السلام عليكم ،، اختصاراً للامر ارجوا منكم ايقاف هذا الاستغلال الحاصل لنا كعرب من قبل هؤلاء الإندونيسيين وعدم الثقه بأي مكتب تاجير او رحلات سواء بحرية او بالسياره. او كروز او غيرها في هذا البلد المحتال ، ذهبت الى بالي و وجدت ان هناك شركة GRAB مثل اوبر للمواصلات وهي رخيصه جداً تستطيع ان تستخدمها بأسعار رخيصه جداً ، الشي الثاني والاهم لاحظت ان الكثير متضايق من اسعار الألعاب والرحلات وهنا للاسف المصيبة الكبرى
اليوم رحت للألعاب والانشطة البحرية واستغربت ان السائق وصلني لمكان كل من فيه عرب ، وجاني الفضول لمعرفة السبب في تواجد العرب فقط وعند وصولي وجدت اسعار خياليه وفكرت بالرجوع وايضا فكرت بالذهاب للمحلات المجاروه بنفس الأنشطة.
يعلم الله اني رحت وشفت اسعار تفرق حوالي ٧٠٪‏ عن هذا المكان اللي يروحون له العرب وانهم نصابين دجالين ، أرجوكم ان تتجنبوا اي مكان يوديكم له السواق لانه بالاخير للسرقه فقط ، يقول لي مدير المكان حين رجعت وفضحتهم قام يقول احنا مسلمين مثلكم قلت كيف تتعذر بالإسلام يا نذل والاوروبي وغيرهم بفرق اكثر من نص السعر ، طبعا السائق متفق معهم وأنصحكم اي مكان يوديكم له سائق روحوا للمكان اللي قبله او بعده مطعم كافيار و الدبابات وغيرها .. انتبهوا منهم. وبارفق لكم صورة محل الألعاب و الأنشطة البحريه وأبعدوا عنهم فيه واحد قبله واظن كمان بعده و سعروا ، انا لما رحت كان باقي فيه سعوديين ونبهتهم وقلت اطلعوا هذولا حرامية وكانت بتصير مشكلة لاكن ماعلي منهم ، السعر كان عندهم بكج ٣ العاب لشخصين ب ٨ مليون روبيه والمحل اللي جنبهم ب ٢ مليون روبيه ؟؟؟؟ وانا اصلا رفضت العب بهالقيمه و مشيت ولحسن الحظ اني شفت لوحة المحل اللي قبله وطلبت منه يوقف عنده حتى اللي زادني حرص اروح كان السائق يتهرب ويغير الموضوع هذا البلد السيء ماعد ارجع له لو اروح اسرائيل واول مره وآخر مره. ...
انا راعي سفر بل مدمن سفر وشهريا اسافر واتابع المنتدى و لا عمري شاركت فيه لاكن هالمره لقيت من واجبي أنبهكم و الشيء الثاني فيه كروز اسمه باونتي كروز لونه اصفر ،، هذا كروز فاشل مدته ساعتين وأكلهم كلام فاضي وسعرهم ٤٠٠ ريال سعودي لشخصين ولما تحجز يكذبون ويقولون مدته من ٤ الى ٩ ،. والله ماتدخل الكروز الا ٦ ويخلص ٨ واكل فاشل و جو فاشل كله صينيين وهنود عجائز ويطلع عليهم الواحد ب ٦٠ ريال سعودي والعربي ب ٢٠٠ ريال ؟؟ ، استخدموا موقع www.tripzara..com التسجيل بالموقع صعب ولاكن يوفر لكم الكثير ويستاهل
الموقع هذا بنص قيمة اسعار الفنادق واكثر في اسيا ورخيص جداً
وابعدوا عن النصب
والان ارفق لكم صورة محل الألعاب و الأنشطة البحرية في جزيرة بالي أسمة SARI MERTA SEGARA
اسم السائق اللي وداني له وأعرفه من تويتر
خيرول والثاني صمعاني وهذي أرقامهم النصابيين
3
‪+62 858‑5732‑3734‬