فندق مميز وكذلك السعر

كفاية انك حجزت في فندق بمدينة الجميرا ... المدينة في حد ذاتها متعة .. والخدمات اللي فيها متميزة ..
ارجو لك التوفيق ..

سعر جميل .
لمكان رائع .
أتمنى لك إقامة طيبة.
وأن تستمتع بوقتك هناك.

فندق روعه
وسعر أروع
أتمنى لك إقامه سعيده

حور الإمارات . السيدة درجة أولى . بنوتة الامارات
يسلمو خواتي علي ردكم الكريم
وبصراحه ردكم خلني اتحمس ليوم سفري لها اكثر
وان شاء الله راح انزل اول تقرير لي مفصل عن زياراتي لدبي بعد ما ارجع منها
اخوكم
Be Cool

أنا من كم أسبوع كنت ساكنته .... فندق يعطيك احساس انك في مسلسل ألف ليلة و ليلة و الا مسلسل سندباد و الا علي بابا و ريحة البخور اللي يحطونها في المساء يا سلام والا الشموع داخل السراج اللي يصفونها على امتداد الممر و في الليل يحطون لك (تكرم ) شبشب عند السرير دلع ما فوقه دلع , لا تنسى تشوف الشامبو كيف حاطينه في غراش مناسبة روح المكان ... اذا معاكم اطفال ... ترى عندهم نادي اسمه ( سندباد ) تابع للفندق توصله بالسيارة الجولف اذا تحب , فيه بركة اطفال و ترفيه لهم و فيه من يراقبهم , بس انا فضلت أبقى معاهم في أثناء ما يسبحون ....
شئ ثاني .... ترى عندهم توصيل مجاني الى مول الامارات و مول ابن بطوطة في shuttle يطلع كل ساعة ....