السلام عليكم ورحمه الله وبركاته
شلونكم وشخباركم
عساكم بخير
مثل ما انتوا شايفين بالعنوان
انا اول مره بحياتي بطب تايلاند من بعد مشاورات
وقررنا نروح لو 10 ايام تغيير جو ونرجع لان الله ما كتب لنا سفره طويله
و انا مافكرت ولا مره بحياتي اروح مادري حسيتها مو حلوه
المهم
قررنا نروح بالاسبوع الثاني من شهر 7
وحست بالنت اشوف لي فنادق
وياليت تساعدوني اذا اختياري كان ممتاز ولا لا
لان ان شاء الله بنسافر 3 حريم او 4 ومعانا امي وشوي ماتقدر على التنقلات والمشي فنبي شي مريح لها و قريب ما تمشي فيه وايد
وقت السفر بكون تقريبا من 11-7 الى 19-7
مقسمه بين 4 ليالي في بانكوك و 3 ليالي في بوكيت
ومحتاره بين هالفنادق
بانكوك:
Chatrium Hotel Riverside Bangkok
جناح بغرفتين نوم 4 ليالي بسعر 23490 بات
President Palace Hotel
جناح بغرفتين نوم 4 ليالي بسعر 24796 بات
Anantara Bangkok Sathorn
وهذا انا حبيته علشان في انترنت فري
والارخص
جناح غرفتين نوم 4 ليالي بسعر 17400 بات
اي واحد فيهم الاقرب للسوق والمناطق الحيويه؟
بوكيت:
عجبني هالمنتجع:
The Village Coconut Island
و نوع الغرفه بكون
فيلا على الشاطئ بحمام سباحه خاص وغرفتين نوم مع فطور
السعر ل3 ليالي 34650 بات
شرايكم فيها و بموقع الفندق؟ وهل قريب من السنتر؟
انا فضلتها علشان يكون لنا خصوصيه بالسباحه
واذا تعرفون منتجعات تقدم هالنوع من الفلل ونفس المستوى ياريت تفيدوني
الطيران ان شاء الله بكون على القطريه و لقيته بسعر 265 دينار او الاماراتيه بسعر 270 دينار تقريبا
بس انا افضل القطريه علشان اقرب للكويت
شنو تنصحوني بالنسبه للطيران الداخلي؟؟
واقدر احجز اون لاين والا لا؟
والحجوزات ان شاء الله للفنادق عن طريق booking مضمون صح؟
وشكراا لكل الي راح يتفاعلون معاي مقدماا