شارع صلاح الدين في ديرة
هو مش بعيد وايد
بس وايد زحمة في الطريق
أنا انصحكم تسكنون قريب من الشغل .. خصوصاً اذا هو لازم يوصل في وقت محدد
الا اذا كان الشغل بعد الساعة 9 الصبح .. لأن الزحمة تخف وايد

طريق صلاح الدّين هو المُحدّد بالأبيض ..
قريب جداً من مركز الغرير في ديرة دبي ..

هو الطريق من داور الساعة باتجاه أبو بكر الصديق أو شارع فندق الماريوت و عند ثاني أشارة ضوئية يقع شارع صلاح الدين عند تقاطع شرطة المرقبات مع فندق تريدر تنعطفين يسار فيصبح مركز الشرطة على يسارك ( أعتقد زوجك عنده دورة تدربية في ستار مترو و أقرب فندق له هو فندق رينسانس و لا أنصح بالسكن في نفس الفندق بسبب الضجة و أعمال الحفريات التي هي بالضبط مقابل الفندق ( بيتي ملاصق لفندق ستار مترو )
أكيد شارع الشيخ زايد بعيد عن شارع صلاح الدين . اختاري السكن قرب مول الامارات - لديك خيارات كثيرة و سير زوجك سيكون عكس الزحمة أو في فندق رينساس ( رأي شخصي )

اختي بالنسبه للبعد هو مب بعيد وايد بس بيكون زحمه وايد
شارع صلاح الدين بالتحديد بيكون فيه الريف مول ومارك سبنسر وفيه شقق فندقيه
انا صديقتي من شهر سكنت هناك في شقق الضيافه 2 وايد استغربت انها سكنت هناك بس وايد مدحت الشقه وهي قريبه ع اسواق ديره الشعبيه ,, بس مشكلة الشوارع هناك انه فيه اعمال المترو وتعديل الشوارع واشارات بتكون زحمه

الله يجزاكم خير ويرفع قدركم
المشكلة اني ابي اسكن في فندق العنوان ( الادرس ) علشان وقت مايكون زوجي في الشغل أنزل لدبي مول وأتسوق

عرب لينك مشكور ماقصرت
زوجي بيكون شغله في مركز جمعه الماجد

أوكي يعني عكس الاتجاه الذي و صفته لك عند شرطة المرقبات تنحرفين يمينا و لكن الطريق مغلق لأعمال الانشائية للمترو و أقرب فندق لشغل زوجك هو تريدر أو ماريوت - أذا بدك فندق تتسلي فيه و يكون قريب لشغل زوجك أنصحك بفندق ستي سنتر سعره - أسعاره ممتازة و المركز حيوي جدا . أدرس ممتاز و المركز مسلي و لكن سعره أعلى

الله يجزاكم خير
طيب لو أبغى أحجز سكن عن طريقكم باسم زوجي ماراح أقدر أحصل ع الخصم حق الأعضاء

renad09- أنت و زوجك واحد - يمكنك الحصول على الخصم