نافورة شوق
17-02-2022 - 11:28 pm
السلام عليكم ورحمة الله
ما نسيناكم لو سلينا أو لهينا
لكن زحمة المطارات والمدينة تشغل البال .. والهدوء في لنكاوي يريح البال
عودتونا على كرمكم وصرنا نبخل بكم
أبشركم وصلت سيلانجور فندق إمباير و الماينز وبعد 3 ايام طلعت لنكاوي شاليهات موتيارا وبعد 4 أيام طلعت بينانج
والحين فيها في الفندق الجميل ( فلامنجو )
بعد بكرا .. ( الأحد ) بتاريخ 1-7-2012 بنطلع من بينانج إلى كوالا فندق شولان
طبعا قررنا نتحرك عن طريق الباص فقريت هنا عن باص ( نايس ) و ( أيرولاين )
س1- هل النايس والإيرولاين نفس الباص أو شركتين ؟
لو شركتين مختلفتين أيهما أفضل ؟
س2 - كيف أحجز رحلة على واحد من الباصين ؟
( حاولت بالنت بس ما عرفت .. وراح أكرر المحاولة )
س3- المكتب الصغير في مدخل الفندق ( التاكسي ) هل من الممكن يقدم لنا الخدمة
يحجز ويرتب ويودينا محطة الانطلاق ؟
س4- أنا وجهتي فندق رويال شولان فأي الباصات أركب ؟
شكرا لك ..
وإن شاء الله أبنزل تقرير مفصل عن الرحلة
مع إن ذاكرة الكاميرة خربت بعد ما حملت الصور للابتوب
فواصلت التصوير بكاميرا الجالكسي S2
=======================
على الهامش سؤال
تفضل الإجابات
1. نايس وإيرولاين شركيتن مختلفيتني وتفضل هذا باص (وافي)
https://artravelers.com/p/re/502470
2. طريقة الحجز موضحة في التقرير
3. نعم عندك في اللوبي بجوار محل المجوهرات مكتب Pan Island يحجز لك الباص
4. اركب الباص اللي يوقف في محطة بودريا لأنها أقرب لفندقك
5. بكرة ممكن تأخذ جولة بحرية لمدة ساعة ب 150 رنقت في قارب خاص
وممكن تروح جورج تاون تطلع برج كومتار أعلى برج في بينانج وتتفرج على المدينة وتصور
وبالنسبة للأسواق باقي مجمع كوينسبي ماشفتك رحته
وإذا حاب تشتري بخور عودة فيه محلات حلوة أسعارهم ممتازة في جورج تاون
بس لابد من المكاسر الشديد وأخذ عينة للفندق لتجريبها والشراء ثاني يوم
تمنياتي لك بالتوفيق