وعليكم السلام
حياكم الله يااختي في دار الحي
بتورونا
ملاهي للكبار القريه العالميه لاتفوتكم العابها تهببل
شوفي هالرابط
https://artravelers.com/p/re/165493
والمولات او المجمعات اغلبها اذا مو كلها في سينمات
ومنها
مول الامارات( لاتنسون سكي دبي او المدينه الثلجيه :24
ابن بطوطه
برجمان
ودبي فيستفال سيتي
ادخلي هالرابط وبتستفيدين ان شاء الله
https://artravelers.com/p/re/158174
ولاتنسوين تروحون مارينا دبي راائعه بقعداتها ومطاعمها خاصة في هالجو الحلو
واذا حابين تاخذون جوله في خور دبي جربو تتعشون في مطعم البوم
او باتو دبي
https://artravelers.com/p/re/24411
توصلون بالسلامه عزيزتي
واذا عندك اي استفسار ابشري بسعدك وفالك طيب
اختك
اليازي

السلام عليكم
حياكم الله في داركم الثاني الإمارات
الله يعطيها العافية اختي اليازي ماقصرت

• بالفعل الملاهي فالقرية العالمية لاتفوتونها، وترا ماباقي عليها غير إسبوع تقريباً

آخر يوم 1-3-2008

• وإذا بتلحقون ع قرية التراث ولغوص أجوائها تراثية حلوه ولقعدة عالخور رائعه ...

آخر يوم للمهرجان الأحد 24-2-2008

• مطاعم سوق جميرا المكان رائع ، عالنهر الصناعي. قريب جداً من برج العرب وتقدرون تاخذون لفة بالعبرة(القارب) حول الفنادق.
• الجلسات الخارجية لمطاعم الفستفال ووتر فرونت سنتر ، ولجو حلو ويساعد عالجلسة
• الإمارات مول (مطاعم وكوفيات+سينما+سكي دبي-المدينة الثلجية+تسوق+العاب)
• إبن بطوطة ايضا حلو بديكوراته

ولعديد من الأماكن السياحية فالرابط
https://artravelers.com/p/re/162751

• الجلابيات في سوق عكاظ - قريب جداً من سوق نايف (سوق شعبي) أسعارهم معقوله من 30-200درهم

وإذا تريدين شي راقي وشوي غالي بحدود 600-1000 فالقرية العالمية بالتحديد القرية الكويتية جربتهم جداً راقيات.
وأيضاً فالقرية البحرينية بحدود 400 وطالع
فالقرية السورية يمكن يعجبونج الجلابيات بالنسبة لي ماحبيتهم بحدود 200درهم وطالع
.

مشكورين يابنوتة الامارات واليازي ماقصرتم
والشنط التقليد وين القاها؟؟
وكيف الجو اجيب ملابس شتويه؟
معليش سامحوني

العفو لاشكر على واجب
الجو معتدل يميل إلى البرودة مساءً ، فقط فالأماكن المفتوحة مثل القرية العالمية و المطاعم إلي جلساتهم برا أحياناً تحتاجين جاكيت خفيف ومش دائماً.
الظهر ملابس صيفية.
بالنسبة لشنط التقليد ، مش منتشرة مثل السابق لأنهم مشددين عليها شوي، احتمال تلقينهم في سوق الكرامة تسألين المحلات وهم يدلونج على مكانهم ، وتحتاجين يكون معاج رجال لأنهم مش فالمحلات.
بالعكس خذي راحتج وأي سؤال ثاني نحن حاظرين
وسفرة موفقة بإذن الله