عليكم السلام ياهلا اخي تعتب ننتظر الحلقه الاولى

شوقتنا يا اخوي متى بتحط الحلقة الاولى

هلا اخوي ابو داحم مشكورعلى مشاركك بالموضوع وان شاء الله ماراح اتاخر اسمي تعبت مو تعتب بس ما الومك عنوان الموضوع في غلط .. كنتب ها الموضوع وانا فيني النووم ياليت احد من المشرفين يصححه
هلا اخوي وليف الروح .. مسكور على مشاركتك معنا ,, والحلقة الاولى الان بتنزل
اخوكم تعبت ..

تعبت انا اللي تعبت والله مهوب انت عجل علينا وانا اخوك...
ونور المنتدى بوجودك الله يطولي عمرك....
صغيرك خلودي

هلا والله كل اخواني ابو داحم وليف الروح
وارحب بخلودي هلا بك
بالنسبة للحلقة والله بصراحه انا منزلها من امس ,,, وما اعرف وش سبب عدم ظهور الحلقة الى الان
مكتوب لن يظهر ردك حتى يوفق المشرف على مشاركتك ... وشكله الى الان محد وافق امزح
ياليت احد عنده حل لمشكلتي ؟

السلام عليكم
ياهلا عزيزي تعبت .. نحن با الانتظار

1. تحركت بهدو تام بدون محد يحس طلعت جواز سفر


2. النقطة الاخيره في الحلقة الاولى

:smile002:
:smile105:
الحلقة الاولى
طبعا خلوني اقص قصتي مع الاهل ورفض الوالد وبكا الوالده .. ومعارضة شديده من الاخوان .. هذا كان حالي في الرياض قبل السفر

