اخوي قبس مشكور على هذا الموضوع اللي كنت ابكتبه لكن سبقتني ...
الزبده طول الله عمرك انا جيت الاسبوع الماضي من دبي الصراحه تورطت مادري وش اعبئ السياره لاني اعبيها في السعووديه احمر 95 كامري 2002 ب35 ريال اذا كانت فاضيه السياره ويوم سافرت للامارات عبيتها اخضر فل ب92 درهم غالي .. انا من عندي عبيتها اخضر ولاتوقعت انه بهالسعر شفتها اخضر قلت خلاص فلل واذا جيت السعوديه ارجع زي اول اعبئ احمر ولاجيت منفذ الغويفات الا السياره فاضيه وعبيناها احمر
السؤال زي ماقال اخينا قبس البنزين الاحمر 95 ماذا يعادل في الامارات الاخضر ام الازرق .. مشكورين

و الله بلشنا يا أخوان بنوعية البنزين ...
بعض المحطات يقول لك مخصوص أخضر 95 ... و بعضها يقول خصوصي أزرق 98
و لا ندري و الفرق .. أنا سألت عامل عربي في إحدى المحطات و قال لي:
إن بنزين 91 اللى هو أخضر بالسعودية .. نفسه 95 بالإمارات بس لونه أحمر و يسمونه مخصوص الظاهر
و الخصوصي 98 هذا اللى يعادل 95 عندنا و لونه أخضر أو أزرق... بس ماني متأكد
و المشكلة إنه في عدة محطات بنزين في الإمارات
فيه محطات إينوك وإيبكو وإمارات وأدنوك و كل محطة التسمية عندهم تختلف
يعني في دبي في محطات إمارات و محطات إيبكو
أنا الآن بالأمارات و عبيت سيارتي من محطات إمارات من البنزين اللى يقولون مخصوص 95
و أشوف إنه عادي ما أختلف شئ بالسيارة و الحمد لله الأمور تمام
بس و الله يخوك البنزين غالي ... تعبئ الجمس فل ب 140 درهم !!

كنت الاسبوع الماضي في دبي واعبي بنزين 95خصوصي والحمد الله ماصار شي للسياره بس المشكله البنزين يخلص بسرعه ،،،، سعر البنزين في الامارات ضعفها مرتين في السعودية .
بصراحه الله يعينهم على سعر البنزين ،،،، اللهم لك الحمد السعودية في نعمة الله لا تغيرها علينا

والله يا اخواني ودي اساعدكم بس معلومتي مش كامله اللي اعرفه عن الارقام 91 - 95 - 98 - 105 هذي تعبر عن نسبة الاوكتين في البنزين عاد شو هذا الاوكتين لاتوهقوني انا كنت من فتره في ورشة قوارب الفيكتوري تيم واذا هم يعبون بنزين 105 اوكتين وشرحلي المهندس بس ماكنت مهتم اللي عرفته انه كل مازادت هذي الماده اعطت السياره او المحرك قوه اكثر عاد كيف طريقة حسابها ما ادري هل هي لكل ليتر او جالون او لها نسبه خاصه ما ادري المهم ان جميع انواع البنزين في الامارات خالي من الرصاص ايا كان رقم الاوكتين .
صحيح البترول غالي الحمدلله نحن في نعمه انا امس واصل من اوروبا والله اعبي نص التانك للسياره بستين يورو يعني ثلاثميه درهم

وين اللي يبي يعطين الخبر اليقين عن البنزين ...........

السبيشل ولونه اخضر هو اوكتان 98 وسعره للتر 1.72 درهم
العادي/سوبر ولونه احمر هو اوكتان 95 وسعره ارخص

المهم هو الرقم، و ليس الاسم، فالبنزين 95 اوكتان في السعودية، هو نفسه 95 اوكتان في اي بلد آخر بغض النظر عن اسمه أو لونه، و إذا لم يكن متوفراً فالأفضل اختيار الأعلى أي 98 مثلاُ.

بترول السيارات نوعين :
1- الازرق ( السوبر ) 98 .
2- الاخضر ( خصوصي ) 95 .
طبعا الاخضر يستخدم اكثر .
تحياتي ,

هذا العيب بالامارات البنزين مولع نار
معبئ فورد تحت شرطة النص ب 88 درهم
وشلون لو فل اجل ههه هذا فورد فكتوريا الله يعين اصحاب السيارات الكبيره اقول