تم نقل الموضوع الى ساحة الاستفسارات

bo sultan & hamdan
و عليكم السلام
اولا سنة 2013 انتهت و كل عام و انتم بخير
ناوي على السفر في شهر 8 / 2014
يمكن الاطلاع على موضوع جداول السفر لاخونا شخص ما و تحديد المناطق بالاضافة الى الاطلاع على التقرير ليكون عندك خلفية عن المناطق و كل ما يهم في السفر
السيارة تقدر تحجزها من مكتب سيكست الموجود بالقرب من تايمز سكوير في دبي
التذاكر و الله عندنا غالية تقدر بعد شهر يناير تحجز لانهم يغيرون الاسعار مع بداية السنة و تكون بحدود 3500 درهم للشخص
و الافضل انك تحجز على الاماراتية او الاتحاد بالنسبة لي انا افضل الطيران المحلي كثيرا لانه صارت لي تجربة مع الطيران الاخر و اتبهدلنا
و اي استفسار ثاني حاضرين

ماقصرت اختي هاويه
انت تبي تستأجر في باد هافغاستن وتبي تروح زيلامسي وكابرون ؟؟؟ يكون في علمك المسافه بعيده اكثر من 50 كم
الافضل السكن في كابرون او زيلامسي او البلداة القريبه منها ...
اطلع على التقارير حتى تقتنع
الشي الثاني
الرحله ذهاب وعودع ميونخ وتبي دزني لاند
يعني بتروح باريس ذهاب من مطار ميونخ والعوده الى مطار ميونخ ؟؟ومنها الى السعوديه ؟؟
رتب افكارك بم ان سفرك باقي له
خلي عودتك من باريس
تكون الرحله
ذهاب الى ميونخ
والعوده من باريس ...
هذا افضل لك واريح
بالنسبه للطيران
الاماراتيه والقطريه ممتازين ولكن القطريه اغلب وصولها الظهر والاماراتيه المساء الساعه 8 بتوقيت ميونخ
خذلك فره او لفه على كم تقرير حتى تعرف ماذا تريد بالضبط ....
وارجع معانا وناقشنا وابشر بكل خير إن شاء الله .....

مشكورين على ردودكم .. السفر ان شاء الله في 2014 .. انا كنت ناوي اسكن في باد هاف غاستن علشان موقعها في الوسط (لزياره غارمش - سالزبرغ - كابرون - زيلامسي) شو رايكم ؟؟
وبخصوص ديزني .. قلت بسلم السياره في ميونخ وبسير بالقطار لديزني لاند وبسكن هناك وبرجع بالقطار على مطار ميونخ !!!
لانه اذا التذكره ذهاب واياب من نفس المدينه بتكون ارخص .. ناوي استاجر سياره من وصولي لميونخ .. شو رايكم ؟؟ وتنصحوني في شو ؟؟ بخصوص المسافات انا ماعندي مشكله اذا المسافات بين المدن والقرى والاماكن السياحيه حوالي ساعه او 45 دقيقه ..

ليش ماتقسمها وتسكن في كل مدينه بلاشي تضرب مشاوير
هذا رأيي تقسمها افضل لك
اللي عرفته انك تبي توفر ولو تعرف سعر تانكي البنزين ب 380 الى 400 ريال من e الى f وكذالك الديزل

الرحلة من ميونخ الى باريس فيها تبديل واحد تقريباً ومدتها 6 ونص تقريباً
احسب سعر تذاكر القطار لكم ذهاب وعوده وقرانها بتذكرة الطيران ذهاب الى ميونخ والعوده باريس
شوف اللي يخارجك فيها
السيارة استأجرها من ميونخ بتطلع عليك ارخص وسلمها في ميونخ

شخص ما .. يعني رايك اخذ طيران او قطار من ميونخ ل باريس وارجع لدبي من باريس؟؟
ممكن تخبروني عن اسماء شقق فندقية (غرفتين وصاله) في باد هاف غاستن ؟؟
واذا سكنت هناك .. شو الاماكن السياحية اللي ممكن ازورها ؟؟

ايوة ترجع دبي من باريس
باقي فكرتك الثانيه باد جاستن اطلّع على التقارير ماتبي تقرب من الاماكن السياحيه ترا انصحك واحب لك الخير والراحه
وانت براحتك
بصراحه ماعندي خلفيه عن باد جاستن لا سكن ولا اماكن سياحيه .

وعليكم السلام ورحمة الله وبركاته
ماقصروا مشرفينا هاوية الأسفار وشخص ما
الله يجزاهم خير
ومع مشرفنا شخص ما
السكن في كابرون أحلى وأريح واونس وأقرب لكل شئ بما أنتم عائلة
لو سكنتم في بادهاف قاستن راح تزورون كابرون وزيلامسي يوميا حول 40 دقيقة في الروحة و 40 في العودة
4 أغسطس _ 19 أغسطس
عندكم 15 ليلة
التذاكر
الذهاب ميونيخ العودة باريس
يكون الجدول
4 أغسطس _ 7 أغسطس
3 ليالي سالزبورغ
7 أغسطس _ 12 أغسطس
5 ليالي كابرون
2أغسطس _ 14 أغسطس
ليلتين ميونيخ
4أغسطس _ 19 أغسطس
5 ليالي باريس
9أغسطس العودة للوطن
ملاحظة
الحرص على حجز تذاكر بالطيران الفرنسي الأقتصادي ( للذهاب لباريس من ميونيخ )
ميونيخ باريس ميونيخ مع ذكر تاريخ العودة بعيد لتكون التذكرة أرخص من مسار واحد
هذا مسويته وأغلب العرب المسافرون يسوونه
مثلا الذهاب 14 أغسطس العودة 14 اكتوبر
جذي كان جدولنا في صيف 2012 وكنا مرتاحين
ورحلة موفقة بإذن الله