رحلة موفقة في البداية ثانيا موضوع تسجيل الجواز ماني فاهمة , لكن ما يمنع تريح في كولالمبور ليلتين في الصن واي لاغون مكان جميل بعدين تروح الي بيننج اما بالباص وتوجد باصات vip او بالطائرة اذا فلوسك زايدة ومن بيننج تقدر تزور لنكاوي عن طريق الرحلات الموجودة في بيننج , والفرق بين لنكاوي وبيينج ان الاولي تمتاز بالهدوء والاخري بالحركة والنشاط من حيث الاسواق والمجمعات موجودة بكثرة في بيينج.

** السن واي لاجون قريب من كولالمبور .. ربع ساعة بالسيارة : ) ... والفندق فخم وحلو ويستاهل تاخذ لك فيه ليلة .. او بالكثير ليلتين !

• * الطيران الداخلي رخيص .. حدود ال 180 التذكرة من كوالا ل بيننج ..
• * اذا رايح شهر عسل لانكاوي افضل من بيننج ..

بالتوفيق إن شاء الله و قدامكم الحياة السعيدة يا رب
بالنسبة الى لنكاوي ... لو إني مكانك ابي اروح لماليزيا ما اروح لها الا و لنكاوي أول شيء على الجدول ...
و بالنسبة الي فنادق لنكاوي عندك لنكاوي لاجون جدا ممتاز للعرسان هدوء و رومانسه و روقان ...
أنا جربته عشرة أيام حشرات ما شفت داخل الغرفة غير البعوض لكن فيه جهاز طارد البعوض تلقاه في الفندق بعد ما تشغله راح يختفي البعوض ...
و أبشرك من الان يا راح تنبسط و تتونسون إن شاء الله على الاخر ...

ليه مايمديكم هذا البرناج
ليلتين في السن وي
يوم في جنتنج
ويوميين في بينانج (مع اني ارشح يوم لبينانج)
ويومين في لانكاوي
واقضي اخر ليله في العاصمه ومنها تستعد للعوده

نصيحتي لك التالي
خذ يوم للراحة في فندق صن واي لاقون عند الوصول
ثاني يوم طيران داخلي للنكاوي
3 ليالي فندق لانكاوي لاقون
غرفة ديلوكس مطلة على البحر
بعدين طيران داخلي على كوالالمبور
فندق تايم سكوير أو استانا 3 ليالي
فندق تريدرز 3 ليالي
رحلة موفقة وسعيدة بإذن الله

ايه ودي بالباص(vip) واذا عندكم نصائح حولها يا ليت(و ايجابيات وسلبيات كل من السفر بالطائرة والباص)
"ومن بيننج تقدر تزور لنكاوي عن طريق الرحلات الموجودة في بيننج " حلو..ازورها يعني على الفندق(لنكاوي لاغون) على طول؟ بدون الحاجة لطائرة؟ والا ايش المقصود ب
"عن طريق الرحلات الموجودة في بيننغ"
؟ ..
"اذا رايح شهر عسل لانكاوي افضل من بيننج .."
يعني لان مدة الإقامة 10 أيام يفضل استغني عن بيننغ ويحل محلها لينكاوي؟ ..
"بالنسبة الى لنكاوي ... لو إني مكانك ابي اروح لماليزيا ما اروح لها الا و لنكاوي أول شيء على الجدول ..."
ليه أول شي؟
ليه مايمديكم هذا البرناج
ليلتين في السن وي
يوم في جنتنج
ويوميين في بينانج (مع اني ارشح يوم لبينانج)
ويومين في لانكاوي
واقضي اخر ليله في العاصمه ومنها تستعد للعوده"
طيب بما انه ليلتين في السن وي كثيرة..نقول ليلة..
هل جنتنج تستحق الزيارة فعلا؟ وين موقعها بالضبط ومميزاتها ايش؟
ليه ترشح يوم واحد فقط في بيننغ؟
يومين في لينكاوي كافية؟
حتى ليلة وحدة بكوالالمبور مو قليل للغاية؟ ..
وبالنسبة لسؤال طالب القرب.. تسجيل الجواز في السفارة السعودية احتياطا..في حال لا قدر الله سرق الجواز او ضاع.. وهذا مطلب إلزامي حسب إفادة جوازات الرياض..
بالنسبة لكوالالمبور..أرشح تريدرز (3 ليالي على الأقل)مدحوه كثير ولا احد قدم عليه ملاحظات بعد بحثي للآن..
أتمنى تفيدوني في هالنقطة بالذات..كيفية الاستغناء عن الطيران الداخلي ببدائل أخرى.. وهل حجوزات الطيران فيها اي تعقيدات؟سمعت العديد من الملاحظات في المنتدى عن طيران أير آسيا..مثلا..تدقيق في العفش.. وغيرها..
اريد أفادة من فضلكم حول الاستغناء عن التاكسيات والاعتماد على القطارات مثلا في كوالالمبور او حتى غيرها.. اللي جربوا السفر كم مرة قالوا التكاسي جشعين إلا ماقل..
كذلك تفيدوني حول الامور المالية.. وهل يلزم بطاقة ائتمان؟ وحساب لدى بنك الراجحي..لانه ياخذ نسبة 10% بدل 20% اللي تاخذها الصرافات التابعة للبنوك الماليزية..
مع الشكر..

