ارشح لك لنكاوي فهي جزيرة جميلة و هادئة

يعطيك العافيه اخوي ابن الاسكندريه
طيب لنكاوي طريقة السفر للجزيره الي انت ذكرتها طياره ولا سياره

ياليت الشباب ينورون هالموظوع ونستفيد من تجاربهم

حبايبي مو معقوله 37 زياره ولا واحد تكرم ورد علينا
والله لو الرحله شبابيه كان مااهتميت هالكثر بس الرحله عائليه وهذا الي مخليني اهتم
علشان كذا ياليت تتكرمون يااخوان وتفيدوننا

عليكم السلام ورحمة الله وبركاته
ماشاء الله العدد كثير و طلبك فلل صعب جدا ماراح تحصلها إلا إذا رحت
هناك وجلست تبحث ولكن صعبه شوي فمالك إلا شقق فندقيه
والجدول الأفضل لكم
ليلتين سيلانقور -- 5 ليال بينانق -- بقية الليالي بكوالالمبور
سيلانقور للراحه بعد السفر الطويل و للتغيير و اقرب للمطار و من سيلانقور بالباص
إلي بينانق مشوار حدود اربع ساعات و نص تقريبا لأن لنكاوي لازم طيران وتنقلات
وبعد بينانق ترجعون باص نفس الشي لكوالالمبور
السكن بسيلانقور عندك هوليدي فيلا بصوبانج عندهم سويت غرفتين بصاله ممكن تحجزون
سويت واحد مع غرفه ثانيه ديلوكس او سويتين
وفي بينانق مافيه شقق ولا فلل ولكن عندك الهوليدي إن او الباي فيو بيتش ثلاث غرف عائليه
كبار الغرف العائليه ممكن تاخذون غرفتين عائليه و غرفه ديلوكس
وفي كوالالمبور الشقق متوفره بكثره عندك شقق برنس او سويس قاردن الجديده وفيه اسكوت
وسومرسيت بوكيت بينتانق و ديربي بارك بس الأفضل برنس كموقع ومستوي

اخوي زازاز
يعطيك ربي الف عافيه وماقصرت اننا اخذنا من وقتك
ماشاء الله تملك الخبره الي راح نستفيد منها
حبيبي ولا عليك امر انا مااحب اتنقل لان انت عارف التنقل راح يكون صعب علينا من ناحية العفش والاغراض
وحاب استقر في مدينتين اول مااول بجلس بكوالامبور تكون للراحه ليوم واحد وبعدها ابيك ترشحلي مدينه استقر فيها
وبعدها برجع لكوالامبور اجلس فيها اربع ايام وبعدهاالاستعداد للسفر

السلام عليكم
عندك احد خيارين يالنكاوي يا بينانق
لنكاوي هدؤ وحق معاريس وفي الليل ولا حركه مالك إلا الفندق ولازم طيران
وأعتقد انها صعبه عليكم شوي
فأشوف بينانق انسب خيار لكم ولكن 5 ليال كفايه جدا و ممكن تتكرون عفشكم
الزائد في الفندق اللي بتسكنوا فيه في كوالالمبور إلين ترجعون
فأنا ارشح بينانق بالباص مايكلفكم اي شي وحتي لو عفشكم كثير مايضر الباص يشيل
و سيلانقور اقصد قريبه من كوالالمبور بس 30 دقيقه قلت في البدايه للتغيير عشان
اخر الوقت بتكونوا في كوالالمبور
وبينانق جزيره تكونوا جربتوا تسكنوا في جزيره و مدينه بنفس الوقت متحركه و نشطه
وفي الليل خاصه لو سكنتوا في الباتوفرنجي الهوليدي إن او البارك وريال او القولدن ساندس
رهيب الباتوفرنجي في الليل وفي العصر ونيس جدا إذا تحبوا الحركه و النشاط