- اليوم الاول :
السلام عليكم
انا في كوانزو الآن وزي ما استفدت كثير من الاخوان في المنتدى حبيت افيدكم وانقل لكم ايش اللي صار ويانا في كوانزو
الهدف من الزيارة : شراء اثاث لمشروع خاص ( دبلوكسات للايجار )وايضا باسكن بيت جديد ( عقبالكم) وناوية اشتري غرف النوم وطاولات الطعام من هناك
راح ابتدي وياكم من اليوم الاول
اليوم الاول :
رحلتنا كانت من البحرين على الكاثي باسيفك لكن للاسف خذنا فيها مقلب ولااحد يفكر يروح فيها الاحسن الاتحاد او القطرية
طلعنا من البحرين وقت متاخر ولا درجة البيزنس متعبية اتاري الرحلة بتوقف في الرياض وما كنا عارفين المهم وقفت ساعه و بعدين اقلعت على هونج كونج, طلع ويانا واحد من البحرين هونجكونجي (ها ها ها)نام من البحرين (عزيلة )زين ما نظلتة وما صحا الا في هونج كونج وانا الفقيرة:112: ما ذقت النوم لان الطائرة كراسيها غير مريحة, النكتة احنا اربع اشخاص رجلين و سيدتين حطوا كل واحد فينا بمكان الرجاجيل مش مشكلة يقعد اي مكان لكن المشكلة احنا شنسوي صرنا نترجى زي ما يقولون عوير وزوير واللي ما في خير من ها الصينين اللي ما يعرفون لا انجليزي ولا عربي وطحنا في ورطة :114 المضيفات قالوا ما نقدر نسوي شي ) طبعا هم عادي رجال جنب حرمة ما عندهم مشكلة , المهم قعد يمي واحد وسويت روحي اني باصيح و خايفه واسويله اشارات ابي افهمة اني ابي اختي تقعد جنبي والحمدللة الله هداة ووافق وانتهت المشكلة الاولى:x1::x1: ,عدت الرحلة كل اللي معاي نايمين الاانا سبع ساعات و نصف وانا صاحية :112::112:المهم وصلنا هونج كونج وقلت ا1ا وصلت باروح اللوج تبع الدرجة الاولى و اكيد بانام على طول لكن عرفوا ايش اللي صار ؟ ايش اللي يطير النوم من عيون الحرمة ؟ توقعوا ايش اللي صار
شفت سوق المطار شي خيالي كل الماركات فية واحنا راح ننتظر ثلاث ساعات قلنا فرصة صاروا رجالنا تعالوا ارتاحوا بعد الرحلة واحنا نقول ابدا و كلا سوف نذهب , طبعا ما قدروا يقولون شي لكن وعدناهم ما راح نشتري شي بس زي ما يقولون ( سكاننكج) اليوم وفي العودة راح نشتري المهم لفينا وخلصنا و ركبنا الطيارة على الخطوط الصينية و رحنا على كونزو وصلنا ورحلنا الاوتيل , حجزنا في اوتيل شانغرلا اوتيل حلو , وفخم لكن انصحكم لا تسكنون فية و بتعرفون السبب بعدين
اللحين تصبحون على خير , جاني النوم وبروج انام قبل لا يبتدي زوجي السمفونية ( الشخير و ما ادراك ما الشخير )
بالتوفيق انشاءلله