعت وجلست اتمشى في هالديرة وسط البرد وال***s في كل جهة صدق صدق هالمدينة تحسس الولد انه مطلوب وله قيمته وسعره يعني لا سمح الله لو ضاعت قروشك ولا انسرقت ماتخاف تعرف كيف تدبر لك قروش بسرعه رجعت للفندق اذا كان يجوز ان نسميه فندق واعطش قلت بروح اشتري من المتجر حلوة متجر صح يعين من البقالة عصير وموية وادخل وزي العادة يحسبوني مي**يكي قام البياع يرطن معي م**يكي قلت له ماني م**يكي قال اجل ايش ***اني قلت ولا ***اني قال من وين قلت سعودي عربي وابتلشت طلع البياع يمني وقام يسالني انت ابوك مليونير قلت لا ليه قا ل كيف جيت هنا قلت له على حساب الحكومة قال يعني ابوك ماهو مليونير قلت لاوالله قال غريبة مايجي هنا الا اللي ابوه مليونير قلت كم حسابك وحاسبته قال كلنا عرب قلت اكيد مافيها شك قال بس ابوك ماهو مليونير المهم رجعت للفندق وانا هناك قلت باطلع شوي عند الباب وانا عند الباب مرت عبده حولي ناظرت فيها شوي وبعدين ناظرت للجهة الثانية صدق اذا قالوا جتك ام العبيد وقفت عند راسي وقامت تصرخ علي وتشتمني وتقول كلام مافهمت منه ولا شي خفت ارد عليها يطلع حبيبها من العيال اللي جالسين في الجهة الثانية نطيت لفنق ودخلته وجلست اناظر فيها من ورى الباب الزجاجي احر يوم في سان فرانسسيكو وعلى ان المدينه كلها شاذين الا اني قررت ازور حي كاسبر اشهر حي للشذوذ هناك ومعي سلاحي قصدي كاميرتي ووصلت هناك الا شي يحوم الكبد من قلب المكتبات فيها كتب عن الشذوذ محلات الفيديو افلام شذوذ النوادي الليلية قرف محلات التصوير صورتسد النفس حتى الكنيسة للشاذيين المهم وانا هناك وقفت عند محل فيديو مسكر وقدامي عمال حفريات جلست اصور المحل بالكاميرا واتريق عليه مع عمال الحفريات ومادريت الا برجال شده يناظر فيني ويدخل افلام من تحت الباب للفيديو واخوكم من يوم شافه وصلعته طحت ضحك الرجال قام يناظر فيني ومعصب بس علشاني ولد شايفين كيف علشاني ولد ما سوا لي شي المهم رجعت للفندق كانت طيارتي الى لوس انجلوس الساعه 6 وبيني وبينكم زهقت يعني لفيت سان فرانسسيكو طلبت توصيله للمطار الساعة 2ونص مبكر جدا مو كذا قلت فرصة نتمشى مع التا**ي فيما يدور **اين ثانيين(توصيلة او شافل معناها تا**ي لاكثر من نفر في وقت واحد بس يارايحين من نفس المكان او الع**) المهم قلت على الاقل ساعه بالسيارة ابدا 5 دقايق ركب اخر **ون و5 دقايق واحنا بالمطار قلت عسى صالتي اخر صالة ابدا تونا داخلين للمطار لف وقال هذي صالة خطوط الكونتيننتال ناظرت ساعتي الا هي 3 الا عشر والرحلة الساعه 6 يعني 3 ساعات زهق رحت للكاونتر باقص صعود قال لي الموظف الرحلة اجلت الى الساعة 9 بس تبي الان في رحلة الى لويزيانا يعني الساعة 3 الا خمس بس اركض لان بوابتها هناك وش رايكم هذا تسمونه حظ ولالا المهم رجعت لديرتي لويزيانابصراحة حلوة وتهبل بس المشكلة الوحيده هي انهم يحسبوني م**يكي مدري ليه مرة نزلت للداون تاون للسوق هناك وكل ماجيت اشتري رطنوا معي لاتيني واذا حكيت انجليزي زعلوا يعني ليه تتبرا من اصلك مرة دخلت عند محل فيه 3 بنات م**يكيات شابات مو حلوات بس لابسات ملابس اغراء رطنوا معي م**يكي رديت عليهم بالانجليزي واحدة منهم حسبتني ولد نعمة ومتبري من اصلي قامت تسوي لي حركات غريبة وتتلوى وتنحني قدامي المهم الله يستر على كل الولايا في محل ثاني فيه عجوز م**يكية بغت؟؟؟
يتبع
