أنا ماشي يوم الجمعة القادم
ودي الأخوان يفيدوني مثلك

من واقع تجربة ماوجدت العود والدهن الممتاز بإندونيسيا
واذا مالديك الألمام التام بالعود انصحك بعدم المغامرة والشراء من إندونيسيا
وتجده بمكتب العمودي بجاكرتا بشارع ردان صالح بالقرب من مطعم اميره
وهناك شخص اسمه حسن كثيري تاجر بالعود ودهن العود يبيع في الفيلا الخاصه فيه
وتحديداً بالدور الثاني وعنوانه شارع ويدانا 19 بجاكرتا تيمور
وممكن التواصل معاه على جواله 081413050 ويبيع بالكيلو ويتعامل بالدولار
وكذلك مكتب الأمانه بالجبل يبيع العود ودهن العود

الكوكب الطائر
اتفق مع اخي ابوسلطان على ماقال ..فكثير من التجار بياعين كلام..وقليل منهم الصادق
حسن الكثيري زرته اكثر من ثلاث مرات في منزله ولم اجد عنده للأسف بضاعة جيدة..ربما يكون عدم توفيق فقط وربما تكون بضاعته غير جيدة..حتى دهن العود اخذت منه مرة ولم اكررها
للأسف هناك من يستغل رغباتنا للعود الجيد وسيلة للضحك على السياح السعوديين
تحياتي

معاكم ياجماعه نبحث عن العود..
مثل ماتفضل خبيرنا الكوكب الطائر .. العمودي سمعت بعض الاخوان عنه انه مولهناك..
واكد الكلام حبيب البوابه مشرفنا الغالي المحتسب ان بضاعته ليسة بذاك الجوده ...
تحياتي

ماشاء الله الكثيري صح والله انا رحتله العام في فلته صحيح ماعجبني العود حقه وكمان غالي مره سعره
عموما شكرا لجميع الاخوان ووجهة النظر لاتفسد للود قضيه

يارجال خراطين من اولهم لأخرهم .. اذا تبي شوري لاتغامر بشراءه

في مكتب الامانة بالجبل ولد اسمه حسن تاجر عود ودهن عود
ويعرف تجار كثر في جاكرتا صينيين وحضارم
سبق تعاملت معه وهو امين جدا ولكن لابد من المكاسرة
اذا ما وجدت عنده عود طيب اتفق معاه يوديك لتجار جاكرتا وعطه المقسوم وبعدين تراه ياخذ من التجار نسبة على البيعة وتراه يوديك بسيارته الخاصة رجل حبيب جدا وطيب من خلال تعاملي معه لعدة مرات ذو خلق ودين

الو مباشر من الجبل وبعدين جاكرتا
اخي سيليفيجن
تحية طيبة
انا اقول بسم الله الرحمن الرحيم
تري الموضوع والله العظيم انا مجربه بيوم الاثنين الى فات بتاريخ 24 يناير قبل مغادرة الجبل جاني بياع شنطة وقال انه يبيع عود خشب ، وفي البداية الموضع مشى معه ولكن بالنهايه انا انتصرت عليه .
اقراء القصة
انا مع زوجتي والابناء وانا قاعد اجيب الشنط علشان رايح على جاكرتا والا الحبيب قاعد ومعه المبخرة والعود الخشب من جد عود عليه الكلام ولكن شوف ايش صار .
جاب كيسين واحد بي مليون وستمائة الف ، والثاني بي مليون وخمسمائة الف ، وقال اصلي ولكن الريحة من جد عود والى بالكيس كلام فاضى خشب مبلول بالماء .
قمت انا قلت له جرب من الاكياس ،،، في البداية طنش كلامي وكاني اكلم نفسى ،، وقاعد يحط عود عجيب بالمبخرة والله عود عليه الكلام .
صرت اقول يا طيب جرب هذا وانا عرفت بان الموضوع فيه نصبه
عليها الكلام ،،،وهو مستغل باني رايح على جاكرتا .
المهم بالاخير جرب الخشب الى بالكيس واتلبخ بالكلام،،، قمت انا اقله يا طيب ليش كذا انت ما تخاف الله نحنا ضيوف عندكم ليش تعمل كذا .
المهم اخي العود صعب تجده باندونيسيا انا اشتريت من ماليزيا شى معتبر وبسعر معقول .
ورحت وانا بي جاكرتا على مطعم اميره ولم اجد العود الجيد اليوم بالصباح يعنى الموضوع طازج .
اقول خلي فلوسك فى جيبك واشتري من المضمون .
تحياتي وان شاء الله تستفيد قبل ما يطيح الفاس بالراس

ان شاء الله توصل بلدك بالسلامه يااخوي احمد ..
بس بشرني كيف الاجواء في اندونيسيا والجبل بالتحديد ..
الله يطمنك ويسعد قلبك على كلامك ونصائحك الاكثر من رائعه ..
تحياتي لك وان شاء الله نسمع كلام حلو على العمه ..
وهالله هالله بالصور والتقرير اللي يبرد الخاطر ..
اخوك .. عاشق الشلالات ..