اولا اشكر الاخ امباكت على جهوده المبذولة في الموقع
والذي استفدت منه بشكل كبير
كان موعدي اليوم السبت الساعة 8 صباحا
وحبيت اعطي نبذه بسيطة عن الموعد بشكل مختصر
البوابة الرئيسية طلب مني فقط ورقة تاكيد الموعد
(عشان يتاكد ان لدي موعد )
Appointment Confirmation Information
الصالة الاولى طلبت
ورقة تأكيد الموعد الخاصة بالنموذج ( الي فيها الباركود )
وجواز السفر
وايصال سامبا
قصت الباركود ولصقته بالجواز وسالتني .. اول مرة تروح امريكا.. قلت ايه
اخذت البصمات
بعدين دبست كرت احمر بالجواز وسلمته لي وقالت انتظر بالصالة الاخرى
الصالة الثانية
كانت المقابلة مع موظف جيد واجتماعي ومبتسم
طلب الجواز وبه الكرت الاحمر
وايصال سامبا
قال انت متزوج ؟
تعرف احد هناك .. زملاء او اقارب ؟
وين تعمل ؟
طلب تعريف العمل ورجع التعريف ..
قال ليش اخترت امريكا ؟
قلت عندي كورس وهذا خطابهم وعطيته الخطاب .. ما طلبه مني
سالني عن الكورس.. شرحت له ..
قال عندك جوازات قبل ؟
قلت ايه بس الجوازات اتلفتها
قال خلاص انتهينا
وكان معي مستندات كثيرة
قلت تبي كشف الحساب ... خطاب تغطية طبية
قال لا مايحتاج
تاشيرتك مقبوله
وكان معي حجز الطيران وصورة الجواز وصور شخصية
وسالني ... انت تبي الجواز الفترة هذي اذا تبي تسافر لانه بياخذ شهر
قلت شهر مدة طويله احتاجه بعد ثلاث اسابيع
قال اوه تبينا نخلصه بسرعه (( قصده علينا هالحركات ))
قال شهر ماعندك مشكلة .. قلت مافيه مشكلة
عطاني كرت وطلب تسديد رسوم فيدكس قبل ما اطلع من المبنى
سددت عن فيدكس وعطوني وصل
الملخص بالطلبات
ورقة تاكيد الموعد
ورقة تأكيد الموعد الخاصة بالنموذج (الي فيها الباركود )
الجواز
ايصال سامبا
والقى نظرة على تعرف العمل وخطاب تاكيد الكورس
دعواتكم تطلع التاشيرة بأقرب وقت
واي استفسار حنا بالخدمة