السلام عليكم ورحمة الله وبركاته
انا قررت باذن الله اني اسافر لم أوروبا بسبب الالحاح من زوجتي وبيني وبينكم انا ودي اروح
والمشكلة اني بين قوسين ما افهم بأوروبا ابد ميح
والمناطق اللي سبق اني زرتها اندونيسيا ودول الخليج وسوريا فقط لا غير
انا الان متناشب مع زوجتتي على هالسفره انا أقول ما اقدر لها ويبيلها دراهم وهي تقول ابد ما عليك
منيب شاريه وباخذ معي معلبات وتقعد تشرحلي ساعه الين ادوخ
المهم هي الان حفظه المناطق هناك وكانها قد راحت لها
اهم شي انها تبي فرنسا وإيطاليا وتقول النمسا او سويسرا
وعلى العموم ودي اذا انا بروح الف أوروبا
اللي انا ابي منكم ولا عليكم كلافه انكم تنوروني النقاط التاليه : اذا كانت الرحله من 2014/8/2 م
ولمده 20 يوم تقريبا ممكن تنقص يومين او ثلاثة
1- التكلفة المادية بالتفصيل الممل يومية وهذا اهم شي بالموضوع اللي انا طارحه طبعا اكيد بتكون تقريبيه
2- تخطيط الرحلة
3- فنادق مرتبة وقريبه من معالم
4-السياره (ارخص دولة بالايجار انا سمعت انها المانيا
5-خطوط طيران ومكان الإقلاع والهبوط والطيران الداخلي اذا فيه
ملاحظة : أتمنى ما احد يقوله هذا رابط استفد منه لاني ما راح افتح روابط وراحة على زوجتي
أتمنى كل شي يكتب هنا من أصحاب الخبره انا صدقوني لفيت المنتدى كلة بس ابي شي دايركت