1. ماعلينا


2. ياشباب ماودكم ابدا بالموضوع


3. مالكم بالطويله

اول شي و قبل ابداء بسرد اعلومي و قبل ماكلكم يغمى عليكم ............ اقول بصوت جهوري يسمعه الي في اخر شارع بماليزيا " لاحد يقول لي الشارع مزفلت اولا .. او به صرف صحي يا الحلو ".. اقول سلام عليكم انت وياه ......... افا ولا تسأ لون عني ولا حاجه يا بايزين .... " يا الاخو ترا ذا منتدى ماهو مجلس ابو حمدان " .......... يا الربع السلام سنه ورده واجب .... " صاير مفتي الاخو "....

ماعلينا

على العموم انا دايخ ومافيني حيل للمجادل الي يبي يجادل يصف سرا الله لايهينه لحد ما افوق من الصحن الي غطيت فيه قبل شوي " الاستفسارعن محتويات الصحن ممنوع بس التوقع مفتوح له الباب "
اولا ولا احد يوطوط قبل " اولا " اهدي شكري الخاص والمتواضع والمرموق " كلمة المرموق توني سامعها في برنامج طبخ بس مدري وش معناها" اهدي هذا الشكر الذي نابع من فؤادي الاخضر ....... اهديه الى الذي وضع هذه الصوره من ضمن خيارات الكتابه " :112: " لِما تحويه من معنى معبر لشدة الوناسه من الطفش " ادري دوختكم بس تحملوني "

ياشباب ماودكم ابدا بالموضوع

امس يوم الخميسا يعني الخميس رحت انا و واحد من العرسان الجدد لمكتب سياحي عشان احجز له رحلة عسل مرموقه ....... المهم الكلام ذا كان بعد صلاة العصر جهزنا الشنط ولبسنا الكنادر وتوكلنا على الله الى المكتب ........... بدون شنط طبعاّ !!!!!! وانا يوم اقول جهزنا الشنط بس بغيتكم تفهمون ان خويي متحمس
المهم وصلنا المكتب بعد نصف ساعه وكالعاده السرا لحد الشارع ....... تقول كننا عند خبز تميس وفول ........... كان رقمنا 4 وخويي تعرفون متحمس ويوم شاف الزحمه حط كل اللوم علي " ليش يوم انك ماطلعت بدري وليش ماكنت مسرع بالسياره وليش لابس كنادر؟؟؟؟؟؟؟؟؟؟؟؟؟ " المهم انا معطيه جوه ومسوي نفسي غلبان ..........

مالكم بالطويله

وحنا ياطولين العمر جالسين بالمكتب .......... خويي كل شوي وهو ناط بحلقي يقول عنده انستفسار قسدي استفسار ............ وانا اجاوب .....بكل اريحيه وطفش............اكتشفت بعدين إن به واحد على يسارنا ودوره قبلنا كان يسمع سوالفنا وانتبه لدلاخة خويي وبربرته الزايده ............... يعني بالعربي عرف ان الوضع بها عرسان وشهر عسل .................. نط علينا هو التاني ..... عفوا الثاني ....... انا مدري ليش بعض الناس يقول التاني بدل الثاني ............ ماعلينا لولا اختلاف الاذواق لخاست السلع بالمخازن ................... " ياحبني للخروج عن الموضوع ............ اسف ياشباب " المهم وين وصلنا .......... وصلنا سلمكم الله الى إن الرجال نط بحلوقنا وقرب شوي مني وحط خشته بخشتي وقال عفواً الاخوان عرسان ؟؟؟؟؟؟ وكان شاق ابتسامته لحد اذانه........... قلت له... لا !!! ....... يخوي هو الي عريس انا مالي شغل ........... قال مانختلف انشا الله وبالهنا والشفا " قايميمن من مفطح حنا على غفله ... بدل مايقول بالرفاه والبنين يقول كذا؟؟؟؟؟؟؟ " المهم كمل الرجال بربرته وقال على وين انشا الله ؟؟؟؟؟؟ نط خويي بحماس وقال الى حديقة الفراشات "عاد حديقة الفراشات ذي توني معلمه اياها ........ وده انه يعلّم الربع ان عنده كم هائل من الرمنسيه " وين وصلنا .... ايويه .......جاوبت الرجال وقلت نبي ماليزيا طال عمرك ............... سكت الرجال مع ابتسامه وقال ....... لي عندكم شور احسن من كذا ............ قلت سم طال عمرك سمّعنا رايك وحنا ناسٍ ما نرد الخير ................ قال ورا " للتوضيح كلمة ورا تعني لماذا .... كيف تجي !!! لاحد يسألني" قال ورا هالمليح الي وراك مايطلع لليمن ........... انا انصعقت " اليمن على عيني وراسي بس الرجال رايح شعر عسل ماهو رايح يشتري عسل " انا عطيت الرجال جوه وخويي مطرطع واخذنا نتبادل الحديث عن اليمن وانا اسوي نفسي مقتنع وقابل الفكره بدون نقاش ومجادل ............. عاد اسمعوا نهايه الحوار
يقول ......... انا من رايي يروح هو والمره الى اليمن ...... فيها خضره وجبال ومندي وكنافه وفله حجاج .....يقضون هناك 20 يوم مابين صنعا وعدن و لحج ... ثم يعودون لاهلهم...... قلت يخوي شف انت والله انك رجال فاضي وماعندك من العلم ماعند جدتي (مرام) " ادري كلكم بتقولون حلو اسم جدتي " ..... انت صاحي والا مهبول ؟؟؟؟؟ او تستهبل ؟؟؟؟؟؟ .......... نقولك الرجال شهر عسل وتقول اليمن ........... اليمن على راسي بس ماهو عسل عاد !!!!!!!! .......... يوم شافني معصب عليه ...... قال انا قصدي بس بغيت امزح واعطيك خبر ان رحلات ماليزيا ها السنه فل يعني مقفله ............. واذا تبي تسافر ترا رحلات اليمن فاضيه
موقف طريف حبيت تشاركوني فيه ............... مع العلم ان كل المواضيع استفسارات فقط ................ فحبيت اغير الجو شوي ................... ارجو اني ماكنت ثقيل ................ بس ياليت الي يقول اني ثقيل يعلمني كموزني