السلام عليكم ورحمة الله ،،بداية أحب اشكر بوابة السفر الى مصر لان استفدت جدا منها في اخر كم سفرية لمصر ،،
سواء من التحذيرات او الأماكن الجميلة اللي ممكن أرزوها وأجدد فيها سفرتي للقاهرة ،،
تقريري اليوم مش مدعم بالصور بعتذر لكن ما كنت حاطة ببالي وقت السفرة ،،
لكن حبيت أفيدكم بتجربتي انا وزوجي اللي رجعنا منها من 4 ايام فقط ،،
أولا .. بالنسبة للسكن .. احنا تأجرنا شقة بمدينة نصر بحكم العادة بجوار النادي الأهلي
لكن مع الوقت و الأماكن اللي زرناها شفنا اماكن جميلة للايجار في المهندسين وحتى
الاحياء القريبة من التحرير و ميدان طلعت حرب يعني تحسو المكان حيوي جدا ،،
ثانيا .. أهم أهم شي يكون معك في سفرتك بالقاهرة هو جوال يدعم جوجل ايرث
او اي برنامج متل osmand للخرائط ،، لان الصراحة كتير سواقين التاكسي
بهدلونا يعني الواحد يركب تاكسي ويقول عداد يلاقيه يلف يمين شمال
او يعمل نفسه ما سمعك وين رحت ويروح مكان تاني و يرجع يرجعك المكان
اللي بدك اياه ،، فطبعا زوجي اتعلم من اول يوم وشغل جوجل ايرث عشان
يشوف اخريتها معاهم ،، وفعلا لما السواق يشوف زوجي يدله يمين شمال
يعرف انه ما في مجال لخفة الدم ،،
ثالثا .. شوفت كتير منكم بيشكرو في مطاعم استوديو مصر بفروعها
احنا روحنا فرع مصر الجديدة شارع الثورة ،، اولا القعدة عادية جدا
لكن الخدمة ممتازة ،، اكلهم طعمه لزيز ،، مشوياتهم بتقدم بطريقة مميزة
لكن الفاتورة مبالغ فيها شوي يعني نص كيلو مشاوي مشكل
مع 3 انواع سلطات و 2 بيبسي كلفونا 350 جنية !
في أماكن اجمل بكتير وأكلها اطيب وارخص من كدة وقعدتها أروع ،،
يعني الصراحة مش مكان انصح فيه ،،
رابعا .. حديقة الازهر .. مكان جميل للتمشاية او القعدة ساعات طويلة براحتك
وفي هناك مطاعم وكافيهات وفيكم تجربو مطعم البحيرة فعلا قعدته جميلة ومميزة
و فيكم تاخدو صور تذكارية هناك ،، واذا معكم اطفال في مكان مخصص الهم هناك
فيه العاب و فيه عروض بلياتشو وعرائس وغيره ،،
وطبعا المنظر بيطل على القاهرة القديمة كلها وفعلا شيء جميل للتصوير والرسم وغيره ،،
خامسا .. مطعم بلانت افريكا فرع ميدان سفير او تيرامف مكان جميل جميل
يعني القعدة لا تمل و متعوب عليها ،، يعني المنظر والموسيقا الهادية
و الديكورات الرهيبة فوق ما تتخيلو والخدمة ممتازة جدا
و الأكل مميز بالطعم والشكل وطريقة التقديم ،، و طبعا سعره فوق المعقول
وكمان فيكم تقومو تتصور براحتكم مع المناظر المختلفة بالمطعم
وممكن تتطلبو من احد طاقم الخدمة يصوركم ما في مشكلة ،،
مكان انصح بزيارته بشدة والاطفال هيحبوه جدا جدا ،،
سادسا .. اخدنا جولة في النيل في مراكب تابعة للسهم الذهبي
يعني هو طلب 80 جنيه في السعة كلمة من هنا من هناك اخدناها
ب 50 جنيه معقول .. و حتى المراكبي كان راجل عجوز كدة ظريف
وفي حاله وعرض علينا يصورنا كم صورة بس الصراحة هو لما ركبنا
حد سألنا عايزين حاجة ساقعة قلنا ماشي بس الظرافة انه حسبها بضعف السعر
وكان منزل شاي للمراكبي على حسابنا ما علينا ..
