كيف الأسعار ياأبوأحمد..وهل تغيرت فعلاً

الحمدلله على السلامه بغيت اسألك كم عددكم ؟؟ وهل فيه مشكلة في التنقلات ؟؟
وما تعرف عن شقق كروان ريجنسي او مريتو من عندها لاني والله ودي بمعلومات عنها ؟؟
ومشكور

هذي ليست رحلتي الاولى لماليزيا
لكنها رحلة اقتصاديه بالاضافه لدورة تدريبيه في تنمية المهارات وتطوير الذات
على كل حال انا امشي على ميزانية يومية لا تتجاوز 500 رينقت للمصاريف
وقد استفدت من رحلاتي السابقه خبره لاباس بها في التعامل مع كثير من المواقع
عدد افراد عائلتي (1+5) = 6
اولا اعترف ابدا بالحجز الا من داخل البلد يعني اصل المطار ثم اركب تاكسي و اتجول بين الشقق فان لم اجد فعلي بفنادق 4 نجوم القريبه من شارع بوكت بنت تانق (شارع العرب ) و اخذ سويت او غرف عائليه
والحمد لله الاسعار معقوله كثير لا تتجاوز 350 شامله الضريبه و الخدمه
الملابس اكويها بالكيلو في محلات غسيل الملابس
التكاسي اركبها خارج الفندق بمسافة اقل شي 10 متر و اشتغل متر فقط يعني عداد الي عجبه عجبه و الي ماعجبه فيه غيره كثير و لا مشاكل ولله الحمد
نركب في التاكسي و لا مشكله ولاخوف من الانظمه و اذا تفلسف سواق التاكسي ادهن سيره برنقت او رنقتين افضل من سلخ الميني فان او الميكرو باص
الاكل ماشاء الله على كنتاكي و ماكدونالد بيتزا هت و بعض مطاعم المسلمين لاكل السي فود
وهذي اوفر بكثير من الاكل الي ماشي حاله في الي يسمونها مطاعم عربية و سلخ نار
تخيلو ممكن ميزانية الاكل تتضاعف 5 مرات او 6 مرات اذا كنت تركز ع المطاعم العربية
و اذا طفشت مشيه كم مره من المطاعم الايرانيه تراها ابرك من الي يسمونها عربي
الهدايا و المشتروات ياكثر سوق ابو عشره حتى في البوكت بن تانق

لا تتعامل مع شي اسمه برنامج سياحي كامل في داخل ماليزيا
تبي توفر و تنبسط امشي ع مزاجك مو على مزاجهم و كل على مزاجك مو على مزاجهم
مثلا :
اذا بتروح مكان بعيد عن المدينه اسال اكثر من واحد هل تتوفر تكاسي هناك او لا
واذا ما تتوفر احجز تاكسي بالساعه و غالبا 20 رينقت و استانس و لا تشيل هم
لاني متأكد حتصرف على التنقلات نص الي يصرفه غيرك في برنامج متكامل
مثلا صن وي لاقون تركب من المدينه ب 20-25 رينقت
المطار 70-80
جنتنت 80-100 واشرط لفوق وخله يولي و انت خارج حتلقى التكاسي تاخذك ب 80 للبد
الطيور 10 رينقت و انت خارج لا تركب من كاونتر التاكسي بياخذ 80% زياده
امشي خطوتين بس حيزهمونك و يقولون 15 قول 10 حيركبوك
الصن واي لاقن اذا خرجت اركب من كاونتر التاكسي مش حياخذ منك الا 10% زياده عن بقية التكاسي
الحذر و الحيطه من حمل الفلوس في شنطة المدام ترى بيخطفوها ههه
و الاجمل شغل السيفتي بوكس و كل يوم خذ مصروفك في جيبك اليمين و احتياط في جيبك اليسار و الطواري في شنطة المدام
ماحب شنط السيدات الي بتكون علاقي وصغيره خذ لك شنطه سنعه و خلها تحط لك فيها علبة منديل وبنادول و تشيل فيها قارورة ماء صحه وكيسين لوز و تراها خفيفه ووناسه ولاحد يفكر يلطشها
اهم شي كل يوم اجلس في لوبي الفندق او الشقق و كون صداقات مع العرب الموجودين و خذ الاخبار منهم و امع نصايحهم و خذ الزين و اترك المقالب و لا تاخذ من مصدر واحد ترى الناس مزاجاتهم غريبه ، نوع في مصادرك
و الي اشوفه مهم ان كوالا لمبور تستحق 80 % من اجازتك
و الصن وي لاقون او سوبان او جنتنق فهذي من كوالا تروح و ترجع و انت مبسوط
اخيرا جرب كل شي عندهم و انبسط و استانس ترى هذي رحله ولا تبالغ في الصرف تراك ما تشتري وناسه بل بتكون صيد سهل لهم والصيني اقسمه نصين دايم ههه وبتاخذ بسعرك

1000شكر أخوي على التوجيهات الحلوة واللي اسويها شخصيا خاصة موضوع التكاسي و المطاعم لاني مااقتنعة بالمطاعم العربية اللي هناك .......
عندي طلب أخوي واذا تكرمت تقدر تسأل عن امكانية الانتقال بالباص من كوالا الي ملكا لا اقصد افاموزا
اقصدمدينة ملكا؟؟؟؟؟؟؟واذا موجود حددلي موقع الباصات ؟؟؟؟؟؟؟؟؟
بارك اللة فيك وجزاك اللة عنا كل خير.........
أخوكم خالد

السلام عليكم اخوي العزيز
حبيت اسالك عن الجو هل امطار عندكم متواصلة اما مذا وشكرا

حبيت أسألك عن مستوى الفندق اللي أنت ساكن فيه في كوالا
وكيف أحجز هل من النت أو المكاتب أو لم أوصل ؟
ومشكور

فينك يا أبو أحمد ؟

واصل ابو احمد
نصائح حلوه وتشكر عليها