مرحبابك اخوي الكريم
شريحة الجوال... إلي هي استخدامها لمدة سنة فقط تسمى بطاقة (واصل) موجودة فالمطار
وفي أغلب محلات بيع الهواتف ، و فالسوبرماركت ولبقالات مش الكل البعض.
سعرها 120درهم أو 150 ماذكر بالظبط بهالحدود. ويكون فيها رصيد 10دراهم
إذا حبيت اتزيد أو تشحن الرصيد تقدر تاخذ البطاقات من اي سوبرماركت أو محطات البترول.
بس تحتاج صورة من جواز السفر
رحلة موفقة بإذن الله
.

مشكوره
انا بنت مو ولد )

في المطار اول ماتوصلين
بتلاقين محل حق شركة "اتصالات"
في عندهم بطاقات للمسافرين اسمها اهلاً
سعرها 90 درهم
وفيها 35 درهم رصيد
وصالحة لثلاث شهور
في شركة ثانية اسمها "دو"
ولهم بعد محل في المطار
عندهم بطاقة للزوار
سعر البطاقة 49 درهم
وفيها 20 درهم رصيد
انا جربت الاثنين .. اتصالات افضل .. لأن الإرسال وايد اقوى

اختي الكريمه
اهلا فيج في بلدج الثاني الإمارات
شركات الإتصالات تقدم عروض وباقات خاصة لزوار الدولة
والشركات الموجوده في الإمارات هي:
1- مؤسسة الإمارات للإتصالات - إتصالات (وهي الأقدم والأفضل)
2- شركة الإمارات للإتصالات المتكاملة - دو (وهي شركة لا بأس بها)
ولكني أفضل اتصالات حيث ان شبكتها الأقوى ومكالمتها جودتها أعلى من دو
ولكن دو لديها نظام الدفع بالثانيه حيث انك تدفعين عن كل ثانيه تتحدثينها
عند وصولك إلى المطار
وبعد منطقة إستلام الأمتعه ستجدين مكاتب الشركتين موجوده بين مكاتب السفر والسياحه
مري عليها وشوفي اللي يعجبج (بس انتو اي مطار بتنزلون)
واذا كنتو مسافرين عن طريق البر
فستجدون مكاتب الشركتين في معظم المراكز التجارية
وايضا لديهم موزعون معتمدون في معظم محلات الإلكترونيات والهايبر ماركت
ويمكنك زيارة المواقع الرسمية للشركتين
اتصالات
http://www.etisalat.ae
دو
http://www..ae
واي استفسار نحن حاضرين

مشكورين عالردوود
بس مافهمت يعني اشتري الشريحه والرصيد ؟ ولا بس اشتري الشريحه وداخله فيه رصيد ؟؟ يعني بس ادفع 90 ؟؟
اخوي ولد زايد .. مطار دبي
ومشكور

لا الشريحه يكون فيها رصيد
ويمكنك تعبئة الرصيد متى شئت
وستجدين بطاقات التعبئة متوفرة في كل مكان
من محلات البقاله
والسوبرماركت
ومحطات الوقود
وبالتوفيق

إذا من السعوديه ومفعله التجوال الدولي داريكت تتحول دو اول ما توصلين وتحسب على فواتيرك بس التسعيره غاليه والافضل مثل ماقالو الاخوان اتصالات