قريت المنزل ما يصلح للي عنده عيال ؟؟؟؟؟؟
ليش
اغير حجز الفندق لو ما يناسب تواجد الاطفال

والله انا شفته من برا وشكله حلو - وموقعه ممتاز-وتراه جديد - وقيمته مره حلوه - انا كنت ساكن في القصر وكنت امر من عنده وانا طالع -هو يقع في برج دبي بجنب دبي مول - بس ترا المنزل ماهو جاي بجنب المول مثل فندق العنوان وفندق القصر- بس اتوقع ان عندهم مثل الشتل (ميكرو باص توصل لدبي مول )- اذا انتي دفعتي واكدتي الحجز توكلي علي الله وخوذيه

انا شفته انه فندق حلو و مثله مثل غيه يصلح للأطفال لكن ممكن اللي قلك ما يصلح للأطفال قصده انه مو منتجع ما في العاب مائيه او نشاطات مختلفه
لكن موقع حلو قريب من برج دبي أكبر مول في العالم و نظيف و أكله حلو و سعره مقبول جدا حولي ال 500 درهم ازيد اقل شوي
بس شو التسهيلات بوجود الاطفال اللي تقصديها إذا تقصدي بيبي كوت او سرير الطفل عادي موجود
و منطقته صارت حلوة و ما فيها كثير انشاءات الطريق معبده و المنطقه اللي هي المدينه القديمه تجنن
توكلي على الله

الفندق ممتاز و ماعليه كلام ..
بس يعيبه شي واحد ان الحمام اكرمك الله بابه زجاجي ..
هنا تجدين صور للفندق ..
http://www.tripadvisor.com/LocationPhotos-g295424-d644534-Al_Manzil_Hotel-Dubai.html

فندق رائع
ولكن اشكالية الوحيده ان الدورة المياه مكشوفة لانها زجاجية
لذلك لا تناسب للذي عندهم اطفال
اما اذا كان زوجان بدون اطفال فهو رائع

فندق ممتاز و مريح و من ناحية التنظيف و المعالملات و التسهيلات جدا مميز و حلو
و اتوقع متساهلين مع الاطفال و اتوقع اختياركم جيد
لانه منطقه رائعه و حلوه و جديده
و بالتوفيق ان شاء الله

الغاليه عادي سيري وتوكلي ع الله الفندق ماعليه كلام وع سالفه الاطفال هوو حلوو واوكي ومافيه اي شي

فندق رائع وما عليه كلام ، وخدماتهم صراحه ممتازة ماشالله

شكله حلو جربي وبلغينا