اول شي اعطينا التورايخ من و الى ؟؟
وكم المده؟؟
ولازم تستاجرون سياره عشان تنبسطون اكثر
احلى مخطط افتراضي ومناسب لكم
ميونخ استلام السياره ومباشره - 3 ليالي سالزبورغ - 7 ليالي كابرون - 5 ليالي ميونخ - 3 ليالي رست - ليله فرانكفورت
9ليله يعني 20 يوم وهذا اقل شي
وممكن ماتجلسون يوم في فرانكفورت ويصير تسلمون الشقه في رست بعد الفطور وتمشون مباشره الى فرانكفورت وتروحون لمول او مطعم وتتغدون فيه وتروحون على المطار
هذا البرنامج منوع وحلو والميزانيه كافيه باذن الله والسكن راح نحاول غالبا شقق او فنادق 3 او 4 نجوم ممتازه جدا
وبعد مانتفق على هالامور راح نتكلم عن السكن باذن الله

مرحبا اختي بنت حواء
اسف على التاخير
التاريخ ما اعرف بالضبط لكن راح يكون من اواخر شهر يونيو يعني شهر 6
وراح نتم لمدة شهر ان شاء الله
ام ..بس سؤال الجدول الموجود نقدر نروح له ل يوروب بارك
^^
شكرا بنت حواء ..بانتظارج ^^

ملاهي اليورب بارك في رست اللي حطيت لها 3ليالي
واذا بتقعدون شهر التكاليف راح تكون كبيره لانكم عائله كبيره ماشاء الله
لازم تحددون التواريخ بالضبط عشان نبدء نبحث عن السكن ترى الناس حجزت والخيارات قلت كثير انا لاحظت هالشي وانتوا عائله كبيره يعني لزام تحرصون اكثر

ام يعني لو اخذنا شهر كم لازم تكون الميزانية
اذا كثير ال 20 يوم يكفون خخ لانة عندي سفرة ثانية بعدها
اذا السفر من 28 يونيو
الى : اذا كان شهر لحد 28 يوليو
اما اذا 20 يوم يعني 17 يوليو
بس قبل ابي اعرف كم الميزانية تقريبا للشهر ^^
وشكرا كثير

ما اعرف بالضبط بس اللي اعرفه انه الاسبوعين تقريبا فوق 50الف خصوصا انكم 8 اشخاص ماشاء الله
لان الشخصين بين 20 الف و 30 الف
طبعا انا افضل تكون 20 يوم وتختارون اخر اسبوعين من يوليو لان الجو راح يكون افضل باذن الله

بصراحة ودي اروح من وقت
لكن اني اختار اخر اسبوعين من يوليو امم صعبة لانة الاولاد عندهم مدارس
راح اخليهم 20 يوم ان شاء الله
واذا عجبني الوضع خخ بتصرف هناك
الحين السكن في وين تكون الاوضاع و الاماكن حلوة ..ما فيها ازعاج ..ونحب الطبيعة اكثر
اشكرج اختي ع المساعدة ^^

عندي فكره احلى من الاولى تكون البدايه من فرانكفورت والنهايه من ميونخ
ليله فرانكفورت - 3 ليالي رست - 4 ليالي كونستانس - 7 ليالي كابرون - 3 ليالي سالزبورغ - 5 ليالي ميونخ
هذي 23 ليله يعني 24 يوم
الجدول اللي اعطيتك اياه كله اماكن ريفيه ما عدا ميونخ تروحون لها للتسوق وتزورون بعض الحدايق الموجوده وتشوفون ساحات ميونخ المشهوره وممكن تروحون يوم لقارمش
وطبعا فرانكفورت ليله واحده بس عشان الراحه عند الوصول
حدد التواريخ بالضبط عشان نبدء نبحث عن السكن ترى الخيارات بدات تقل من الحين بالنسبه للسكن
وحاول تحجز عن طريق الخطوط الهولنديه جرب لانها حلوه واسعارها حلوه لو بغيت تغير الحجز تدفع 100 دولار على كل شخص ولو بغيت تلغي لاي سبب تدفع لكل شخص 200 دولار
اطول مسافه من كونستانس الى كابرون 380 كلم فقط والبقيه كلها حوالي 200 كلم

حلو الجدول حبيتة ^^
امم بجرب الهولندية ولا مرة رحت فيها
ان شاء الله باجر بسال التربية عن الاجازة ..وراح ارد لج خبر ^^
شكرا لج ^^