مرحبا بك اخوي بو سالم نعم دولة الهند تطلب من السعودي فيزة دخول ... وبالنسبة للتقديم اذا تبي تروح انت وتوفر 100 ريال ... او تعطي جوازك ومطلبات الفيزا الهنديه من صور شخصية ونحوه لمكتب سياحي وياخذون 100 ريال مثل مكتب الصرح والفرسان ...

الله يرحم والديك. مشكور

حبيبنا عندي إضافة بسيطه لك ....
المتطلبات : الجواز - صورة الجواز - صورة شمسيه عدد 2 - صورة من بطاقة الاحوال - 200 ريال سعودي .
الموقع حي السفارات بعد الدوار الثاني على الشمال .
تروح وترجع بالسلامة .. أخوك كريستال

ما اقر اخذ الفيزا من مطارهم اذا وصلت ؟؟
مشكورين

يسعد قلبك اخي الفاضل
الهند صحيح تطلب فيزا على السعودي .. وسهله جدا اسخراجها .. فاذا انت من سكان الشرقية فيحق لك اخراجها من البحرين .. بشرط ان يكون جوازك اصداره في الدمام لانهم ينظرون هناك في سفارتهم في البحرين لمكان اصدار الجواز .. والا يرجعونك لكي تخرجها من الرياض حيث سفارتهم هناك ..
والا الا فضل ان تسند الامر لمكتب يريحك عن عناء السفر ..
اخوك المحب

السلام عليكم ..
أنا كلمة السفارة وقالولي نفس الطلبات اللي ذكرها اخوي كريستال وقالو بعد مايلزم حضورك وراح تخلص بيومين لكن المشكلة اني مالقيت مكتب بالقصيم يخلصلي الموضوع الا انهم ذكرولي مندوب لمكتب بالرياض يخلصلي الفيزة ب 500 ريال للفيزة الوحدة 200 ريال للفيزة والباقي اتعاب فكرة فيها قويه خصوصاً اننا شخصين يعني فيها 600 ريال زيادة هل ممكن احد يفيدني بأي مكتب بالقصيم غير المندوب اللي ذكرته .. واكون شاكر له ..
اخوكم .. بدر العلي

انصح تخلي المكتب السياحي يخلصها لك .. لأن حقين السفارة هنود طفرانين يأخذون بخشيش .. وإذا ما دفعت اللي يكون في عونك بكره بعده .. خلص دوام ..
العاملين في السفارات شايفين انفسهم وين .. ومثلكم عارف حساسية السفارات ..

اخوي Q_q مساك الله بالخير ,,
اشكرك على سرعة الرد انا سمعت الكلام اللي قلته انت من احد موظفين المكتب اللي كلمته قال ان الدعوى فيها فهلوه ويبيلها دفع وشغل من تحت الطاولة كانك تشوف ان بالك وسيع روح بنفسك والله يعينك على الرزعه 3 ايام او 4 لكن رايك اني اعطيهم اوراقي يخلصونها افضل من المجازفة واجازة من اعمل ..
ولك جزيل الشكر ..