بالنسبة للفلل و الفنادق , فأتمنى أن تعود للمواضيع
المثبتة , خصوصا مواضيع موسوعتنا , خبيرنا
و مشرفنا الرائع : المصباح ..
و أرى كذلك أن تمر على تقريري :
( اندونيسيا التي رأيت )
و بالذات جزء بالي , على هذا الرابط
https://travel.maktoob.com/vb/travel875097-11/#post8184521

الطائر الجريح .. اشكرك

وايد محتارة و تعبت و انا ادور بالمواضيع وكل ما ادور اكثر احتار اكثر مادري اي احسن منطقة للسكن ساعدوني السفر الاسبوع الجاي يوم السبت لازم احجز الحين

اولا مادامها 6 ايام فقط فالنصح ان تحجزون بالقطرريه لانها تنزل مباشره ببالي عشان ماتظطرون تاخذون رحله سفر داخليه من جاكرتا لبالي
وهناك طيران اخر ممكن ينزلكم ببالي مباشره بمحطه ترانزيت مثلا الماليزيه بكوالا او السنغافوريه بنفس الخطوط او بطيران وسيط كاير اسيا من محطه التوقف لبالي
الافضل طبعا هو القطريه ان كان سعرها مافيه ممجال للمقارنه لانه غالبا اغلي من غيره مع التنبه لخط السير ما يكون بجاكرتا بل لبالي دايركت
اما منطقه السكن فالافضل للراحه هما منطقتين شاطئيه الاولي سيمنياك والثانيه نوسسا دوا وطبعا كلاهما له ميزه وعيوب
سيمنياك يعيب منتجعاتها انها مودايم علبحر لكن منتجعاتها رائعه واسعارها مناسبه وقريبه من كوتا مو بعيده جدا عنها وكوتا وماحولها في دنبسار هي العاصمه او منطقه الاشغال والاعمال والتبضع والخدمات في بالي
وايضا يميز سيمنياك عن نوسا انه يمكنك التوجه لوسط بالي للتمشي في جبالها وحقول الارز فيها والبحيرات في ابود بزحام اقل من السكن في منطقه نوسا دوا
لانك نوسا دوا تحتاج لقطع وسط الجزيره مرورا بدنبسار للوصول لابود في الروحه والرده وهذا احد عيوب نوسا دوا
ثاني عيب وهو ان الخيارات فيها اقل من سيمنياك
واهم ما يميزها ان شواطئيها انظف واهدا من سيمنياك
هذا ب التفصيل وكاجابه سريع اسكنوا بسيمنياك اختي اذا حابين تسكنون بقرب شواطيء
او في ابود اذا تبون منطقه بارده
اون قسموا السكن بينهما 3 ايام هنا و3 ايام هنا
ورحله موفقه

jaka
اشكرك جدا على ردك الوافي الله يعطيك الف عافية .. فعلا حجزنا للتو في منطقة سيمينياك
اما عن الطيران فهو على الاماراتية ولازم ناخذ طيران داخلي الى بالي بس اخر ليلة بتكون في جاكرتا لان طيارتنا امبجر
بس شنو احسن شي في جاكرتا مكان واحد فقط لانه مافي وقت المكان اللي على قولتهم ما يتطوف ...
اشكرك مرة اخرى

اختي مادمتم اخر ليله فقط بجاكرتا فما شي كثير تسوونه كثير بالعاصمه لان اغلب مزاراتها تقف مبكر مثل انشول او تمان ميني للي يحب مناطق ترفيه والعاب ووتر بوم وكذا
اما اللي يحب مقاهي وكافيهات بيوم واحد الافضل انه يسكن باخر ليله بجنب مول كبير وكويس
طبعا الاقرب لكم للمطار عشان لاجيتوا من بالي او رجعتم للديره هو بولمان سنترال بارك قدامه مول حلو وجديد بالرجل يوصله الواحد اسمه سنترال بارك ومو بعيد عنه بعد مول افخم تمان انقريك ممكن تقضون هلليله فيه
واذا تبين اقرب لمولات افخم وفنادق افخم بوسط البلد ريتز كارلتون باسفيك بلاس هذا جنبه مول فخم هو باسفيك بلاس ومو بعيد عن افخم مولات جاكرتا سينايان سيتي الل اعتبره احد معالم جاكرتا البارزه
جاكرتا مافيها شي ممكن نقول عنه مايتطوف خاصه للي بمثل سوالك يبي راحه واسترخاء لانها مدينه زحام وتسوق ما يمنع فيه مزارات مختلفه زي ماجاوبتك كانشول او تمان ميني او ساحه موناس للي يحب التاريخ او بعض المولات الفخمه مثلا
بس شي بعينه اقول انه ما يتطوف فهي في بالي
شوفي هلرابطين بيفيدونك كثير
https://artravelers.com/p/re/347957
ورحلة موفقه اختي

السلام عليكم اخوي الطائر الجريح بالنسبة لرابط الموضوع مايفتح .. بالفعل الكثير منا يحتاج معلومات عن بالي والأماكن السياحية اللي فيها وطلب الأخت بلسم جا بوقته بالنية لي لأن عدد مشاركاتي لا يسمح اني اكتب موضوع واطلي استشارتكم
لاني بالفعل محتاج اعرف كل شي عن بالي بحكم انه لم يسبق لي زيارتها ولا اريد الذهاب بدون معلومات لأن لاحظت الاخوان اللي راحوا بدون مايمتلكون معلومات سبب لهم مشاكل ومعوقات هناك مما جعلهم يكرهون البلد
الاخوان هنا ماهم مقصرين بمواضيعهم وتجاربهم لاكن حصل لي تشويش قليلا لكثرة المواضيع ولخبطة الأراء , وانا اطلب استشارة الأخوان ممن تسنى لهم زيارة جزيرة بالي بتزويدنا بمعلومات عنها
ليتسنى لنا زيارتها , لأني ان شاء الله مسافر في 22 مارس شباب انا واثنان من الأصدقاء ولا عندي اي معلومه عنها .
آسف على الإطالة , وتقبوا مروري .
اخوكم \ محمد