وعليكم السلام ورحمة الله وبركاته ...
اسمح لي اول شي أبارك لك بالعرس وأقول لك .. ألف مبروك ... وبارك الله لكما وبارك عليكما ....
ان شاء الله يكون زواج مبارك ويرزقك ربي الذرية الصالخة ...
ثانيا .. أحب أن اشكرك اخي العزيز .. على ثقتك فيني وعلى طلب مساعدتي ...
وهذا شرف لي ....
شوف اخوي ... يمكن طبيعة الاسعار عندكم فالسعودية مختلفة ....
احنا عندنا الاسعار نار .... مثلا .. طقم الكراسي عندنا يبدأ من 10 الاف ريال ... والطقم صيني ...
ولاسعار قد تصل الى 20 الف ريال ...
بالنسبة للشقى للشقة اللي عندك ,,,
عندك 4 غرف نوم ... واتوقع عندك صالة ومجلس استقبال وغرفة طعام ....
راح تحتاج طبغا الى 4 سراير نوم ... قد يختلف حجمها .... وعندك التسريحة والكومودينه ....
ويمكن تحتاج كنب في الغرفة الرئيسية ...
بالنسبة للصالة راح تحتاج الى طقم كنب ... وطاولة تلفزيون ... (او كبت ) ....
ولمجلس الاستقبال ... تحتاج نفس الشي ... بس يكون افخم شوي ...
غرفة الطعام .... تحتاج الى طاولة طعام (4 او 6 أشخاص)
هذا غير الاكسسوارات والتحف اللي تبي تزين فيها الشقة ...
الفرق بين البضاعة اللي تجيبها انت من الصين ... والبضاعة اللي تشتريها من السوق المحلي ...
هو الجودة أولا وأخيرا ... ثم السعر ....
الطقم اللي اشتريه انا من الدوخه ب 10 الاف ريال ... اقدر اشتري بهذا المبلغ .. طقمين مع جودة أعلى ...
او حتى طقم واحد لكن لا وجه للمقارنة بينهم ....
انا من رأيي ... انت احسبها عدل اول شي ....
شنو الاهم الجودة ولا السعر ... ولا الاثنين معا ....
وبعدها توكل على الله ...
وياليت من اخوانا السعوديين لو يدلون بدلوهم ...
بحكم ان الاسعار فالسعودية رخيصة .. ومرات تكون ارخص من الصين ...
وهم عندهم خبرة بالسعودية وبضائع السعودية ...

اخي السائل
ترى اسير الدوحة خبير لان له تجارب سابقه وصدق فعلا ان السوق المحلي عندنا متنوع والمنافسة على اشدها بين التجار وانت قلت اثاث (جوده معقوله) وانا حسب خبرتي المتواضعه انه مادام التاثيث لشقة انك تقدر تقوم بجولة على الاسواق المحلية ولا تذهب الى الاسماء الرنانة هم هؤلاء الذين يضربون بالسعر لانهم يحتكرون منتج معين بل اذهب الى الذين منتجهم منتشر في السوق وبينهم الان حرب في الاسعار وهذه فرصة وتقوم يتسجيل الاسعار للغرف والاطقم وستجد باذن الله مبتغاك وانت مرتاح وموفر من مبلغك الذي ذكرت .
والله يوفقك امين .

رحال نجد
اخي الكريم
اضافة لما قاله العزيزان اسير ورحال
تكلفة سفريتك لن تقل عن 20 االف ريال
تذكره
اقامة ومعيشة
نسبة مكتب
شحن
جمارك
انصحك بشراء الاثاث من المملكة افضل
ولك القرار

اشكركم يا رجال المنتدى على المعلومات
وتعقيبا على ما سبق من كلامكم
انا لو ابي اثث شقة من السعودية عندي الخبرة الكافية لاني شاركت اكثر من خمسة شباب من ربعي بتاثيث شقتهم
وكانت الاسعار تتروام في مبلغ الثلاثين الى اربعين الف ريال سعودي بجودة معقولة ومنهم الى الان له اكثر من 7 سنين
واثاثهم موجود وبحالة جيدة بل وممتازة اللى افهمة من كلامكم
اني افضل على السوق المحلى
لاني وصل لاحد الاخوان لدية صديق من اصل صيني موجود بمدينة جدة
اتكفلت بتكلفة التذكرة والمعيشة لمدة عشرة ايام على ان يقوم هو بعمل كل شي من ارسال الاثاث
والمرافقة في الصين الخ الخ الخ
بس لقيت كذا واحد عارضني بالموضوع رغم ان حماسي ما نقص ولسة مصر على الذهاب الى الصين
خلاصة الموضوع اروح ولا ما اروح ؟؟
وبارك الله فيكم مرة اخرى

والله رحال رأيه انك ما تروح اذا كان هذا هو الهدف التاثيث فقط .......... راح تقول علل ... الله يذكر المدرسه بالخير
انه مثل ما تفضلت وفعلا هو الواقع ان الواحد يأثث شقة بالحد الاعلى اربعين الف من الاثاث الجوده العادية سواء صيني او ماليزي المتوفر في السوق .
ولا تنسى انها شقه مستأجره يعني بكره لو ما ارتحت لها وبغيت تبدل راح تفك الاثاث وانت عارف مع النقل والفك يتخلخل الاثاث وخاصة غرف النوم والمكتبات
ولا تنسى ان تضيف مثل ما قال الاخ نبيل حوالي 20000 ريال تكاليف سفر وشحن وتعبك انت
الخلاصة اثث من هنا .
لك التحية

بارك الله فيكم
وعلى بركة الله ناثث من هنا وعقبال كل العزاب
اخوكم ومحبكم
almjholaat
انور

almjholaat
الله يوفقك في زواجك واتمنى لك الخير والذرية الصالحة واخواننا المسلمين امين