القاروره اللي تحتوي سوائل مثل العطور وغيرها غير مسموحه في شنطة اليد اذا كانت اكثر من 100ملم
اما الشنط الكبيره اللي فيه الاغراض تمر تحت جهاز الكشف مثل كل مطارات العالم !
بس تقدرين تحطين في الشنط الكبيره الشامبو والعطور وغيره عادي

عفوا بالنسبة لحليب الأطفال في الشنطة الكبيرة هل من الممكن إنهم ياخذونه ؟؟

يعطيك العافية أختي اليازي على جهودك لخدمة الأعضاء

الله يسلمج هذا قانون دولي مب قانون طيران الإمارات فقط، وعشان تفكين نفسج من الصدعة حطي السوائل والعطور في مع الشحن

اختي المستلزمات مثل العطورات والكريمات والسؤال والمقص وهالسوالف ياخذونها اذا كانت في شنطة اليد
اما الشنطه الكبيره عادي حطي فيها اللي تبغينه (مع اني احط اللي ابغيه مثل عطورات ومكياج وكريمات في الشنطه محد يقولي شي) وبعد الماي والسؤال والحليب ما تشلينهم بأيدج ,,,حليب الاطفال حطيه فالشنطه الكبيره واذا بغيتيه ظروري خذي بس كميه من الحليب الجاف والماي اطلبيه من المطاعم هناك
وما يفتحون الشنط بس يمررونها تحت جهاز التفتيش

مساء الخير
المستلزمات الشخصيه خلصنا منها في الشنطه الكبيره
بس عاد حتى المويه يأخذونها طيب انا معاي اطفال ولازم يكون معي مويه وش اسوي
لاني اول ما اوصل الفندق بيكون الوقت متأخر والمني بار في الفندق يكون تو متش يعني لازم يكون معي قاروره صغيره لكل طفل مستحيل يأخذون المويه

مب مشكله يا اختي
بعد ماتخلصين من الوزن وتدقيق الجوازات راح اتكونين فالسوق الحره
واخذي اللي تبغينه
ماي , عطور .. إلخ ..
مب مشكله يا اختي
بعد ماتخلصين الاجراءات تقدرين تشترين ماي من السوق الحره

ههه الحين اللي يسمعج يقول مسافرة عن طريق البر، تراج في مطار وكل مكان تلاقينهم يبيعون ماي، حتى في الطيارة في ماي.
انتي توكلي على الله وما يهمج شي الله يسلمج