السلام عليكم ورحمة الله وبركاتة ..
بدايةً أنا من أكثر المعجبين بهذا المنتدى من خلال تصفحي لكثير من المواضيع والتقارير الشيقة ..
ثانيًا .. بغيت فزعتكم معاي خصوصًا من العضو الغالي ( وافي بزمن جافي )
انا عندي رحلة لماليزيا بإذن الله لمدة 10 أيام ( 9 ليال ) ..
تاريخ وصولي لها بإذن الله يوم الأحد ظهرا بتاريخ 24 مارس .. والمغادرة يوم الثلاثاء مساءًا بتاريخ 2 ابريل ..
أولاً : بغيت فزعتكم بعمل برنامج حلو وممتع لشخصين وطفل أربع سنوات ..
أنا طلعت لأحد مكاتب الطيران والحجوزات وأعطاني برنامج هو كالتالي :
بعد الوصول لكوالالمبور ..
الذهاب مباشرة ل ( سيلانجور ) .. 3 ليال في فندق صن واي لاقون ..
بعدها ( بينانج ) .. 3 ليال في فندق Park Royal
وبالأخير ( كوالالمبور ) .. 3 ليال في فندق istana
والمجموع الكلي لحجز الفنادق ( 5865 ) .. بالإضافة لحجز طيران داخلي عن طريق طيران Air Asia ب 1800 لشخصين وطفل اربع سنوات .. يعني يطلع المبلغ بالكامل ( 7665 ) ..
السؤال : تشوفون هالبرنامج مناسب ؟ أو ممكن أعمل عليه اضافات ؟
وهل سعر الحجوزات مبالغ فيها ؟ ولا حلوة ومافيها فرق كثير عن حجوزات النت ؟
ام وعندي شوية استفسارات ( ياليت تتحملوني شوي )
1 - لو حبيت أحجز عن طريق النت .. وش رايكم بموقع ( Agoda ) لأني لقيته أرخص من بوكينق .. واسعارهم مغرية .. بس مادري عن الموقع وثقته .. إذا أحد منكم جرب وحجز عن طريقهم ؟ .. لأني أخاف أحجز ثم اتورط معاهم
2 - بخصوص بطاقة ( الفيزا ) مسبقة الدفع .. لدي بطاقتين ( الأهلي و الراجحي ) .. ماهي الأنسب والأوثق بالنسبة لحجز الفنادق عن طريق النت ؟
3- هل حجز الفنادق ياخذون علية مبلغ تأمين غير المبلغ المخصوم وقت الحجز ؟
وبس ..