السلام عليكم ورحمة الله وبركاته
اسعد الله اوقاتكم ياغالين
في بداية الموضوع احب اشكر القائمين على ادارة هذا الموقع الجميل واللي بصراحة استفدت منه استفادة كثير وحددت لان وجهتي من خلال هذا الموقع الرائع
ياغالين هذه قصتي مع معهد نصاب قصة مع الفيزا
انا طالب ادرس لغة انجليزية في ماليزيا وبالتحديد في كوالمبور واسم المعهد imec في كانتري هاي كاجان
ما اكذب عليكم ان المعهد سيئ او انه مشي حالك استفدت بصراحة من هذا المعهد
كانت نيتي اجلس فيه 6 شهور ابتداء من 9جولاي لكن اتغيرت مجريات الرحلة بعد ما قررت اروح لكندا ادرس انجليزي وادرس الجامعة هناك اخذت جوازي منهم وشيكت عليه
لقيت مافيه لا تأشيرة ولاهم يحزنون بس فيه ختم الاحمر اللي هو حق السياحة ومدته ثلاث شهور فسئلتهم قلت لهم وين التأشيرة قالوا لي باقي ما طلعت فستغربت
قلت شهر وعليها وما طلعت الفيزيا فدخلت على المدعو روبرت المسئول وتصايحت انا وياه بالمكتب
وطلعت من عنده وعلى السفارة دقوا عليه السفارة سئلوه عن الفيزيا وقال انها بتطلع بس مايدري متى فقالوا له رجع طيب ال 1000 للشباب اللي هم انا وولد خالتي
لانهم ما بيقعدون وختم الدخول باقي له تقريبا شهر
قال ماقدر لانه انه دفعها للايمقريشن ومستحيل يردونها
اليوم الثاني طالبتهم بالفاتورة وقلت لهم جيبوا لي شي يثبت انكم دفعوتها لو انكم دفعتوها كان طلعت تاشيرتي من زمان
قالت لي السكرتيرة راح اتكلم مع روبرت (المسؤول) وبعد يوم قالوا خلاص بنرجع لك الفلوس لكن لازم تتنتضر اسبوعين
ما بين 27 و 29 اغسطس بس ننتضر توقيع البيق بوس
وانا مسافر ياغالين 1 سبتمر
وكل يوم اروح لهم يقولون البيق بوس ما وقع الشيك البيق بوس والبيق بوس
واللي زادني قهر قالوا لي اليوم يمكن تتاخر فلوسك كمان يعني على 6 او 7 سبتمر
فقلت لروبرت انا مسافر 1 سبتمر طيب
قال ما بيدي شي البيق بوس لازم يوقع يقول انه ارسل خطابات وفاكاسات بس اظن انه نصاب
ولا السكرتيرة تقول لي لاتخاف اذا ما اخذتها هنا نرسلها لك بالبنك بس راح تنقص الفلوس حق التحويل
يعني كذبة عيني عينك نصابين ويسون انهم امينين
فبالله ياحبايبي ايش رأيكم في هذا الموضوع
وايش اسوي انا لان اروح السفارة والا انتضر الى 27 سبتمر
اخوكم مهند