1. ياريت تفيدوني لا حرمكم الله جنان الفردوس

السلام عليكم
حلمي من زمان اسافر وماليزيا هي الوجهه الي كنت احلم فيها من سنوات حتى شهر عسل كانت حلم بس ماحصلي
من كثر مااسمع ناس يروحون لها وانها دوله اسلاميه افضل من الدول الثانيه وخصوصا اوربا الي شايلتها من راسي بتاتا
وصار معي المبلغ الي اقدر اسافر فيه وفرحت كثير اني راح اشوف عالم اخر ماقد شفته في حياتي وصرت الف المنتدى ابي استفيد من تجاربكم عنها وعن اهم المناطق السياحيه فيها وفنادقها
البعض حمسني اروح لدرجة ودي اليوم قبل بكره والبعض يذم خلاني اتحسف وافكر اني اشيل السفر من بالي
1-من السلبيات الي قريتهاعدم ترحيب بعض الفنادق بالعرب والخلييجيين ومنها برجايا.
2-والعري الفاضح واجواء بعض الفنادق ماتصلح للعوائل ومن معهم اطفال او بيئتهم محافظه مثل ادمايند
3ومن بعض الفنادق سعرها مرتفع ومايسوى على قولتهم اما لان الاثاث متهالك او لسوء الخدمات او الافطار عندهم محصور
4-وبعضها خاصه للاجانب
وفي غيرها كثير بس هذي الي اتعبتني شوي
وبصراحه قلقت كثير خصوصا ان هذي اول سفره لي خارج المملكه وكانت حلم لي مثل مااسلفت
حجزت الطيران الدولي بس مابعد شريت التذاكر والحين جالسه ابي احجز الفنادق
بس ماني عارفه وش اختار خصوصا اني اركز على الفندق الي يحترم التقاليد الاسلاميه
بس للاسف ماحصلت وخصوصا في لنكاوي
وانا خليت موعد سفرتي في الاجازه القادمه الي هي بعد شهر من الان (19/مارس الى1/ 4)ابتعدت كل البعد عن الصيف اريح لي من الزحام

ياريت تفيدوني لا حرمكم الله جنان الفردوس

ماهي افضل الفنادق المحافظه وتصلح للعوائل والاطفال وتحترم التعاليم الاسلاميه وسعرها معقول خصوصا في لنكاوي حتى لو كان ثلاث نجوم مايهم الاهم عندي اني اريح عيوني وبالي ضميري من المناظر المقززه لي ولاطفالي؟؟؟
لاني والله تعبت من كم يوم وانا ادور عورني راسي وطفشت وماهبل بي الا بعض التعليقات الي تخلي الواحد يتراجع عن الحجز
ولحد الان ماني لاقيه الفندق الي فيه مواصفات مرضيه
تكفون لا تبخلون علي انتوا ماتقصرون بصراحه مااستفدت الا منكم اي شي ابيه القاه في هالمنتدى الرائع
مشكورين مقدما
nada fahad