السلام عليكم ورحمه الله وبركاته
أول شي أحب أشكر جميع الأعضاء بهذا المنتدى الرائع لأني أستفدت منه كثير
ثاني شي ودي أطلب منكم طلب أنا مسافر الأمارات الأربعاء هذا طفشان وبطلع أنا وزوجتي 7 أو 8 أيام
المشكله كثرة الفنادق وكثرة الاماكن توهقك ولا عاد تدري وين تروح وأنا من النوع المربوش خلقه خ
أول شي ودي تعطوني أسم فندق زين وحلو سعره من 250 إلى 400 ريال وياليت يكون بشارع الشيخ زايد عن المولات وقريب من المترو........
بعدين ودي أحد يرتب لي الجدول بحيث مثلا أروح الاماكن اللي قريبه من بعضها لأن في راسي أماكن كثير ما أدري وين مكان كل واحد منها فيه اماكن حلوه كثير بس ما أذكر أسامي يعني أنا أبي الشغلات الحلوه المبهره اللي يمكن ما اشوفها بمكان ثاني وتكون مرتبه بحيث قربها من بعض مو أروح بيوم مكانين كل واحد في جهه
تكفون يالربع لا تبطون علي ......... أما الفندق عطوني أسم وأنا بشوف أي مكتب سياحه وش رأيكم
أهم شي يكون نظيف ومرتب وفيه شوية فخامه
ومشكورين مقدما