مرحبا شحالكم
مضيع الدرب يحيكم من اروبا وبروكسل حاليا
كنا في دوسلدورف من 6-10-7-2011 الصراحه كئيبه كئيبه كئيبه وممله وما انصحكم الاقامه فيهاا ابدا اسكنوا كولون انفس وشويه ما تحسون بالملل
دوسلدورف فعلا كئيبه وما فيها شي الا شارع الملوك او الستي سنتر على قولتهم
رحنا كولون الستي سنتر وانسرقت اخت المدام المحفظه واجمالي 10000 درهم فقط ههه
نست الشنطه مفتوحه وكان يوم مزدحم وراحت المحفظه باللي فيها الحمدلله على كل حال بس اتحملوا
من النشالين..
انا الحين موجود في بروكسل لغاية 15-7-2011 وصلنا امس ووجدناها جميله جدا وفيها حركه وابرد عن دوسلدورف وكولون
وفيها عرب من كل الدول اغلبهم خليجيين اليوم رحنا بروج واوستند مناطق حلوه بس مش نفس ما وصفوهم الاخوان يعني جيدات بس مب هاك الزود
وبعد 5 ايام راح نتوجه الى باريس اي استفسار انا حاضر يا اخوان
في دوسلدوف اقمنا في فندق ان اتش نظيف وفطور رائع والغرف نظيفه وهادئه بس بعيد عن السنتر وسعره ممتاز خذنا الغرفه ب 58 يورو بس
وفي بروكسل مقيمين في شيراتون بروكسل ممتاز جدا وفخم وموقعه ممتاز جدا جدا جدا وخذنا الغرفه ب 89 يورو فالليله وهو 5 نجوم بس حجزنا بدون فطور...