تحركت بهدو تام بدون محد يحس طلعت جواز سفر

ارسلت اوراقي ومعها فتمين (( واو ))طبعاً الى وزارة التعليم العالي بعد ما دجيت سنه قاعد بالبيت لا شغل ولا مشغله
بالبداية ما كنت مقتنع بالفكره .. اروح وادرس في امريكا وانا ما طلعت من السعودية ابد .. وترددت اكثر من 10 مرات واستخرت قبل ما ارسل الاورق .. بس خويي كان يضغط علي الين سلمت امري الى الله@@@@ ارسلنا الاوراق جلست اسبوعين اشيك على الطلب حصلت تم قبول الطلب .. قعدت احوس عندهم الين ماعطوني الضمان المالي .. وكل شي تمام راسلت او با الاصح خويي هو اللى راسل الجامعات ولا انا ما ينشد فيني الظهر لو الموضوع عندي كان جلست سنتين وانا كل يوم بكره بروح بكره بسوي @@@@@ المهم حتى الان الوالد والوالده والاهل ماعندهم خبر بالموضوع ابد ولا جبت طاريه المهم جلسنا مده ووصلنا القبول وكان مشروط باللغة الانجليزية وكل شي اوكي طلعت الفيزا وكان تعاملهم معي ممتاز جداً بسفاره الامريكية :x1: ,,,كل الامور الان تمام وكان السفر بعد ثلاث اشهر الى الان والاهل !! ماعندهم خبر!! :shocking: ابوي يسئلني وين تروح ووين تجي كثرت روحاتك ها الايام اصرف اقول طالع مع اخوياي النادي ولاكوفي :soccer_h4 .. يعني من هالتصريفات.. المهم بعد مده بديت افاتحهم بالموضوع على الغدا يعني اقولهم وش رايكم لو اقدم اوراقي على الوزارة يمكن تطلعلي بعثه ومنيب خاسر شي .. ابوي كان يضحك ويقول تغد الله يصلحك ولا يكثر :112: @@@ والوالده تقول منتب صاحي اقول اقضب ارضك ( اقعد في ديرتك ) :112: .. واخوي الكبير يقول ماعندنا بزران يروحون امريكا :112: @@ افا صرت بزر ,,,واختي تقول ترى بيعتقلونك في المطار الحين السعودي مايبغونه :112: (( انواع التحطيم )) ,,,طبعا ما استسلمت لهم ابد انا ابي اسوي اللي براسي بالغصب ولا طيب :ranting2: صرت كل يوم على الغدا افتحلهم نفس الموضوع (( انفذ تعليمات خويي بحذافيرها )) ,,, قرب موعد السفر والوالد رافض الفكره من الاساس .(( يا تعبت كيف تقنع ابوك ؟؟ )) ... الين جاه ذاك اليوم ولقيت ابوي بالمجلس او بالديوانية بعد صلاة المغرب كان جالس يقرا جريدة الرياض لوحده ,, دخلت علية .. السلام عليكم واحب راسه وش لونك يا طويل العمر عساك مرتاح .. واتميلح قدامه كني الولد المؤدب واقعد اصبله القهوة والشاهي , واقعد اسوالف معه ,,, الين قلتله اليوم جاني رد من الوزارة وقبلو طلبي بالبعثة ,,, ما اقتنع ابوي بكلامي ... لين وريته اوراق القبول !! طبعا رفض ابوي وقال لا انت توك صغير :112: انا مستعد ادرسك في جامعة اهلية ونفس التخصص اللى بتدرسة هناك !! ولسان حال ابوي ... شل من راسك فكرة السفر .. حاولت اضغط على امي وقلتلها قولي لبوي ادرس برى ولا اقسم بالله لا اجلس بالبيت طول عمري كذا (( مو عاقل دلوع ماما )) ,,, كانت الوالده تبكي تقول وش لك بالسفر اجلس بالبيت ... المهم التفاصيل طويلة منها تدخل عمي وفض الخلاف واقنع الوالد والاهل على سفري .. قبل السفر بشهر او اقل
بديت اتجهز للسفر (( اول سفره خارج المملكة :8888: )) كل يوم سوق! وكل يوم داخل البيت وبيدي كيس !! تقول معرس .. اقترب موعد السفر .. وتبقى اسبوع
اجتمع فيني الوالد اجتماع مغلق لمدة ساعتين اقفلت الابواب امام وسائل الاعلام ووكالات الانباء طبعاً الاجتماع كان يدور حول السفر والنصائح والتوجيهات الاخيره من الخبير في امريكا الوالد الله يحفظه,, درس اكثر من سبع سنوات في امريكا بالثمنيات الميلادية الوالد عنده شنطة كبيره جدا كبر من شنطة الملابس العائلية مليانه صور عن امريكا وذكرياته تقدر با اكثر من 500 صوره في البومات ضخمه وكثيره وياويل احد يقرب من الشنطة مقفلها تقفيل مهوب صاحي ... كان ينصحني بتنزه في هذا المكان وعدم الذهاب الى هذا المكان كيف تتعامل مع الشعب الامريكي كيف تتعامل مع رجل الشرطة .. خذ معك بالشنطه كذا وخذا كذا ....الى اخره

النقطة الاخيره في الحلقة الاولى

حاولت اسلم على جميع الاهل والاصدقاء في هذا الاسبوع الاخير لي بمدينة الرياض .. العقده اللي كنت افكر فيها وتشغل بالي دايماً عدم اجادتي للغة تخبرون خريج مدارسنا يس نو اوكي ...وبعض الكلمات البسيطه .. بس هذا كل اللي عندي كنت افكر شلون لو سئلوني بالمطار كيف اتكلم ؟؟ كيف افهمهم ؟؟ كيف استفسر منهم .. حاول الوالد يكلم احد الاصدقاء المقيمين في امريكا علشان يستقبلني ويدبر اموري لكن للاسف كان مسافر خارج امريكا انالله وانا اليه راجعون يا ولد وش تسوي مالك الا تدربي راسك مع الناس وخليها على الله ,, طبعا التصور اللي انا حاطه في بالي او مجتمعنا السعودي والخليجي والعربي عموما عن امريكا ااول ما تكح (تسعل ) بالمطار جوك القوات الامريكية ودوك قونتنامو كنت خايف جداً لدرجة اني تشهدت على روحي يوم وصلت وجايتكم السالفة
وبكذا تنتهي الحلقة الاولى
الحلقة الثانية ..
لحظات الوداع .. وماذا حدث لتذاكر السفر والجواز .. وما الذي ادهشني بالطائرة .. ومواقف اخرى
تابعوه الحلقة الجاية