عزيزي ..
اول شي 13 او 14 يوم قليلة على كاليفورنيا كلها علشان تغطيها بمدنها الرئيسية !!
انا اشوف ان 19 ليلة يادوب تكفي وبالضغط بعد !!
6 ليالي شمال لوسانجلس منطقة بفرلي هلز او سانتا مونيكا ..
بعدها بالسيارة
4 ليالي منطقة جنوب لوس انجلس نيوبورت بيتش او سانتا انا
بعدها بالسيارة
3 ليالي ساندييقوا
بعدها بالسيارة 3 ليالي لاس فيقاس
بعدها بالطائرة 3 ليالي سان فرانسيسكوا
وانت فصلها بكيفك اذا ما عجبك التفصيل..
بالنسبة للفنادق والطيران الداخلي احجز من بدري ضل تلاقي عروض حلوة بلنت ..
بالتوفيق

اول شيء الصراحه تسلم على الرد يا اخوي وقوااك اله
انا ودي 25 يوم لول بس شسوي ما عندي اجازه الا 16 يوم تقريبا احسب يوم رايح يوم راد وبالنسبه اذا كان الطيران ترانزيت في هيثرو هذا يحتاج فيزا هم ولا على طول مرور و شنو تنصح فندق ممتاز في سنتا مونيكا وبفري هلز والمناطق الي ذكرتها
ادري اسالتي وايد لوول
لاكن شنسوي لازم نستفسر شوي
وشرايك انشيل كاش ولا فيزا وماستر ولا امريكان اكسبريس ايهو احسن كرت فيهم ماشي اهنااك
وتسلم وتعيش وان شاء الله اتزور الايسكيمو يا امبكت لوول

العفو ...
طيب .... اجل
5 ليالي شمال لوس انجلس منطقة بفرلي هلز او سانتا مونيكا ..
بعدها بالسيارة
4 ليالي منطقة جنوب لوس انجلس نيوبورت بيتش او سانتا انا ... تروح وترجع في نفس اليوم لساندييقوا !!
بعدها بالسيارة ليلتين لاس فيقاس
بعدها بالطائرة 3 ليالي سان فرانسيسكوا
مطار لندن هثراما يحتاج فيزا اذا ما غيتوا المطار !! لاكن انصحك بالاماراتية دايركت للوس انجلس او تاخذ على اللافتهانزا
الفنادق شوف موقع Priceline + booking وحدد المناطق واختار الي يناسبك من الفنادق باسعارها ..
بالتوفيق

تسلم وتعيش والله
وبالنسبه لكروت البنك اى وحده تمشي اكثر الماستر ولا الفيزا ولا الاميريكان اكسبريس ولا الكاش ؟

خذوا معكم مبلغ كاش مناسب .. لمصروف الجيب الخفيف ..
البطاقات الائتمانية مقبولة بجميع انواعها في الولابات المتحدة والعالم هناك تتعامل بها في كل مكان حتى التكاسي ..
اميريكان اكسبرس طبعا رائعة هناك ..
بالتوفيق يالغالي

بما إن المده قصيره
من رأيي تكتفون بمنطقتين بدل كثرة التنقلات خصوصا إنه راح يكون تعب عليكم بوجود طفل معاكم
لوس انجلوس و لاس فيغاس على سبيل المثال
أو
أورلاندو و ممكن نيو يورك أو ميامي لو حابين
سفره موفقه

اذا 14 يوم يعني انسى سان فرانسيسكو
اسكن فى لوس انجلوس ... مثل ما قال امباكت ... بيفيرلي هيلز او ويست وود او سانتا مونيكا .. و اقعد 3-4 ايام .. و بعدها انتقل الى نيوبورت .. و زور لونج بيتش هنتيجتون بيتش اناهايم ارفاين كوستا ميسا .. اقعد 6 ايام .. و بعدها خصص يوم ل سان دييغو .. اطلع الصبح بدري و ارجع تالي الليل ... فيغاس لا تطول فيها .. يومين تكفيها بس .. و يوم احتياط

مرحبا ودي أشارك في بعض المعلومات لعل وعسى تفيد أنا وزوجي حاجزين من الكويت على الخطوط البريطانية في شهر 6 إلى لوس أجلوس لمدة 28 يوم وبفضل الله وجهود إخواني في النتدى خصوصا الأخ سواح كويتي والأخ IMPACT حجز الفنادق كما يلي:
Irvine Doubletree Hotel Irvine-Spectrum لمدة 8 ليالي بقيمة 1223 دولار (الحجز من موقع الفندق بالنت)
San Diego Sheraton San Diego Hotel And Marina لمدة 3 ليالي بقيمة 281 دولار (الحجز من موقع برايس لاين)
Las Vegas The Venetian لمدة 3 ليالي بقيمة 781 دولار (الحجز من موقع الفندق بالنت)
وباقي أحجز لمدة 6ليالي في سان فرانسيسكو و7 ليالي أخيرة في شمال لوس أنجلوس.
أتمنى تكون مشاركتي مفيدة ولاتبخلون علي بأي ملاحظات أو أي نصيحة بخصوص فنادق سان فرانسيسكو وشمال لوس أنجلوس. بإنتظاركم.

ام خلودي
سان فرانسسكو حلوه بس 6 ايام وايد عليها