- 1- نيويورك يومين
السلام عليكم جميعا
من زمان ما دخلت عالمنتدى كان عندي شغل كثير وكنت شايله فكرة السفر من بالي بس بصراحة وبشكل مفاجئ قررت إني بسافر لأمريكا وعمل جدول للرحه كالتالي (الجدول قابل للتعديلات بناء على الإقتراحات والنصائح):
1- نيويورك يومين
2- داخلي من نيويورك وحتى لوس انجلوس وهناك بقعد 10 أيام وأتنقل بالسيارة بين الشمال والجنوب وسان فرانسيسكو ولاس فيغاس , يمكن تقولون ما يكفي بس على فكرة بنكون انا وزوجي بس بدون أطفال ونبي نروح الاماكن المميزة فقط يعني فكرة وايد وقلت ان نقعد بشمال لوس انجلوس 4أيام وبعدين بالسيارة لسان فرانسيسكو وراح نقعد فيها يوم واحد بس لان من التقارير حسيت ان مافيها شي غير الجسر واليونيون سكوير بالليلوإذا غلطانة قولولي. وبعدين يالسيارة لجنوب لوس انجلوس يومين ومن ثم لاس فيغاس يومين
3- بالطيارة من لوس انجلوس (عشان اسلم السيارة بالمطار وأعتقد حسب ما فهمت ان السيرة اذا تم تسليمها في مكان غير مكان استأجارها يتم أخذ رسوم مو قليلة عليها صح؟) ونروح ميامي نقعد فيها 3 أيام وراح ناخذ سيارة من المطار.
4- بالسيارة لأورلاندو ونقعد فيها اسبوع
5- العودة لميامي لتسليم الطيارة والعودة من مطار ميامي إلى الكويت
بالنسبة لخطوط الطيران اخترت طيران الاتحاد والداخلي اميريكان ايرلايز أو الدلتا
أما الفنادق فبصراحة بعد ما اخترت
بليز عطوني رايكم بالرحلة وأي اقتراحات عليها ونصائح
وموعد السفر المقترح شهر يوليو
يعني تخلو فلوريدا مره اخرى
الطيران جيد جدا الاتحاد
والداخلي افضل انا بلو جت
ورحله موفقه ان شاء الله
تحياتي