شف
في كل محطة باص خريطة جنبة
مثلا انت باسكفور ستريت وتبغي تروح بيكاديلي دور وين البيكاديلي مثلا
يعني شف الخريطة مرة ومرتين وعشر وبتعلم عليها

قبل لا تركب الباص شوف بالمحطه مرسومه خريطه وتوضح لك كل باص خط سيره مثلا انت بمحطه اكسفورد وتبي تروح همرسميت تاخذ باص 94 وتشوف باص 94 وين يوقف وشنو المحطات اللى يوقف عندها مثلا انت بالمحطه الحين وتبي تنزل بعد 3 محطات ثالث محطه انزل فيها
او بمعني اريح وختصار لك اول ما تركب الباص قول للسايق ابي انزل بالمكان الفلاني ويوم توصل راح يقولك ههذا المكان اللى تبيه

الله يعطيكم العافيه ..
للحين مافهمت بس بحاول ..
طيب ماجاوبتوني اقدر اركب بنفس التذكره على اللندرقراوند؟؟
وكيف اركب الباص المكشوف ومن وين؟
تشكرات

اخي الكريم
في خريطة خاصة بالباصات ممكن تقتنيها من أي كشك أو بقالة تبين لك جميع مسارات الباصات
و بإمكانك زي ما قال الاخوان تشوف الخرايط الموجودة في كل محطة و الباصات إللي تمر بيها
و اتمنى انك تزور الرابط التالي تجد فيه خريطة الباصات و مساراتها رائعة جداً و حتستفيد منها كثير
http://www.tfl.gov.uk/assets/downloads/cen_bus.pdf
أما بالنسبة للباصات المكشوفة فهي إما البج باص أو أورجينال باص تورز وجميعها تقوم بجولات سياحية لكافة المعالم المهمة في مدينة لندن و قيمة التذكرة للشخص 20 باوند شاملة المركب النهري أو الجولة النهرية في نهر التايمز جوار البق بن .

السلام عليكم
اخي الكريم مثل ما تفضلت ان اي واحد جديد يواجه صعوبه باستخدام الباصات وهي اصعب من الاندرقراوند نظرا لان ليس كل المحطات اللي يتوقف فيها الباص مذكوره بالخريطه بالاضافه ان لا تعرف وين تنزل عشان تروح لمبتغاك. اعتقد ان مشكلتك انك مش عارف وين تنزل وليس اي باص تركب (ارجو التصحيح لي اذا كنت غلطان عشان اشرح لك اكثر). اذا ركبت الباص الصحيح بكل بساطه اطلب من السواق المكان اللي تبيه وخلك جنبه وهو بيقولك اذا وصل المحطه. كل السواقيين متعاونين وانا استخدمت الطريقه في بداياتي. طبعا مثل ما ذكر الاخوان خريطة الباص ضروريه عشان تعرف الباص الصحيح والوجهه. وياليت تتصفح موضوع حبيبنا القطري بشان الباصات الحمراء عشان تاخذ معلومات اكثر.الباصات الحمراء http:/https://artravelers.com
وتحياتي لك

اهلين وسهلين أخوي ..
الا الباصات .. انتبه أخوي اذا مافهمتها لاتغامر ..
لاتصير زي خوينا اللي نام في الباص ..
تفضل الرابط وشوف المأساه ..
https://artravelers.com/p/re/142139

الباصات سهلة شوف انت وين تبغى تروح(اسم المكان) وروح عند االباص ستووب تلاقي خريطة طريق الباص ووقف عند المكان اللي تبيه بعد ما تضغط الجرس من الباص ..

الله يعطيكم العافيه
شاكر لكم مروركم وردكم
اخوي شاهين
زي ما قلت اوقات ما اعرف الباص اللي اركبه
واوقات اعرفه
بس المشكله ما اعرف وين انزل
يعني اسال وين الباص اللي يودي الى مكان معين
بعدين اركب ويتعدى المكان وانا ما نزلت
والله يعطيكم العافيه

هلا اخوي
مثل ما قلت لك اسال عن الباص الصحيح بالاول وبعدين اطلب من السواق يقولك وين تنزل طبعا بعد ماتقوله انت وين رايح. بطاقة الباص ما تقدر تستخدمها للاندرقراوند. سعر بطاقة الباص لاسبوع 14 باوند واذا تبي تخلي معها الاندرقراوند بتصير ب 23 باوند. الباص المكشوف تقدر تاخذه من الكشك اللي بركن تقاطع الماربل ارتش مع اكسفودر في شركتين وحده اسمها ذي باص والثانيه بق باص. اسال عن مكتب الباص المكشوف لما تكون عند محطة ماربل ارتش للقطارات وهي بتكون قريبه جدا منك.
تمنياتي لك بسفره سعيده