العام الماضي وقبل السفر بست شهور وأنا محدد الوجهه إلى ماليزيا الساحرة ومن أكثر من ثلاث شهور وأنا رايح جاي من مكتب سياحي إلى مكتب حجوزات ويوميًا دخول على العرب المسافرون بوابة ماليزيا
وقبل شهرين رتبت الحجوزات والفنادق وتنظيم الرحلة وخلاص تأكدت الحجوزات يوم الأربعاء 3-8-2005م الساعة 10:20 الإقلاع .
تعرفون قبل الرحلة بساعات تكثر الأشغال وما بين سوق وحلاق وسوبر ماركت وأنا ألف ودور
قلت يا لقائد المحنك خلك ذيب وخللك بالمطار قبل الرحلة بوقت كافي ( خبركم ربعنا ما يصل للمطار إلا آخر الوقت ) .:112:
الحمد لله ما آذن المغرب إلا وأنا بالمطار إلا وشوف ذيك الزحمة قلت والله إنك ذيب وقائد محنك واسم على مسمى ذيبان جاي مبكر وأخذ احتياطاتك .
دخلت المطار ويمين ويسار وزحمة غير طبيعية ناس مستعدة للسفر حتى وصلت الموظف وأسلمه التذاكر والجوازات وأقص البوردنق قلت :
الحمد لله حملنا العفش في الطائرة وقصينا البوردنق وطالع فيه إلا بوابة 14 هي بوابة الصعود للطائرة
ألتفت يميني أدور المدام ما أدري وينها يمين شمال ما أدري وين راحت
إلا هي تنتظرني عند موظف الجوازات ( ما شاء الله تسابق الريح )
وأخوكم وراءها مطلق سيقانه للريح أخاف تفوتني الطائرة ( باقي 3 ساعات على الإقلاع )
دخلت على موظف الجوازات
السلام عليكم
وعليكم السلام
موظف الجوازت
أخونا من ........
القائد المحنك
نعم طال عمرك :
موظف الجوازت مشغول بتختيم جوازي وأنا مشغول بالتفكير بماليزيا وبرنامجي
موظف الجوازات
يالأخو
جواز المدام منتهي ومستحيل تسافر
الباقي عليكم

تعيش وتاخذ غيرها يالقائد المحنك ...
أستأذنك بنقل الموضوع للساحة العامة المخصصة لمثل هذه المواضيع ...

أبو ريان
الموضوع وكاتبه تحت تصرفكم

القائد المحنك والله حسسيت بقهر وانا مالي شغل
والله شيئ يحر القلب بس الشكوى لله يمكن كان فيها خيرة
بس ماقلت لنا وش سويتوا!!!

قائد محنك المفروض ما تفوت عليك امور الجوازات والادهى من ذلك ان بعض الدول تشترط انه
لازم يكون باقي على صلاحية الجواز اكثر من ستة اشهر
عموماً السفر تجارب
تحياتي لك وشكراً لطرحك

هاه وش سويتو .. اكيد تلك الليله انواع التكتيم ..!! ضيقت صدر ..
بس الحمد لله .. وعسى ان تكرهوا شيئا وهو خير لكم ..
تحياتي ..

باقي الموقف عليكم أن تتخيلوه !
لكن المتبقي عليكم أن تذكروا تجاربكم المضحكة المبكية
ننتظر مشاركاتكم

بسم الله

ذكرتني عزيزي بنفس الموقف ،،، تعرضت له شخصيا ،،،، عندما كنت طالبا في المرحلة الإعدادية .
كانت سأسافر مع المدرسة إلى رحلة للعمرة ،،، لأول مرة في حياتي ،،، وكنت متحمسا ،،،، وكان حظي أن يكون السفر في نفس ليلة زواج أختي الكبيرة .
وحاول أبي أن يثنيني عن السفر ،،، ولكني رفضت وبقوة ،،، المهم وفي المطار ،،،، سألني راعي الجوازات ،،، وين رايح ،،، قلت بإذن الله العمرة ،،، قال لي ،،،، مافي عمرة ،،، قلت له ليش يعني :112:
قال الجواز منتهي من 3 شهور

ولك أن تتصور حالتي ،،،، وأنا عائد من المطار إلى العرس
وكان شكلي في العرس ،،، الله لا يراويك .
بس أبشرك ،،، ما قصر الوالد ،،، ثاني يوم جددت الجواز ولحقت بالحملة .
وكان موقف عجيب بالنسبة لي
أتمنى أن يكون أعجبك ،،، وعندي موقف حلو ثاني ،،،، لكن بعدين
والله المستعان

قال قائد محنك قال
الحين 6 شهور ونت من مكتب الي مكتب ويوميا داخل الي بوابة ماليزيا وقبل الاقلاع بي 8 ساعات ونت بالمطار ماعندك غير تناظر الساعه وتراقب المسافريين بالمطار وشغلت مباحث المطار بشخص الكريم وتنتظر موظف الكاونت يفتح عشان تاخذ البوردينغ كارد
====
وكل التجهيزات طيبه وماعطيت نفسك حتي 5دقايق تشيك الجوازات الله يهديك بس
صدر حكم بسحب لقب القائد المحنك عقابا علي اهمالك الجسيم
============
تحياتي لك اتمني انك تتحمل مداخلتي اموون عليك