عليكم السلام
دامهم خصموا المبلغ معناه حجزك غير مسترد فنصيحه لا تحاول تلغيه
لان فلوسك ممكن تروح عليك
الافضل تأكد ان الحجز مسترد او غير مسترد اذا مسترد تقدر تمدد يومين ماعندك مشكله
وممكن تلغيه و تحجز جديد خمسة ليال بس تأكد فعلا انه مسترد
اما لو غير مسترد خلاص ماتغير فيه شي و لازم تسوي حجز جديد لليومين الاضافيه
وتكتب في الملاحظات حق الحجز الجديد ان عندك حجز سابق و تحط رقمه عشان مايغيرون غرفتك
اذا خلصت مدة الحجز الاول لغرفه ثانيه
او كلم الفندق مباشره او راسله ايميل و قلهم انك تبي تمدد يومين

ماقصر zazaz
بس إن بغيت ما يغيرون الغرفة لك تأكد ان الغرفة بالحجز القديم نفس نوع الغرفة بالحجز الجديد

يعني تنصحني احجز حجز جديد على اليومين بنفس الغرفه واضيف معلومه في الحجز ان عندي حجز سابق برقم واوضحلهم ولا اني اتصل على نفس الفندق واستفسر منهم وش الافضل برايكم

انا رايي إنك تحجز من بوكينق لليومين الباقيات وتكتب في جزء الطلبات الخاصة ان عندك حجز سابق. أصلا الطلبات هذي ترسل للفندق . شغلك كذا كافي وزيادة و أظن إنك ما تحتاج تتصل على الفندق

ملاحظاتك لازم تكتب بلغة الفندق (الماليزية) أو بالإنجليزية

احجز بنفس الاسم اللي حجزت فيه الحجز الاول
في قسم الطلبات الخاصة اكتب
Dear; I already have a reservation in this hotel from 6 (?) to 9 (?) (With the same guest name). I want this new reservation, which is from 9(?) to 11(?), to be in the same room as the previous reservation. In other words, I would like to avoid changing the room. Thank you for your assistance فقط ضع اسم الشهر بدل (؟) مثال لوكنت حاجز شهر جولاي اكتب 6 July بدل 6 (?) وينطبق نفس الكلام على 9(?) و 11(?) اتمنى اكون افدتك

الف الف الف شكر اخ مهند على المعلومه وافادتي بالصحيح جزالك الله خير