- الموقف الأول: سويسرا شهر أغسطس سنة 2000
الموقف الأول: سويسرا شهر أغسطس سنة 2000
كنت جاى من ملقا أسبانيا الساعة 11 مساء على مطار جنيف وعندي رحله الرجعة اليوم اللي بعده الى دبي الساعة الثانية ظهرا من مطار زيورخ, والمسافة حوالي 250 كيلو او 3 ساعات , المهم إستأجرت سيارة من مطار جنبف وعلى طول لزيورخ, تعديت المنحنى او المنعطف المشؤوم حق بيرن, أثاريه معروف عند السويسرين بأنه ملغم رادار على طول والسرعة القصوى علية 80 كيلو وأخوكم مستعجل ماشي 125 كيلو بس, وماهي إلا دقيقتين إلا وسيارت الشرطة طايفتني وتعطيني إشارة ان اتوقف على جنب" بالعربى على جنب ياراعي الهايلكس" المهم قلت في نفسي الله يستر ويش ني مسوى, نزلوا ونزلت لهم الساعة الواحدة صباحا والجو بارد درجة الحرارة وقتها 11 وحنا في نص شهر 8 لكن من الخوف ماحسيت بالبرد, ويش السالفة اقول لهم, قالوا انت متعدى السرعة القانونية, وراح للسيارة وطلعلى سرعتي بجهاز صغبر مركب عندة وسوى برنت زى برنت الصراف الآلي, كانوا إثنين واحد كبير في السن ومايعرف ولا كلمة انقليزي ولا حتى "عربي" ههه, والثاني شاب ويطقق إنقليزي مكسر, سالوني إذا كنت اتكلم الماني, قلت بس دانكشن, يعني شكرا, والظاهر مافيها شكرا ولاهم يحزنون, كلمة منهم وكلمه مني, والشايب بس يقولي كريدت كارد يعني يبيني ادفع المخالفة بدون تفاهم, حاولت أتعذر بالرحلة حقتي منا منا قالوا مافيه مخالفة يعني مخالفة, وهنا الصاعقه, طيب كم المخالفة وخلصوني, شوى كلم تلفون وسأل وأشوفة يسجل أرقام في ورقة من أربع خانات, ياليل ماأطولك ياه, قلت في نفسي يمكن هذا رمز ماهي المخالفة, لاني أتوقعها إن كثرت 150 سويس فرنك, ويوم سكر التلفون قالي المبلغ هذا 1125 سويس فرنك, يعني حوالي 3000 ريال" قلتله هذا بالتأكيد خطاء يمكن بدون الصفر الأخير, قالي لا هذا الرقم صحيح, لانه كل كيلو بعد 80 كيلو ب25 فرنك, حشى يبيعون طماط وقالي لو إنك في فرنسا كان سجن بعد وغرامة, قلتله هذى اغلى من قيمة تذكرة سفري ,حاولت أتملص بأن يسامحوني لكن ماش, قالوا تعال معنا للمركز في بيرن حتى ندفع المخالفة, قلت لهم صراحة ماأدل في بيرن وقت الرجعة لان مافيه عندي وقتها جي بي إس قالوا لاتقلق إحنا نوديك ونجيبك نفس النقطة اللي إحنا فيها.
وصلنا مركز الشرطة في بيرن والساعة 1:45 صباحا والمكان مره ظلمة ولا فيه ولا نسمه إنسان, الصراحة خقت إنهم ما هم شرطة, قلت لهم هل أنتم شرطة صحيح, قالوا نعم قلت ليش الظلام الدامس هذا قال إحنا نطفي الكهرب حتى نوفر الفاتورة, قلت لاتخافون بدفع لكم فاتورة الشهر هذا بس ولعوا اللمبات, كتب تقرير في حين يجيني الشايب يقولي كريدت كارد, قلت للشاب فكنى من ذا العله, وخلني أتفاهم معك.
المهم ماطلعت إلا ماخذين المخالفة وخذوني مكان ماخذوني, وبعدها ماتعديت 80 على الهاى وى وإذا شفت منعطف أمشى 40 قلت ياولد يمكن يعطونك مخالفه حق السرعة الدنيا, لين وصلت زيورخ وخذيت رحلتي راجعا للبلاد بمخالفة تقصم الظهر.
تابعو معي الموقف الثاني في الحلقة القادمة مع الشقراء النمساوية.
