( تويتى75 ) ..
لقد امضينا نصف يوم تقريباً في ( دوسلدروف ) صيف 2005 .. قادمين من بروكسل ومررنا خلالها على
( آخن و كولن على الطاير ) واكملنا المسير قاصدين دوسلدروف وعدنا لبروكسل في نفس الليلة ..
وبالتالي سأعطيك رأيي في ضوء تجربتي القصيرة .. بكل صراحة هي المدن الجميلة والتي تشرح الصدر ..
أسواقها رائعة أحلى من أسواق بروكسل بمراحل وتصلح للأطفال فبها مدينة ألعاب ..
عموماً الجو في أوروبا متقلب فشهر 7 هذا العام كان حار .. بينما قبل عامين كان رائعاً .. وحسيت أن
المدينة أمان .. وأتمنى أن أزورها مرة أخرى لأيام .. فالمدينة تستاهل

ياهلا والله اختي
زي ماقلت لك في ردي على موضوعي
بس حبيت ازيد عنه انو لو تستاجرون سياره افضل بكثير خاصه انو معكم اطفال يعني اريح لكم
لكن القطارات لازم تنتضمون في المواعيد واذا كنتي باالقطار ماراح تاخذين راحتك زي السياره
وبعدين الطرق ممتعه ورائعه جدآ احنا كنا بعض الاحيان نسافر لمده 7 ساعات ومانحس باالطريق
اما الامان فاالمانيا من اكثر الدول الاوربيه امان انا كنت اجلس بالسوق انا وبنتي عمرها 3 سنوات
نجلس لمده 3 ساعات ونرجع باالقطار لبيتنا وكان يبعد عن السوق نقريبآ ربع ساعه
يعني ماعليك ان شاء الله ...
واي خدمه امري
وزي ماقلت لك لازم تمرون على ( بون -كولن - بلجيكا -لاهاي - لكسمبورغ - وتقدرون تروحون لباريس من بلجيكا والمسافه قريبه تقريبآ ساعتين ونصف او 3 ساعات يعني ماتتفوت ابد )

7
3 ..
..
..

دوسلدوف قعدنا فيها جم يوم ( والكلام هذا قبل 5 أو 6 سنين) والمدينة حلوة حق التمشي أكثر لأن السوق قريب من النهر فتلقون الكافيهات على طول الطريج المقابل للنهر ، بس أفضل تروحون كولون واذا تقدرون تقعدون في old town يكون أفضل ، ،، وبالنسبة لأماكن اللي ممكن تروحون لها بكولون أنا أتذكر ان في مثل مصنع صغير للكاكاو يطل على النهر وهو مفتوح للسواح ويعني حق العيال بيستخفون عدل لمن يشوفون الأشكال والأنواع وطبعا لا تنسون تروحون مدينة الألعاب fantasialand فانتازيا لاند وايد حلوة وفي صوب مصنع الكاكاو في قوارب سياحية ياخذونكم بجولة بالنهر ، وفي بعد منطقة برا كولون بس نسيت اسمها اذا تذكرت راح اكتب اسمها بعدين فيها مجمع كبير وراقي ووايد حلو ما يتطوف ويمها مدينة مثل سيي وورلد تصلح للعائلات والأطفال . وأي معلومات احنا حاضرين

مشكوره يا توته اهم شي الاطفال يستانسون معلومات مفيده بس حبيت اسال يعنى لمتى نقدر نقعد بره باليل يخرع المكان وله فيه سهر شويه وله مثل بريطانيا ماكو حياة لان خبري باوربا من سبع سنين.

هذا الصيف كنت ساكنه في بون...
وكنا نروح لدوسلدورف وهي الصراحه حلوه وحيويه جدا...فيها الكثير من العرب ومطاعم عربيه وصالونات وحلاقين عرب عراقيين لبنانيين واتراك...
وفيها احلى الاسواق الموجوده في الالمانيا من بعد اسواق ميونخ و كولون...
بشكل عام دوسلدورف روعه وحلوه وهادئه وتصلح للأطفال لييش لأ
وراح تحسين بالراحه لانه فيها الكثير من العرب

دسلدوف حلوة وهادية بس العيال مو مثلنا احنا الكبار يدورون الهدوء والأجواء الرومانسية والطبيعة ... اهم شي عندهم يلعبون .... وعلى فكرة اوربا بشكل عام بالليل تقل الحركة والناس بس في بعض المدن مثل العاصمة تكون الحركة اكثر شوي نوعا ما يعني حتى لو سكروا المحلات الساعة 6 أو 7 الكافيهات والمطاعم تظل فاتحه مثل لمن رحنا فيينا قبل سنتين السوق كان يسكر بس بالشارع نفسه تشوفين حركة وناس تتمشى أو قاعده تشرب وتاكل ..... بس مثل ما قلت الأوربيين لأنهم من الصبح يقعدون ويفتحون السوق والمحلات ويواصلون ليما 6 ولا 7 ينتهي دوامهم ويروحون بيوتهم ياكلون وينامون ... مو مثلنا العرب اليوم يبدا عندنا من بعد المغرب ..

السلام عليكم صراحة خليتوا أحط فى راسى دسلدروف وكولون بس سؤالى أحنا أسرة متكونة من ثمانية أشخاص والاعمار من غير الوالدين من18 الى 4 سنين ودى اعرف كيف مسار الطائرة من البحرين الى دسلدروف ذهابا وأيابا والسؤال الثانى كم يوم تكفينا فى دسلدروف وكم يوم يكفينا فى كولون وماهى البرامج السياحية والترفيهية لكبار والصغار غير القصور والمتاحف تكفون أتمنى أحد من الأعضاء يرتبلى برنامج كل يوم أقضية أنا وأسرتى وهل فى برامج حلوة فريبة من هذى المدن يروح ويرجع نفس اليوم بس ما يتعدى 50 كيلو وشكرا

دلوعة الفارس
مثل ماقلتلج المنطقه ونيسه مطاعم اسوقه قهاوي انا قعدت فيها 23 يوم ومامليت .... بالنسبه للطيران الاماراتيه تروح دايركت لدسلدروف وتقدرين تشوفين تقارير الاخوان (تان تان )تقرير فرش يفيدكم انشالله ....