BH lover
15-11-2022 - 12:14 am
السلام عليكم و رحمة الله و بركاته
ان شا الله من تاريخ 21/12/2013 ناوين نسافر انا و زوجي شهر عسل
نفكر نروح لمدة 27 يوم
الصين و ضواحيها
ماليزيا
تايلند
لأهل الخبرة شتنصحوني به؟؟
وين اروح
و كم يوم في وين
و اذا عندكم علم الاسعار:
الفنادق
المترو / التاكسي / الطيران الداخلي
الاسواق
الاماكن الترفيهيه السياحية
الانشطة الترفيهية
الاحتفالات / المهرجانات
الاكل
و هل الفترة الي راح اروح فيها راح ترتفع الاسعار و اله عادي؟؟؟
انا اقترح عليك تروحين على خطوط الكاثي بيسفك وتحجزين على كوالا وطبعا الخطوط كاثي بيسفك الزامي تسوي ترانزيت ب هونج كونج عاد انتي طولي مدة الترانزيت
ماليزيا جميله جدا وبتستمتعين فيها (سيلانجور - بينانج - لنكاوى - الكاميرون هايلاند - كوالا )
واذا حابه تروحين تايلند فيه فيري بين جزيرة بينانج بماليزيا وجزيرة بوكيت بتايلند
هونج كونج طبعا عباره عن 3 جزر
جزيرة كولون انصحك تسكنين فيها ( شارع ناثان رود كله مطاعم ومولات - عروض الليزر على الميناء )
جزيرة هونج كونج ( متحف الشمع - هضبة فكتوريا )
جزيرة المطار ( ديزني لاند - اوت لت مول )
طبعا ماليزيا بالمواصلات والاكل اقل اسعار من هونج كونج بكثير
بالنسبه للايام احس هونج كونج تكفيها 6 ايام
ماليزيا ( يومين سيلانجور - 3 ايام لنكاوى ( منتجع موتيارا جميل جميل جدا ) - يومين كاميرون هايلاند- 5 ايام كوالامبور )