سابعا .. مطعم قدورة .. انا زرته قبل كدة كذا مرة لكن الصراحة كانت هاي
الزيارة اسوأ زيارة يعني الأكل مطنش تمام ولا حتى نفس الاهتمام بالزباين
لكن قدورة يبقا قدورة
ثامنا .. احنا وصلنا مطعم البرج وكلنا امل في وجبة شهية
لكن لقينا الدور الارضي مليان ع اخره
وما في الا طاولتين في اماكن مش مريحة ابدا
ولما طلبنا نطلع فوق قالو لسا مغلق ويفتح المغرب
فالصراحة خرجنا و كان برضو في عائلة تانية نفس الموضوع
وخرجو معنا لان كان المفروض يوفرو مكان مريح اذا في زباين كتير ،،
تاسعا .. مطعم حسني يعني من اخره المكان ما عجبني رغم شهرته
يعني من الزحمة ما في ترتيب في الخدمة و تلاقي الجرسونات مركزين مع ناس دون ناس
و طلبنا كفتة مشوية و شيش طاووق كانت الكفتة طيبة لكن الشيش طاووق كان اسوأ
دجاج اكلته في حياتي ما عليه ملح ولا توابل ولا اي شيء !!
و فاتورة كبيرة يمكن 250 جنيه وطبعا الشيش طاووق دقناه فقط و الباقي تركناه ،،
عاشرا .. رحنا جزيرة المعادي مكان متل جنينة ع النيل وهي تابعة
للقوات الخاصة .. جربنا المراكب هناك و الجميل فيك تطلع من المركب
لمكان للوقوف على سور المركب زي بلكونة يعني بالزبط ،،
لكن السيء انه ما في تصوير ،، و الصراحة المكان بعيد
و بيكون الطريق زحمة لكن المكان جميل و المهم الصحبة الحلوة
وكانت صحبتنا جميلة جدا الحمدلله ،،
نصايح ع السريع ..
1- اذا حابين تاخدو هداايا جميلة ومميزة حريمي يعني اشياء للصبايا
و الستات الاكبر سنا ممكن تروحو عباس العقاد في المعرض السوري المصري
وهتلاقو بداخله كذا حد بيبيع جلابيات كاجوال او يعني اشياء تناسب الصبايا
وبألوان و تطريزات حديثة جميلة جدا بس لازم تفاصلو .
2- سوق العتبة سوق شعبي لكنه جميل وخصوصا الجزء اللي اسمه الموسكي
وحارة اليهود بيبيعو فيها بالجملة و الجميل فيها الاكسسوارات النسائية او اكسسوارات
الشعر اللي بتتباع بالجملة باسعار جميلة .. غير طبعا اشياء رجالية من ميداليات وغيره
كان في ميدالية اشتراها زوجي من مدينة نصر ب 30 جنيه ولاقاها نفسها في العتبة
ب 3ونص جنيه صدمة ..
3- خان الخليلي انا رحته لكن الصراحة ما استمتعنا انا وزوجي ابدا
و الاسعار كلها نصب في نصب و الراحة احنا رحنا متأخر يعني ع 11 تقريبا.
4- التمشاية ع الكورنيش القريب من التحرير جميلة في الصبح و في المسا
المهم ابعدو عن وقت الضهريات .
ام كان هادا تقرير بسيط معلوماتي ان شاء الله يفيد حد بشي ،،
وكنا ناويين نروح اسكندرية يومين لكن حصلت ظروف اضطرتنا نوقف سفرتنا
ونرجع وخيرها بغيرها ان شاء الله ،،