3 أيام لنكاوي و3 أيام بينانغ

مشكور يا بو شرف على سرعة الإجابة
ومعلش ازودها معاك شوي لو تعطيني وجهة نظرك مع السبب حتى اكون على بينة ومشكور طال عمرك
لأن في ناس قالت لنكاوي صغيرة تكفي يومين وبننق كبيرة تحتاج أكثر من ثلاثة وانت وكرمك معاي يا زعيم

انا انصحك مثل ماقال اخوي ابوشرف لان الصراحة انا زرت بينانج وجلست فيها ثلاث ليالي وشفتها كافيه هي ولنكاوي. بس اذا تبي نصيحتي اذا زرت لنكاوي لاتفوت منغروف الي بالقارب..

يعتمد هذا على نفسك يعني تحب الراحة خلها 3 ايام 3 أيام
إذا تحب الفلة والمغامرة خليها 4أيام بينانغ 2 يوم لانكاوي
أنا في بينانغ اخذ 4 ايام (( رأيي الشخصي ))
أخوك ولد التاجر .... المملكة العربية السعودية .... جدة

اخي الفاضل
اذا كنتم مجرد شخصين ( انت والمدام) ف 3 ليالي في لنكاوي افضلكم لأنها جزيره حالمه ورومانسيه تناسبكما اما بينانج فهي انسب للعوائل متعددة الافراد اكثر خصوصاً اذا في اطفال
تحياتي

مساء الخير
بما انه اول مشاركه لي في هالمنتدى الطيب وبما انه توني لي يومين راجع من ماليزيا انا بنصحك اخوي انه تجلس فيها يوم واحد لو حاب تشوف الديره ولو تسمع نصيحتي انك ماتمرها ابد لانه كل ساعه تجلسها في لنكاوي تعادل يوم من بيننق اضف على ذلك انه بيننق مافيها شي غير الهضبه ذات الاطلاله الجميله لو حاب تشوف الهضبه ومنضرها خليها يوم وتوكل
تحياتي

مشكورين وما قصرتم
الأخ الانترنتاوي لم افهمك هل تقصد أن اجلس في لنكاوي يوم واحد أم في بننق يوم واحد وضح من فضلك مشكورا ومأجورا

عزيزي انا قصدت انه تجلس في بيننق يوم واحد لو حبيت تشوف المدينه
من وجهة نضري بيننق تصلح للعائله المكونه من اكثر من شخصين
لنكاوي جزيره ساحره بجمالها وهدوئها وشواطئها

اخوي انا رجعت قبل أسبوع من ماليزيا كان جدولنا 4ليال بينانق و3ليال لنكاوي ..
ومن وجهة نظري 4ايام حلوه على بينانق اذا كنت بتروح رحلة بحريه او مدينة بوكيت ميرا .. اذا ماراح تروح لهم 3أيام كافيه ..
لنكاوي على حسب .. لنكاوي جزيره هاديه ورايقه ورومانسيه وطبيعه مافيها اسواق كثير وحتى مطاعمها قليله
حلوه للي يحب الحدايق والطبيعه 3أيام حلوه ..
اما اللي بيطفش من جلسة الفندق في الليل ولايحب الهدوء فيومين كافيه .. بس اهم شيء رحلة المنقروف تراها روعه .. الصباح او آخر العصر ..
واي سؤال انا في الخدمه اخوي ...