ياا هلا ومرحبا أخوي حياك الله بالشرقيه
وحلوه الأمكنه أسمها أماكن ههه
عموما السكن أنصحك بالشقق الموجوده بمنطقة العليا جانب مجمع الراشد كلها رائعه يبيلك تدور شوي بسيارتك أنا شخصيا أحب أشوف المكان بعيوني قبل آخذه
الأماكن الترفيهيه تختلف مابين مطاعم ومجمعات ومنتزهات وملاهي وشواطيء كثيره
بس بإختصار ركز على** مجمع الراشد موول والظهران أحلى شي وفينيسيا موول جميل وتنوع وصغيرون ورخيص

• *المنتزهات ,,الملك فهد ,,قرية العزيزيه,,قرية الدولفين حلوه فيها عروض,,الحكير
• *المطاعم اللي ع الكورنيش كلها حلوه وبالذات فرايديز,,تشيليز،،كاسبر أند جامبينز للفطور بس,,موندو،،دار الكرم,,جاندولا ورا الكورنيش ,,الكورنيش الجديد السنبوك ولاقونا بس غاليه على عواايل,,,مطعم ليالينا مناسب جدا للعوائل وع البحر في الدمام
• *مطاعم شارع عشرين بالثقبه كلها حلووه ورخيصه جدا بس ماكو قسم عوايل خذ الاكل سفري وروح الكورنيش وبالذات مطعم مشواار مشهور يجونه من البحرين ومن الجبيل لنظافته وطعمه ممتاز
• *أماكن تعليميه وترفيهيه سايتك +معرض أرامكو الظهران

وتنقل بين صفحات المنتدى راح تلاقي اللي يفيدك أنشا الله والشباب ماراح يقصرون معك

الشرقيه غريبه في الاعياد
انا كنت اسكن شقه ب180 ريال..تخيل حصلتها في العيد ب750 ريال..وين وزارة التجاره عنهم

1. المطاعم:-

الأخ الكريم
تعال عندي شوي
وأقرأ شويتين
وخلني أدلعك حبتين
شوف حبيبي حياك الله بديرتك
وأنت المعزب وأحنا ضيوفك
اذا تبي أشياء مميزة تعال واقولك

المطاعم:-

مطعم هندي مميز (( مطعم مغل )) روح شارع السويكت (( شارع الامير بندر)) واللي يسأل مايضيع "" أعرف اروحله لكن ما أعرف أوصفه أكلهم مرة روعة وخيالي وأسعارهم حلوه عندهم كاري ربيان ورز برياني وسيسلنغز جنان
مطعم أمريكي مميز (( فرايديز )) على كورنيش الخبر بين ستاربكس وشيليز أكلهم روعة واسعارهم حليوه ومافي زحمة وازعاج تشيليز لكن نصيحتي روحلهم على الساعة 10 ونص بالليل أو غدا قبل المغرب مايكون زحمة يتميزون بالستيك والشيرمب باستا
مطعم القرية الشعبية بالدمام روح الكورنيش وأسأل عنه والله ما اعرف اوصفه اكلهم شعبي ومرة ديكورهم شعبي وحلو وفيه زي المتحف وخصوصية تامة
الكوفي شوبز ياكثرهم منثرين على كورنيش الخبر في الجهة المقابلة من شارع الكورنيش تلاقيهم كلهم (( كاسبر اند غامبينيز وجوفريز وباقي الشلة الصايعة من كثرهم صرت انساهم
مطعم صيني وهندي (( مطعم بيت التنور )) وهذا موضوع عنه
https://artravelers.com/p/re/231357
مطعم بحري عندك مطعم دارين وموقعه خلف الغرفة التجارية بالخبر (( أسأل عنه وأنت على كورنيش الخبر ويدلونك اياه )) مطعم ديكوراته عادية واكله البحري جنان واسعاره مناسبة جدا
واذا تبي تغير جوا للمدام شوفلك محل عصيرات خطير وهذا تقرير الكامل بالخريطة وكل شي
https://artravelers.com/p/re/231513
واذا تبي حديقة عامة بس انصح فيها بوسط الاسبوع عشان ماتكون زحمة
https://artravelers.com/p/re/235650
وأي شي ثاني تبيه لايردك إلا لسانك أنت تآمر وأحنا نطامر يالغالي
أخوك/عبدالرحمن

