السلام عليكم ...
اخوي hasenhas حياك الله اخي العزيز .
سؤال على الطاير ...انت حجزت ولا باقي .
اتمنى القى اجابة وردي بعدها صاروخي
ولك تحياتي وتقديري والسلام عليكم

مساء الخير
فندق strawberry في كاميرون يقع في منطقة مرتفعة في ماليزيا حتى أعلى من جنتنغ وأبرد.
في الليل ما تكفيك بطانية وحدة لازم تطلب ثنتين (عني أنا لأني برادة:rolleyes. الفندق شكله زين ويقع في منطقة
جدا هادئة ورايقة و مع ان اسمه فيه فراولة إلا إنهم ما قدموا لنا و لا شي منها ومدة يومين جدا كافية
عليها. الفندق نظيف مع انه مب جديد لكنه مرمم ومرتب.
بعض طاولات الافطار (اللي ما عجبني مثله مثل كل فطور ماليزيا) تطل على منظر حلو ،أذكر مرة
كنا نفطر ومع ان فوقنا سقف لكن من قوة المطر اللي نزل علينا فجأة ما قدرنا ودخلنا للطاولات الداخلية .
إذا تبي رحلات إسأل الفندق يعطيك اختيارات. اخترنا رحلة لعدة أماكن أظنهم كانوا ست في يوم واحد
من ضمنها كانت مزرعة الفراولة و معبد بوذي .
نسيت أعلمك ترى الطريق إلى كاميرون مخيف بدون مبالغة لآنه مثل ما سمعت من اللي راحوا لفيفا
بالسعودية مثله وأكثر، طريق جبلي على ارتفاع ومسار واحد رايح جاي وقلبك يرقى وينزل معه .
كله تعرجات شوي يمين إلا لف يسار وهكذا السيارة تسير بسرعة بطيئة عشان الطريق مليان تعرجات.
وراح تتعجب إن الطريق لها أصلا قصير لكن هالتعرجات بتطوله عليك. نصيحة مني إذا مثلي من اللي
بسرعة يدوخون خذ كيس معك احتياط
برايي وفر عنك روحة كاميرون وشوف لك مكان ثاني غيرها
مع تحياتي بسفرة حلوة لماليزيا

لا والله يالشعيبي ما حجزت لحد الحين
اذا عندك راي ثاني تكفى

السلام عليكم ...
اول شيء نشكر اخونا الفرس ...كفى ووفي بيض الله وجهه .
وبعدها نجيب اخوي الغالي hasenhas كفندق اخوي تراها
ما يحتاج ويستاهل وقالها اخونا الفرس ...لكن في خبر جديد
عن هالفندق ...عاد الراوي هو اللي يتحملها وقريت ماادري وين
انه هالفندق مسكون ...عاد هذه فيها ارزاق واخاف ارمي كلام
من عندي ...لكن كما سمعت وقرأت ...وحأبحث وين قريت واوافيك
ترى ماليزيا غير عندنا ...واسأل مجرب ...ان قالوا الماليزين
هذا المكان مسكون خذها قول وفعل ولا تقرب المكان ...
مثل ما فندق بكلنتان انتهى وطاح لانه مسكون بالفعل ...
والله عندهم قصص تشيب الراس ...واعيدها ترى عندهم غير,
بلدهم كلها غابات وجنهم مؤذي واغلبه غير مسلم ...اتمنى
واحد يجي ويقول انا ما اخاف واتحدى انه كلامك صحيح
وانا ادله على عنوان بماليزيا ويروحه في وقت احدده له
ويخبرني وش جرى له او شاف اوسمع هناك
اعوذ بالله من الشيطان الرجيم .....
غير يا عمي ...عندك اكواتوريال وليك هاوس وهرتيقا .
موفق اخوي وللان ترى القصة غير مؤكدة وتراها طراطيش
كلام ...حرام نظلمهم لكن احب لاخيك ما تحب لنفسك فوجب
التنبيه والتحذير ...ولك تحياتي وتقديري والسلام عليكم
ولاجل اكون امين سكنت فيه قبل سنتين وكان روعة ومابه
ولاشيء ولا شفت فيها اي شيء .