حياك الله اخوي .. لي عوده مع تفاصيل الرحله من % الى
لكن انت تبدا بالنمسا وبعدين ميونخ
شنو مخططك اكتبه بالكامل واترك الباقي علينا
تحياتي لك

ali_q8_77
الصراحه انا ما ابغي اكرر موضوع اخوي سهم الغدر مره ثانيه لاني بصراحه انا بعد بسافر لميونخ بعد العيد لمده ست ايام وحاب انك تساعدني لو سمحت وتسوي لي برنامج للرحلة خاصة و انا اول مره ازور ميونخ انا وزوجتي .. وحاب استفيد من الست ايام قد ما اقدر في زيارة الاماكن الحلوة في ميونخ وحوليها .. و الصراحة انا ما نويت اسير ميونخ الا من كثر ما قريت عنها في هذا المنتدى الحلو...

حياك الله اخوي وبالخدمه .. نبدا
الحديقة الالومبيه وفيها البرج وفيها معرضbmw وبالقرب منه مجمع الالومبيك
ساحة مارينا بلاتر
. مجمع ريم اركادا فيه مقاهي
الحديقة الانجليزية English Garden
ماكسيملين ستراشا maximilian STR شارع الماركات
وهاذي رحلات خارج ميونخ وجميله
جارميش Garmisch -perchtesgaden وبها بحيرة وتلفريك لقمة جبل Zugzpits
تبعد من ميونخ 90.7 كم بالسيارة تستغرق ساعة
ممكن ايضا زيارة سالزبورخ بالنمسا وزيارة اسواقها وحدائق الميربال .. تبعد تقريبا ساعه وربع بالقطار
وايضل كثير من الاسواق والمجمعات اذا حاب
لكن انت وين ساكن ؟؟
وانا بالخدمه

ali_q8_77
مشكور يا خوي وما قصرت
الصراحه تجاوب الاخوان في هذا المنتدى المميز و الشيق هو اللي خلاني اتشجع و اجرب اسافر لميونخ لاول مره.
وحاب اقول لك يا الطيب اني بحاول اسكن في فندق لي ميريديان في ميونخ مقابل المحطه حسب ما عرفت من الاخوان و اذا قدرت تسويلي برنامج ولو بالتفصيل الممل بكون شاكر لك من كل قلبي وبنفس الوقت بتعم الفايدة للكل لانه اكثر المشاركات المتعلقة بزيارة ميونخ تكون تقريبا بنفس المدة .

حياك الله . ,,, ومن عيوني .. الفندق الي اخترته ممتاز
اليوم الاول .. ساحة المارينا بلاتز .. سؤالي متى الوصول ؟؟ اذا كان بالصباح هاذا اليوم الاول
اليوم الثاني الحديق الاولمبيه وملاحقتها ..
اليوم الثالث الذهاب الى غارمش من المحطه القريبه من الصباح الباكر والصعود الى التلفيرك قمة جبل Zugzpits وايضا الجلوس عند بحيرة ابسي روعه يوم كامل حتى المغرب
اليوم الرابع .. الذهاب الى الحديقه الانجليزيه ومجمع ريم اركاد والمقاهي
اليوم الخامس زيارة سالزبورخ النمساويه من المحطه نفسها روعه واتزور المدينه واسواقها وايضا رحله بالبحيره .. وممكن مشاهدة بيت موزارت والقلعه
اليوم السادس .. العوده سالمين
ولك تحياتي وبالامكان التعديل

مشكور اخوي علي على الجدول
بس حبيت اعرف من وين ابدأ احسن ؟؟
فرانكفورت ولا زيورخ ولا ميونخ ولا سالزبروغ؟

تبد ا بميونخ وتنتهي بفيا او العكس افضل شي
ولك تحياتي

راح يكون الجو بردد قارص ولا؟؟
انا ناويه اروح لها في تاريخ 22 نوفمنبر بس متردده من الجو ؟

السلام عليكم الجو بهاذي الفتره بارده جدا ...
وخصوص بالريف
ولكم تحياتي