1. صباح النور والسرور

صباح النور والسرور

أنا بطلع الصيف لغة بالخارج وأنا آنسة ومعاي أخوي اصغر مني يعني أنا المسؤولة كثير قالوا لي ماراح استفيد لاني ماراح اسكن مع عائلة بحكم انها صعبه علي لاني "بنت" لكن انا ماني شايفه فايدة أكبر لو درست لغة بالسعوديه خصوصا أني لو ماطلعت بالصيف ماراح أطلع ابدا حتى الماستر ماعندي محرم غير بعد سنتين لحد ما اخوي يكمل 18 سنه
مشكلتي ان أخوي راغب ببريطانيا وأنا كمان لكن قرأت مواضيع كثيره عن عنصريتهم وعدم رغبتهم في الاختلاط بالعرب والمسلمين يعين ماراح اتكلم الا مع الي بالكلاس زي حالتي !!!!!
وخصوصا وفوق ذا كله غاليه يعني انا ماعندي مشكله من ناحية الفلوس لكن اش ابغا من مدرس يحطني على جنب ولا شعب مستنكر وجودي وبما أن معاي مراهق الوضع أصعب لاني لازم أكون العاقله واعقله ولا ودي بالمشاكل ولا راح اقدر اكون مرتاحه تحت ذا الضغط والرعب ولا ودي اجلس بالبيت على طول صراحه من الخوف
ففكرت بمكان أبسط واقترحوا الناس علي كندا لانها ترحب بالسياح وماعندها عنصرية ولغتهم كويسه برضوا
بس لحد الآن القى مواضيع ناس تقول كندا وناس تقول بريطانيا !!! انا عارفه انها حسب شخصية الانسان
لكن هذا أنا لوحدي ومعاي ولد اصغر مني يعني صعب علي اني اكون مسؤوله عن كل شي في مكان ممكن اتعرض فيه لمشاكل ولا ضغط نفسي انا عن نفسي راح اتدمر
هل تتوقعون ماراح تفرق كندا عن بريطانيا في ظروفي؟؟؟
ثاني سؤال انا تعبت نفسيا يقولون لي الناس لا تحجزين بمعهد عن طريق النت الافضل عن طريق المكاتب ؟؟
ثالث سؤال اش افضل سكن لي أنا وأخوي؟غرفة وحده وحمام مشترك مع الطلبه شي مستحيل أكيد وصعب ! والعائلة عائلتي متخوفين من وجود طلاب ولا العائلة نفسها تكون مش ولا بد!
مو عارفه كيف طريقة السكن لاني بجلس شهرين فما ابغا شقه غير كذا انا فضلت كندا لان سكن لشخصين مع حمام خاص ومميزات ثانية راح تكون اقل تكلفه في كندا صح ولالا؟ لاني لاحظت أكثر المعاهد توفر غرفة بالمعهد مع حمام مشترك او عائلة فقط فقلت بكندا لو سكنت بأي مكان ما راح يكون مكلف صح؟
في ناس تفضل بريطانيا لان بينها وبين السعودية 6 ساعات تقريبا اما كندا اطول انا مايهمني ذا الشي لان واضحه ابغا ادرس وبس يعني ماابغا احد يجيني ولا ناويه ارجع قبل ما اخلص
بليز بليز الله يسهل لكم أموركم أنا أحترت وكرهت اسأل فكل مكان والناس تشوشني أنا ابغا أحد ينظر لوضعي هل راح يكون وضعي آمن ومريح كآنسة فكندا ولا في بريطانيا ؟وأعتقد الدراسة ماتفرق ؟
صح وشي أخير اش المدينة الافضل في كندا بها محلات تجارية بس ما يكون فيها سياح ولا ناس جاية تنبسط كثير يعني أقل شي لاني ماودي انشغل أو ألفت النظر
والله يوفق الجميع وثانكس مقدما