السلام عليكم ورحمة الله...
اول شي احب اشكر كل اللي ساعدوني بطرح هذا الموضوع ويعطيكم العافيه ماقصرتوا..
وكان ودي يكون الموضوع كاتقرير متكامل عن المطعم ولكن للأسف اساسا زيارتي له ماكانت عالبال ولا الخاطر كان عندي موعد بالمستشفى وطلعنا وقت غدا وقال ابو الشباب خلينا ننزل نتغدى..
يعني مو تبرير لقلة المعلومات ..ولكن شي متواضع وعالقد بما اني مبتدئة واوعدكم بالتفاصيل اذا رحت مره ثانية..
بسم الله نبدء..
بالبداية بحط الصورة وتحتها التعليق
هذي صورة للمطعم من الخارج..وطبعا المطعم بالليل شكله الخارجي والداخلي احلى بكثير من فترة النهار لأن الإضاءات تعطي صورة جمالية اكثر..ورومانسية بعد
الصورة هذي لمدخل قسم العوائل
وبرضوا هذي الصورة في واجهة قسم العوائل وفيه كراسي للأنتظار مثل مانتوا شايفين والمنظر طبعا حلو ويهدئ الأعصاب للناس العجولين
وانتوا تنتظرون فيكم تشوفون السمك والأطفال طبعا راح يكيفون عليه وخصوصا انهم حاطين زي القزاز تحتك وتشوف السمك ..عاد اول مره رحت خفت امر قلت يمكن يهبد فيني..
في الصورة هذي تشوفون منبع النهر خ يعني حاطين زي الشلال واعطى صوت وصورة جميله للمكان..ولازلنا في المدخل..وخلف الحجر اللي على يمينكم دورة مياة للسيدات(اعزكم الله)..
هنا قسم العوائل ولكن اللي بدون حواجز(البارتشن)للناس الفري********ماحب احد يتمقل بي وانا آكل
صورة اقرب لقسم العوائل
هنا دخلنا لقسم البارتشن وجلسنا وهذي جلستنا المتواضعة
الرئيسية » صور من العالم العربي » صور من الخليج العربي
https://artravelers.com وعلى الطاولة وامام كل كرسي حاطين هذي الورقة علشان يلهونك فيها لاترجهم خ وفيها معلومات بسيطة عن الأمبراطورية الصينية والمنغولية وطريقة العد بالصيني..والصورة واضحة
وكل مرة اروح لازم انا وابوالشباب نقعد نعد بالصيني
جابوا الصحن اللي بنزلط عليه وجابوا محبوب الجماهير البيبسي...
وعلى بال مايجيبوا الطلبات اخذت لكم هالصورتين وانا محجوزة داخل جلستنا اللي محاصرة بالبارتشن من جميع الجهات..علشان كذا بتلاحظون الصورة كلها لفوق خ
وصلت المقبلات وماكثرنا كلها طبق متبل وهم يجيبون خبز طازج..ام عالطعم..
وهذا برضوا من المقبلات وهو دجاج منغولي بس عليه طعم جونان وطبعا احنا طلبناه حار صحيح صرت كذا :112: بس جربته بدون فلفل ماله طعم..
وهذا برياني دجاج..وبرضوا طعمه يجنن وفيه منه بالربيان او اللحم..واعتذر طبعا صورتة بعد ماغرفنا منه مافينا صبر الجوع كافر
وهذي صور الصوص اللي يجي مع الأطباق..اللي لونه ابيض عبارة عن لبن مدري وش معه وهو الصوص الخاص بالبرياني وفيه آثار البرياني خ..
والأثنين الباقين صوص للدجاج..ولكن ماقدرت آكل منهم لأنهم حارين جدا..
وبكذا انتهيت من الصور..
واتمنى عجبتكم..
وللمعلومية المطعم له فرعين احداهما شارع الملك عبدالله بن عبدالعيزي(الظهران سابقا)
والثاني اللي احنا رحنا عليه بشارع البيبسي اعتقد شارع الأمير فيصل..
وطبعا المطعم معروف عندنا واكله كثير حلو ونظيف وبرضوا اسعارهم معقولة..ورائع جدا للعوائل وحتى العزاب..
واي سؤال انا بالخدمة..
يا هلا والله ما شاء الله من أولها مشاركة رائعة ودسمة
هذا تقرير مستعجل شلون لو على رواق الله يعطيك العافية
بصراحة المطعم شكله رائع ومميز غريبة ما سمعت عنه قبل
وبإذن الله يصير بالبال إذا زرنا الشرقية