الله يعطيكم العافيه جميعاً
وحقيقاً افدتوني
لكن تصدقون الشقق اسعارها غاليه راح تكون في العيد !!
لاحول ولا قوة الا بالله استغلال مابعده استغلال

الاخ عبدالرحمن
والله انت خطير والوعد في الشرقيه باذن الله
ممكن اعرف جو الشرقيه في العيد تكفون اذا الجو بارد علموني :11ld:

أخوي الجو بديع والدنيا ربيع ههه لا تخاف ابد بس بالليل يبرد شوي
يعني جيب بجايم للبزارين دافيه
والاخ حمود يقولون أهل مكه أدرى بشعابها يعني شارع اللي قلت عليه عادي مقارنة باللي وصفته له صدقني أسمعني وجرب ودحومي بعد ماقصر كتب الزين بس بالنسبه لمطعم مغل أنا ما احبه أشك بنظافتهم والناس أذواق
وفرايديز عندهم كاجن سالد عجيب يمي يمي بس انا احب تشيلز أكثر
والبحر عادي تقدر تروح لا برد ولا شي يعني تكفى ياللي بتطب وتغوص!!
روح تمشى أشوي ركب العيال حصان كارته كذاا
ومطعم ليالينا غرفه وفيها شبابيك تطل ع البحر روعه وفيها العاب اطفال مره حلو روح وجرب بتشكرني

تذكرت شي بالنسبه للمجمعات روح لا منظر مقزز ولا شي أحس انه بالغ شوي ههه
الحمد الله عندنا هيئه الأمر بالمعروف ممشيه الشغل عدل وما اتوقع بتلاقي حريم بملابس قصيره وجنزات تتمشى مثل دول براا بس براا ماتقزز عندكم ههه
مستورات بناتنا ولله الحمد درر الله يحفظنا بدار أبو متعب

اختي حلاوة التوت..انا كنت بشن هجوم برمائي عليك ولكن لانك تحبين تشيلز حسيت ان فيه عوامل مشتركه بيني وبينك لذا وقفت القوات من الهجوم..
الثقبه بصراحه ما احبها لانها لو كلاس ولو اوديكيتد بيبل..يعني ممكن جدا تروح وترجع مطعون والا احد متكلم عليك بسبب انه مسكر على سيارتك..لكن الشارع العاشر في الخبر فيه مثلا مطعم شواية الخليج ..فيه مثلا مطعم الفلافل اللي مقابل المدرسه اللي ما اعرف اسمها..فوق كذا يتقاطع مع شارعي..شارع حمود
بالنسبه للراشد..المناظر المقززه هي من الشباب..حاشى لله ان اقصد بنات السعوديه بسوء..الشباب هناك جريئين اكثر من اللازم..شفت بعيني شباب يتلفظون على عوائل وتسببت لي بمشكله هالأشياء واللي حز في نفسي ان ولي امر العائله مشى وخلاني مع الشرطه والامن..يعني مالكم خاتمه يا اهل الشرقيه..حتى الشرطي قال بالله هذا يستاهل احد يفزع له
مثل مانصحتك يابو فراوله..اياني واياك تروح مع عائلتك للراشد..لانهم بيشوفون مناظر مؤسفه ومقززه ..وترى النصيحه اول بجمل وماعليك من ام التوت..هذي تروح علشان عصير التوت اللي عند المهباج

طيب خلاص أنا بعد شواية الخليج عرفت انك
أشواا انه ماكو هجوم لابرمائي ولا جوي
أخوي الفاضل حمود انا عندي مبدء في حياتي ((ما اخلي الأنسان الغير مؤدب ينتصر علي))
يعني لو كل أنسان قال مب رايح المكان الفلاني عشان ناس يفتقرون الأدب عزالله أنحرمنا من الدنيا وهم أضعف وأقل من أني أحرم نفسي عشانهم إلا أروح ولا أفكر فيهم وأتمشى وأتسوق وأتعشى وألعب البزارين وأعين من الله خير وأغض نظري وماعلي منهم ،،،واثق الخطوة يمشي ملكآ
قويه تووته
مع إحترامي;)