مرحبا شباب انا من الشرقية بالسعودية و ودي اطلع للهند عشان سياحة و كورس خفيف بمعهد صغير خبركم المعاهد هناك اسعارها طيبه الكورس ياخذ يعني 3 ساعات باليوم لمدة 4 اشهر او حولها + - واحتمال ان فيه زيارة شركة
المشكلة اني رحت لفرع مكتب الجوازات والسفارة الهندية بالدمام شارع المستشفى
قلت له: أبغي فيزا سياحة 6 أشهر ..
قال : مافي الا 3 أشهر والرسوم 500 ريال
وقلت له: ان بالموقع الرسمي للسفارة الرسوم 155 ريال و المدة 6 أشهر ...فنكر ذلك وقال غير صحيح!
ولكنني قلت له هذا الموقع وكحل عينك !َ
وبعدها قال أن الصلاحية للفيزا 6 أشهر ولكن المسموح لي بالجلوس هناك 3 أشهر فقط (مع أن ذلك غير مذكور بالموقع)
وأستغربت لما قالي خلص انا سوي 450 ريال عشانك..
قلت ببالي أحنا وين قاعدين! وبعد المناقشة أكتشفت بأنهم وكيل أو بالاحرى مخلصين يعملو لصالحهم ..
المهم أسألتي بخصوص رحلتي للهند : (الهدف سياحي و كورس تدريبي المدة المرغوبة 4 أشهر )
مانوع الفيزا اللي اطلعها ؟
هل اتصير الفيزا السياحية 6 أشهر ..؟
هل أقدر أدرس بالمعهد وانا سائح بدون ماتصير علي مشاكل ؟
من وين تنصحوني أطلع الفيزا لان سمعت أن الفيز بالبحرين سريعه الاجراءات و أرخص فهل تطبق عالسعوديين؟