عليكم السلام ورحمة الله وبركاته
اول شي المده عندك ماشاء الله ممتازه ليش ماتزور لنكاوي تستحق الزياره
كأول مره تزور ماليزيا والله انه تستحق ويمكن تحبها كأحلي مكان ممكن تزوره
والجدول لو فيه مجال للتغيير
ليلتين سيلانقور -- ثلاث لنكاوي -- ثلاث بينانق -- خمس ليال كوالالمبور
او بعد ممكن كوالالمبور اربع ليال واخر ليله بورت ديكسون فندق ببركة سباحه داخل الغرفه
ولاهو ضروري بورت ديكسون بس لنكاوي اشوف فيه مجال تدخل بالجدول
وانت أكيد بكيفك مجرد إقتراح
والشي الثاني والمهم جدا فندق كوالالمبور ماي هوتيل غيره لو أنت عزابي
ممكن نقول الفندق اوكيه لكن عوائل مانصحك فيه أبدا حتي لو الليله بريال
الفندق نجمتين يعني الآمن لك عليه والغرف ضيقه جدا صدقني ماتعرف وين
ترقد الطفل مافيه مكان شوف لك فندق ثاني
فيه فنادق كثير بأسعار معقوله ولا تغامر في فندق متواضع
مع إحترامي للأخ جورج بس أعتقد هو كان عزابي مو عوائل
بالنسبه للمواصلات من سيلانقور لبينانق و من بينانق لكوالالمبور أكيد الأفضل
والأريح الطيران ولكن لو تبي بر فباصات الأيرولاين من أفضل الباصات باصات ممتازه
وممكن تحجز عن طريق موقعهم في النت لو حبيت و ممكن لو وصلت هناك بس
تحجز قبلها بيوم وموقعهم في سيلانقور في مجمع البيراميد مقابل مدخل العاب
الصن واي لاقون المائيه وفيه بعد لهم مكتب في اوتاما ون مول في سيلانقور
فندق فلامنقو في بينانق اوكيه بس الأفضل تشيك سعر الهوليدي إن و الباي فيوبيتش
لو أسعارهم قريبه منه فهم أفضل منه الف مره كموقع وحتي مستوي مع ان الفلامنقو
كمستوي جيد بس كموقع أقل من عادي وممكن ماتحب بينانق بسبب موقعه
فندق أمباير في سيلانقور كفندق جيد بس كموقع عادي ومافيه بركة سباحه لو تهمك
لو فكرت في البيراميد او الخيول الذهبيه او الون ورلد أفضل
أهم شي فندق كوالالمبور غيره اما البقيه فما فيهم مشاكل ممكن تغيرهم وممكن تتركهم

حياك الله أخونا ( أبو فراس )
بصراحة يالغالي برنامجك يحتاج للتعديل ...

• أربعة أيام كثيرة في بينانغ
• كوالا لاتستحق سبعة أيام ... وراح تمل بصراحة
• لابد من أضافة ( لنكاوي وجنتنغ ) للجدول ... بهدف تغيير الأجواء
• في كوالا أنصحك بعدم السكن في فندق ( ماي هوتيل ) هو ( موتيل وليس فندق ) ...
• أرشح لك في كوالا فندق ( سنترال بودو ) مميز ونظيف وجديد وسعره بحدود ( 220 ريال ) في اليوم

اخوي zaza واخوي الوافي ألف شكر
ليتني استشرت قبل احجز لكن مو مشكله دام الالغاء مجاني !
بالنسبه لجنتنغ حاط من ضمن الخطه الذهاب لها صباحآ في احد الايام من كوالالمبور والعوده مساء ،
وبالنسبه للنكاوي انا استبعدتها من البدايه للتقليل من التنقلات ولان حسب ما فهمت من خلال قرائتي انها هادئه جدآ واغلب فنادقها مليئه بالحشرات فما راح تعجب الاهل ابدآ لكن جاري دراسة ادخالها بالجدول وابي ترشحون لي فندق هناك وسعره معقوله وموقعه حلو وبالنسبه لفندق لسنترال بودو اخوي الوافي كم يبعد عن شارع العرب ؟

حياك الله أخوي ( أبو فراس )
تفضل الأجابات على شكل نقاط :

• الأفضل المبيت في جنتنغ ( يومين عالأقل ) ... ولكن إذا أردت زيارتها والعودة بنفس اليوم ... تفضل الطريقة

مشكور اخوي الوافي وما قصرت

السلام عليكم ..
أنا بعد نفس اخوي ابو فراس حاجزين على بدايه شهر ابريل على ماليزيا ولاول مره ..
بس عندي سوال بعد اذن ابو فراس اطرحه هنا ع اخوي الوافي
نقدر نخلي حجزنا مثلا يكون .. من مطار الدمام الى لنكاوي لقضاء 3 ليالي ومنها بالنقل البحري مثل ماقريت وفهمت على الاغلب
على جزيره بيانق لقضاء ليلتين ومنها الى سلانجور ليلتين وفي نهايه الرحله الى كوالالمبور
ممكن تكون الرحله بهالطريقه !!!
موفق اخوي ابو فراس برحلتك واسمح علي المداخله
وشكرا!!

هلا اخوي فاتوو وحياك خذ راحتك يالغالي ؛ وش فنادقك اللي اخترتها اخوي ؟وهل تم الحجز او باقي ؟

2 / بالنسبه للتنقل من سيلانجور الى بيننغ ومن بيننغ الى كوالالمبور ؟ اللي فهمته من خلال قرائتي بالمنتدى ان باصات الايرولاين مريحه جدآ فهل تنصحوني بها خلال تنقلاتي كلها وهل هي فعلا مريحه ؟ وهل احجزها من هنا او اقدر احجزها عند وصولي لماليزيا؟
والله انصحك بالطيران الداخلي لان الموضوع متعب شوي فالاسهل والاسرع الطيران
ياليت تعدل شوفي الجدول :
يوم واحد وليلته لسلانجور ويخب لانو مافيها شيء غير صن واي لاقون + المول اللي جنبها والباقي ما انصحك تروح له (( انصحك تسكن بالفنادق القريبه من صن واي لاقون ))
وحط 3 ايام لنكاوي هاديه لكن فيها اشياء حلوه مثل التلفريك + ركوب الفيل + رحله المانغروف (( واذا ع الحشرات قفل الشبابيك كويس ومايجيك شي ان شاء الله )) و انصحك تسكن في الشريتون
وحط كمان 3 ايام بينانغ لانو فيها نشاطات بحريه + اسواق + رحله صيد وزع ع كل يوم شغله (( انصحك تسكن في الهوليدي ان ))
وباقي الايام خلها في كوالا لانو فيها تقضي وامولات كثير وتقدر تحط يوم لجنتق (( الملاهي )) ويوم لافموسا وتنوع (( انصحك تسكن في شارع العرب وبالاخص ماريوت ))
بالتوفيق اخوي

الف شكر اخوي طياره صغيره ويعطيك العافيه ؛ في كوالالمبور تم الحجز في بيكولوكو من تقارير الاخوان عجبني موقعه على شارع العرب مباشره وسعره حلو ومناسب وخدماتهم رائعه هذا اللي فهمته من الاعضاء اما انا لم يسبق لي بصراحه السكن فيه .