اخي الكريم
كنت اتمنى ان تزيد المده ولو يومين فقط حتى تتمكن من زياره مرتفعات كاميرون فالكثير يمدحها

كنت اتمنى ان تزيد المده ولو يومين فقط حتى تتمكن من زياره مرتفعات كاميرون فالكثير يمدحها
مااقدر ازيد المدة لان التذكرة دفعت قيمتها..
ولاني متحفظ تجاه المصاريف اليومية مدري اذا حتى 10 ايام تكفي او لا المصاريف.. ميزانيتنا اقل من 7000 ريال..
مو مرتفعات كاميرون فيها برودة عالية؟ وهل فيها اي مخاطر؟ ومصاريفها كيف؟ وكم مدة الإقامة ولا هي زيارة يوم بس بدون اقامة؟ وايش المميز فيها فعلا (اللي يميزها عن غيرها)؟لو فرضا رغبت بزيارتها..

طالب القرب
شكرا لك يا طالب القرب على الافادة..
اعتقد راح نستبعد الصن واي لاغون.. حسب علمي اكثرها العاب مائية ورغم قلة السياح في هالوقت لكن بعد دريت انه غير مناسب للي "يبون الحشمة" لو احتياطا.. (اكيد كلنا الحمد لله نبي الحشمة لكن عندي تحفظ قوي شوي)
فإن شاء الله على العاصمة مباشرة اول محطة خاصة انها مو بعيدة اصلا عن سيلانغور..
السفر الى بيننغ بالباص في آي بي؟ كويس.. ماودي صراحة بالطيران خاصة اول رحلة خارجية لنا وبالذات اذا السفر بالباص يوفر علينا مبالغ بفرق مو قليل والمهم بعد تكون الباصات آمنة ومريحة (اتمنى يكون عندهم خيارات تتعلق بالراحة عند طلب الحجز بالباص "في آي بي",وكيف احجز بالباص بالمناسبة؟ مسألة التبكير..الخ
,سؤال: هل فيه مناظر حلوة خلال رحلة الباص؟ .. وكم تستغرق الرحلة.. ؟
بالنسبة لزيارة لنكاوي عن طريق الرحلات اللي في بيننغ.. اي رحلات عفوا؟ بحرية ولا ايش؟ وتكلفتها؟ وهل هي مريحة(خيارات الراحة عند الحجز,ومتى الحجز يكون, وهل يفيدنا الفندق في كل هالامور(اضافة الى افادتكم الكريمة)..
مع الشكر الجزيل..