اجوانا
10-12-2022 - 07:17 am
السلام عليكم ورحمة الله وبركاته
صباح الخير / مسا الخير لكل مين نور موضوعي
بإذن الله هاسافر كندا عما قريب انا واسرتي
بس ليا كم استفسار ياريت احد يجاوبوني عليهم
بداية انا رايحة احضر ماستر علوم حاسب المرحلة السابعة
ودارسة في جامعتي بالانجلش وكمان اختبرت اختبار مبدئي للانجلش بدون مذاكرة
يعني على حصيلتي اللي عندي
حصلت على درجة تعادل 4 في الايلتس
ادري ما هي عالية
بس السؤال هنا هل اقدر اوصل الى 6 او 7 مع العلم اني احب اللغة واريد تعلمها بشدة ودافورة ما شا ءالله ,,, ام الثقة
ثانيا انا سألت كتير عن المدن الكندية
انبهرت بفانكوفر بعدين سمعت انها سياحية بالدرجة الاولى
بعدها فكرت في تورنتو ورتبت اموري عليها
لاقيت صاحبتي عمها هناك في اوتاوا وعمها معاه الجنسية من زمان فقلت نحول على اوتاوا منها اكون قريبة من الملحقية
وبنفس الوقت بعد الله في احد ممكن ألجأله لو احتجت شي
بناء على كل كلامي ابغى اعرف ايش المعاهد المعترف فيها من قبل الوزارة في اوتاوا لاني ما ابغى اعتمد على قبول الوزارة يا رب يجيني في اوتاوا؟
كمان انا عندي طفلة في مدرسة هل سهل الحقها في المدارس الكندية ولا الموضوع صعب
وياريت اعرف متى تبدأ السنة الدراسية عندهم ومتى تنتهي لانه خايفة سفري يكون قبل انتهاء السنة الدراسية هنا واسحب اوراقها واضيع عليها سنة وكمان مدى سهولة استقبال المدارس السعودية لها
وهل لو لا قدر الله لو صعب الحاقها بالمدارس الكندية احطها بمدارس الاسلامية ثم احولها بعدين ؟؟؟
وهل اقدر أاأجل مووضوع سفري شهرين او 3 لين بنتي ما تخلص دراستها هنا ؟؟؟
سؤال بخصوص مرافقي هو ما راح يدرس هناك وابغى اطلعله فيزا زائر بس سمعت انها بس 6 شهور وهل هي لسفرات متعددة ام مرة واحدة واذا انتهت هل تجديدها يكون من السعودية ام من كندا وهل يكون صعب تجديدها زي استخراجها ؟؟؟
انا حابة اختي وبنتها تتطلع معايا وطبعا هاقدملها على فيزا زائر هي وبنتها هل دا صعب وهل لما ارسل اوراقي للسفارة الكندية اضيف اوراقها معايا ولا اخليها تقدم بشكل منفصل على العلم انه لها سبب يخليها ترجع للبلد هنا ودا اكتر شي سمعت انه السفارة تطلبوه ؟؟
اسئلة كتيررة بس والله عندي ثقة في الله اولا ثم فيكم ما تردوني صفر اليدين
ثانيا بالنسبه اتاوا اعرف انها مدينه مش مثل تورنتو وفانكوفر اذا انتي تحبي المدينه اللي فيها حركه اتجهي للمدينتين وخلك من اتاوا وتقدري تروح للملحقيه تبعد عن تورنتو ساعه ونص اعتقد
ثانيا بالنسبه للمدارس بما انك مقيمه وتدرسي يحق لابنائك يلتحقون بالمدارس الكنديه وهي مجانا واذا تحبي اسلاميه كنديه لها رسوم اما بالنسبه للسعوديه اللي اعرفوه انه بس يدرسوا عربي ودين وباقي المواد يدرسوها ابنائك بالكنديه
اما بالنسبه هل بدات دارستهم اعتقد لانه بامريكا حاليا بدات الدارسه واي شخص متاخر يسون لها تحد مستوى بالانجلش وهذي للكل ويلحقونهم على طول بعد تحديد مستواهم
اتمنى اني افدتك واسمحي لي مااعرف عن الاسئله الاخرى موفقه