1. مكتب وتلفون يروع باللمس ماعرفت له وتلفون ثاني لا سلكي

حرام خمس نجوم الاصل عشرين نجمه صراحه روعه انصح الكل بالسكن فيه قمه في كل شي اللهم الفطور ماعجبني الغرف رائعه بالنسبه للسعر الغرف مساحتها 60 متر تقريبا كبيره
ابقولكم مواصفات الغرفه طبعا اقل شي عندهم الدلوكس اخذتها 320 ريال يا بلاش مع الفطور
والحمام ماودك تطلع منه اجل وانتم بكرامه بيت الراحه بالريموت تشغل الماء والحمام فيه تلفزيون
وازرار الغرفه باللمس وانوع الاضاءه*

• والميني بار فيه اله اسبريسو
• وبلكونه مطله على ميدان الخيل منظر رائع

ستاره بالكهرب تفتحها واهم شي انك اذا صكيتها مافيه نور لاني ما اعرف انام الا بالظلام
تلفزيون 42 بوصه فيه قنوات منوعه واحلى شي مركبين برنامج خاص تقدر تشوف فاتورتك كم وصلت تشغل dvd *وايبود

مكتب وتلفون يروع باللمس ماعرفت له وتلفون ثاني لا سلكي

اهم شي اذا جيت تطلع ما يحتاج تعلق ورقه علشان ينضفونها في زر تضغطه ويعرفون انك تبي تنظيف *
واهم شي للعجازين مثلي اذا وصلت باب الفندق والله ماقد جيت واوقات متاخره القى اكثر من واحد يستقبلني واحد ياخذ سيارتي ويوقفها والثاني يشيل اي شي معي والله حسيت اني امير ههه والله بشوشين وضحكتهم ماتفارق وجههم اخلاق عاليه تحس انهم ودهم يخدمونك من قلب
بس صار امس بالفندق كنت ابموت من الروعه الساعه ثلاث وربع الفجر وانا نايم بعز نومتي تخيل تقوم على اجهزه الانذار وتسجيل صوتي بالغرف ارجو الانتباه يوجد حريق بالمبنى الرجاء مغادره الفندق فورا لا تستخدم المصاعد رح المدرج وبربره بصوت عالي جدا انا قمت والله مادري وين فيه قلت قامت القيامه واطلع بخلاقيني من الغرفه واركض للوبي واشوفهم يهدون العالم ويطلبون منهم الرجوع الى الغرف وانه مافي خوف ممكن مجرد دخان فتشتغل الانذار على طول صح انها روعه بس بصراحه عجبتني لانه مهب صفاره وبس لا فيه تسجيل صوتي يتكلم ويعلمك وش تسوي وعطوني الصبح رساله اعتذار من مدير الفندق صراحه بالانجليزي مافهمتها*

• هاذاي كمواصفات اقل غرفه عندهم وشلون الاعلى منها انا عن نفسي سعر 320 كفتني انا وزوجتي *وعيالي طفلين كفتنا وزياده*

انصح الكل بالسكن فيها اللي يبي الراحه وفندق صاد عن الناس تراه زين بس يبي لك سياره*
انا حاليا بالفندق واي استفسار انا جاهز وبالتوفيق لي ويارب ماتشتغل الصفارات زي امس لاني شكلي اباخذ فراشي وانام باللوبي اسرع للنحشه*