- السلام عليكم ورحمه الله وبركاته
السلام عليكم ورحمه الله وبركاته
اود ان انقل لكم تجربتي لفندق جال jal hotel المملوك للخطوط اليابانيه والذي افتتح قبل 3 اشهر فقط وسوء الخدمه للاسف التي لاتتناسب مع فخامه الفندق ونظافته المهم:
كانت رحلتي بتاريخ 7/4/2011 بدايه اجازه الربيع وصلت للفندق الساعه 1 بعد الظهر وكان الاستقبال مزحوم سعوديين وخليجيين سألت عن توفر الغرف من موظفه الاستقبال قالت الغرفه 1250 ريال قلت دقايق وارجع اتصل على عرب لينك واسال عن جال هوتيل قالوا فيه امكانيه الغرفه 625 ربال واخذ تاكسي لعرب لينك واحجز اربعه ايام 2550 وارجع للموظفه بعد ساعه بالحجز وبنصف السعر المهم عطونا شاي ياباني وقالوا ارتاحو شوي نخلص اجراءاتكم اخذوا الجوازات وقالوا عندنا مشكله بسيطه في النظام .و بعد مرور ساعه انتظار قالوا ماوصلنا الفاكس من عرب لينك وارجع اكلم عرب لينك وارسلوا الفاكس وانتظرنا ساعه ثانيه وقالوا معليش النظام عطلان مانقدر نعطيكم المفاتيح انتظروا شوي كل الناس ماخذت مفاتيح الغرف هذي اول مرة تصير .والمهم اشوف عوائل من الكويت اخذوا فلوسهم ومشوا قلت انا مافيني حيل ادور على فندق ثاني امري لله انتظر وبعد انتظار 7 ساعات اخينا فالله مدير الاستقبال ممدوح تكرم علينا ورحمنا وفتح الغرفه يدوي بدون مفتاح اكتروني وبدون كهرب ولا تلفزيون بقول ارتاحوا في الغرفه لين تنحل المشكله بغيت اشب فيه كان من الاول الان الساعه 9 ليلا قلت لمدير الاستقبال لو الفندق يحترم نفسه وسمعته كان عوض النزلاء واعتذر منهم .قال كيف اعوض 120 نزيل بنخسر!!!!! قلت اللي صار كارثه حقيقيه على الفندق قال هذي اول مره تصير واسفين . ولا انحلت المشكله الا الساعه 12 ليلا... وسلم لي على ادارة الفندق الياباني
المهم مالكم بالطويله اليوم الثاتي وانا طالع اتمشى اشوف عوايل في الاستقبال ......وتستمر المعاناه
ملاحظه على عرب لينك اتصلت عليكم وسالت عن فندق الكراون بلازا وقالو متوفر بسعر 590 ريال اخذوا اسمي وايميلي ورقم الجوال وقلت احجزوا وانا جاي في الطريق بدفع كاش وعند حضوري للمكتب قالوا مافيه امكانيه ومين اللي قال لك ؟؟ الفندق محجوز طول الفتره اذا تبغى فيه فنادق ثانيه قريبه من الكراون بلازا ...يعني وش اسميها جرت رجل والا ايش
